Tungkung Langit by Skye Almari N. Bragas

Gawa ni: BRAGAS, Skye

skyebragas1228 — 2025-06-29 13:08:48 UTC

Si Tungkung Langit ay inilalarawan bilang makapangyarihang diyos na maylikha ng lahat. Ang kaniyang kapangyarihan ay lumikha at isaayos ang sansinukob. Siya rin ang lumikha ng mga silesitiyal na bagay katulad ng mga bituin sa langit, ang araw at ang buwan. Sabi sa alamat ay gawa ang mga ito sa alahas ng kaniyang asawang si Alunsina na lumisan dahil sa isang hindi pagkakaunawaan sa pagitan nilang dalawa. Siya ay sinasamba ng mga taga-Visayas, partikular na ang mga Hiligaynon at Waray.

source (imahe):

https://cdna.artstation.com/p/assets/images/images/039/744/482/large/klinton-padojinog-tungkung-langit-pillar-of-heaven-small-size.jpg?1626806056

Gawa nila: HURTADO, Rance & PASCUAL, Angelo

2025-06-29 13:13:37 UTC

TRIVIA
Sinasabing hanggang ngayon ay iniintay parin ni Tungkung Langit ang pagbabalik ni Alunsina. Siya ay mag-isang nakatira sa kaniyang palasyo sa kalangitan at kapag kumikitlad at umuulan ay umiiyak siya at hinahanap ang kaniyang minamahal. Ang boses nya ay umaalingawngaw sa mga bukid.

BUOD
Ang kuwentong "Tungkung Langit at Alunsina" ay nagpapakita ng kaalamang bayan sa anyo ng alamat na nagpapaliwanag sa pinagmulan ng mundo, araw, buwan, at mga bituin. Ipinapakita rin dito ang paniniwala ng mga sinaunang Pilipino sa mga diyos at diyosa may kapangyarihang lumikha ng daigdig. Mayroon ding pamahiin sa kuwento, tulad ng paniniwalang ang kulog at ulan ay luha ni Tungkung Langit dahil sa kanyang matinding kalungkutan. Naglalaman din ito ng aral tungkol sa pag-ibig, selos, at pagsisisi, na bahagi ng karunungang-bayan na nagtuturo ng tamang asal. Ang lahat ng ito ay naipapasa mula sa matatanda sa pamamagitan ng pasalitang tradisyon, na mahalagang bahagi ng ating kultura.

source (imahe):

https://img07.deviantart.net/be9e/i/2009/229/c/4/tungkung_langit_at_alunsina_by_happypeewee.jpg

Gawa ni: ROMAN, Mico

2025-06-29 13:21:18 UTC

Kung sa Luzon ay mayroon tayong Bathala, sa Visayas naman ay mayroong Tungkung Langit. Si Bathala ay ang pinakamakapangyarihang diyos at manlilikha ng lahat. Habang si Tungkung Langit ay diyos ng langit. Sila ay mayroong iba't ibang pinagmulan, hindi bahagi ng banal na herarkiya ng paglikha, at nakatuon sa kalikasan at moralidad. Si Alunsina ang naging kasangga ni Tungkung Langit. Parehas ang kanilang layunin na bumuo ng isang maayos na mundo. Sa simula hanggang huli ng kanilang pagsasama, naging inspirasyon pa rin ni Tungkung Langit si Alunsina sa kaniyang mga likha. Pinapakita nito na ang kasangga ay hindi lamang nagbibigay ng suporta, pagmamahal, at motibasyon sa likod ng bawat gawain, kundi aktibong gumagawa rin.

Gawa ni: MONTANO, First Amriel

2025-06-29 13:25:53 UTC

Si Tungkung Langit ay isang makapangyarihang diyos. Siya ay masipag, responsable, at mapagmahal na asawa ni Alunsina. Ayaw niya ng kaguluhan kaya nagsikap siyang ayusin ang gulo sa mundo. Ginagamit niya ang kaniyang kapangyarihan sa mabuti katulad ng kagustuhan niyang bigyan ang mundo ng kaayusan. Ngunit sa kabila ng lahat ng kabutihan na kaniyang ginawa, ang pagtatalong nangyari nina Tungkung langit at Alunsina ay nauwi sa pagpapairal ng kaniyang galit kaysa sa pag-unawa. Sa kaniyang padalos-dalos na aksyon agad niyang pinalayas si Alunsina at siya’y nagsisi agad. Ipinakita na si Tungkung Langit ay may pagka-impulsibong katangian na naging dahilan ng kanilang paghiwalay.

source (imahe): https://scontent.fmnl30-1.fna.fbcdn.net/v/t39.30808-6/299621439_399364155671085_4522680721032503765_n.jpg?_nc_cat=103&ccb=1-7&_nc_sid=6ee11a&_nc_eui2=AeHjKRUZ4XdlM_CREZ0FNvliHOYj64Xzs3Qc5iPrhfOzdP_nTPAzFMmpYxmmmH1c5YAMeU_elhkTUmkOBV8bPyNA&_nc_ohc=jQ8aNPqMpJYQ7kNvwHnJ4cR&_nc_oc=Admv9KE-uz2mufHzRN1R3hEw536RGsNhJDBhUV90okNQzPjB6q1K3QytvT9C4orkGeA&_nc_zt=23&_nc_ht=scontent.fmnl30-1.fna&_nc_gid=aTSgapcQmNC6HSRormZWGA&oh=00_AfOLAcF8Zg95yRUhjmRiKJG3MNya2ZEiTsBn0yAqIH84Pw&oe=6866F543