Heildstæð yngri barna kennsla - kynningar by Svava Pétursdóttir

Svava Pétursdóttir

svavap — 2026-01-08 13:59:39 UTC

Hæ, ég hef verið kennslukona frá 1989, fyrst í Sandgerði og svo Heiðarskóla Keflavík. Ég kenndi fyrsta bekk sex ár í röð, fylgdi svo síðasta bekknum uppí 3. bekk. Svo hef ég kennt töluvert í stærðfræði og náttúrufræði á unglingastigi. Ég er dósent í kennslufræði yngri barna, sérsviðin mín eru notkun upplýsingatækni í kennslu og náttúrufræðimenntun. I rannsóknum hf ég skoðað samþætta kennslu eins og sköpunarsmiðjur og margt í kringum stafræna tækni. Sjá hér það sem ég hef skrifað. https://svavap.wordpress.com/skrif/ Ég á tvo syni, þrjár stjúpdætur og níu barnaborn. Í frístundum rækta ég garðinn minn,syng í tveim kórum, leik við barnabörnin, spila borðspil og tölvuliki og stunda sund bæði í laugum og sjó.

Margrét D. Guðmundsd

2026-01-13 14:56:45 UTC

Hæ, ég er 43 þriggja ára og er að hefja nám í Kennslufræðum yngri barna í grunnskóla. Ég er með BA í félagsráðgjöf og fór svo í MA nám í alþjóðasamskiptum. Börn og ungmenni hafa alltaf verið mér hugleikin og hef ég unnið mikið á vettvangi sem tengist þeim. Ég algjörlega féll fyrir kennslu þegar mér hlotnaðist tækifæri til að starfa sem leiðbeinandi við umsjón/kennslu. Svo hingað er ég komin. Mínum frítíma eyði ég með mínum manni í fjallaferðum og ferðalögum sem er algjört uppáhald.

Aníta Ósk Bergmann

2026-01-13 15:22:54 UTC

Ég er 26 ára og er að hefja nám í Kennslufræðum yngri barna í grunnskóla. Ég var að klára B.Ed. í grunnskólakennslu með áherslu á stærðfræði.

Síðastliðin tvö ár hef ég starfað sem leiðbeinandi í grunnskóla í Keflaviík. Ég hef verið með umsjón í 4. og 5. bekk.

Ég á einn 3 ára strák. Mér finnst gaman að stunda hreyfingu, útivist og ferðast.

Lillý Karen Pálsdóttir

2026-01-13 15:26:48 UTC

Ég heiti Lillý Karen og er 25 ára. Ég kenni forritun í Hlíðaskóla og hef gert það í 2 ár. Ég brenn fyrir upplýsingatækni kennslu, að byrja snemma að gera nemendur tæknilæs og að útskrifa þau til að geta tekið þátt í stafrænu samfélagi. Ég valdi að taka þetta námskeið þar sem ég hóf á þessu skóla ári að kenna á yngsta stigi og mig sárlega vantar grunn í yngri barna kennslu.

Í frítíma mínum er ég virkur meðlimur í Björgunarsveitinni Ársæll, ég spila mikið tölvuleiki og ef ég finn tíma þá reyni ég að hekla

Auður Harpa Skúladóttir

2026-01-13 16:26:42 UTC

Ég er 30 ára og þetta er fyrsta önnin mín í Kennslufræði yngri barna í grunnskóla. Ég er í fæðingarorlofi með stelpuna mína sem er 9 mánaða og á aðra stelpu sem er 4 ára. Ég hef unnið í leikskóla og í frístund með 1.-4.bekk og fékk tækifæri til þess að starfa aðeins inn í grunnskóla og fékk þá mikinn áhuga á að verða kennari yngri barna.

Í frítímanum mínum finnst mér skemmtilegast að vera með fjölskyldunni minni og ferðast bæði innanlands og utanlands.

Sara Karen Svavarsdóttir

2026-01-18 22:05:43 UTC

Hæ :)

Ég heiti Sara Karen, verð 23 ára á þessi ári og bý í Reykjavík. Ég útskrifaðist með BA í Uppeldis og menntunarfræði síðastliðið vor og vildi halda áfram og fara í framhaldsnám og er því núna að taka MT í kennslufræði yngri barna. Ég vann á leikskóla í 3 ár en hóf störf í Ísaksskóla um haustið 2024 og kveiknaði þar áhuginn minn að fara í kennslufræðina eftir BA gráðuna. Áhugamálin mín eru að ferðast, hreyfing og verja tíma með fjölskyldu og vinum.

Júlía Scheving Steindórsdóttir

2026-01-18 22:45:08 UTC

Hæ ég heiti Júlía og er 28 ára. Ég kláraði tómstunda- og félagsmálafræði árið 2021 og er núna í kennslufræði yngri barna. Ég kenni umsjón í grunnskóla í Njarðvík og er að hefja mitt fjórða kennsluár en ég var að koma til baka til starfa núna í janúar eftir fæðingarorlof, eftir að hafa átt strákinn minn sem er nýorðinn eins árs 🥰

Mér finnst skemmtilegast að eyða tíma með fjölskyldu og vinum, hreyfa mig, elda góðan mat, ferðast og prófa eitthvað nýtt 🌸

Tinna Guðmundsdóttir

2026-01-19 23:24:07 UTC

Ég heiti Tinna og er á minni fyrstu önn í kennslufræði yngri barna í grunnskóla. Ég er 30 ára og bý í Grafarholti. Ég á þrjú börn, 2 ára stelpu, 8 ára strák og 10 ára stelpu.

Ég vinn sem leiðbeinandi með umsjón í 1.bekk í Sæmundarskóla. Ég útskrifaðist með BA gráðu í félagsráðgjöf árið 2021.

Í mínum frítíma finnst mér skemmtilegast að vera með fjölskyldunni minni, vinum og ferðast.

Karen Kristjana Ernstsdóttir

kke4_1_1 — 2026-01-20 21:12:48 UTC

Ég heiti Karen Kristjana, er 49 ára og er í Kennslufræði yngri barna, MT leið. Ég er Reykvíkingur og Dani og bý nú með fjölskyldu minni í Skeiða- og Gnúpverjahreppi á Suðurlandi. Við eigum 4 börn í 2., 4., 6. og 7.bekk. Ég lærði byggingarverkfræði á sínum tíma og vann við það í mörg ár, hafði ekki nokkurn áhuga á skólamálum eða kennslu. Síðan var mér óvænt boðið starf í Þjórsárskóla (2020) stuttu eftir að við fluttum í sveitina og það var svo skemmtilegt að mig langaði að fá kennsluréttindi. Í Þjórsárskóla starfaði ég fyrst við stuðning en fór svo að kenna meira og meira. Ég hef kennt á öllum stigum en nú kenni ég íslensku á miðstigi og dönsku í 5.-9.bekk auk þess að vera stuðningur í stærðfræði á unglingastigi. Í frítímanum finnst mér best að vera með fjölskyldunni, hreyfa mig og fylgja börnunum í þeirra tómstundir.

María Sól Jakobsdóttir

msj21_1 — 2026-01-22 13:53:14 UTC

Hæhæ,

Ég heiti María Sól og er 26 ára. Ég bý í Garðabæ og á eina 1. árs gamla stelpu. Ég var í háskóla í Bandaríkjunum í 4 ár og útskrifaðist árið 2023 með B.S.ed í Sport Administration. Svo skemmtileg ár :) Ég byrjaði að vinna í skóla þegar ég varð ólétt af stelpunni minni 2023 og er núna ennþá í afleysingum sem kennari á yngsta stigi en er flugfreyja á sumrin. Í mínum frítíma elska ég að hreyfa mig hvort sem það er að fara í ræktina, göngutúra eða fótbolta en ég hef æft fótbolta síðan ég man eftir mér. Einnig elska ég að ferðast og við fjölskyldan erum dugleg í því.