Euskararen eguna-2024 by Aitzol Azpiroz

2024-11-21 06:41:57 UTC

Gu sortu ginen enbor beretik sortuko dira besteak

Aitzol

aitzolazpiroz — 2024-11-25 10:31:14 UTC

Urtxintxak oihanian jauzika,

Aldaxkatik aldaxkarat ...

Zuk erradazu, ama, zendako

Ez diren erortzen lurrerat?

Nik ere nahi nuke

Izan urtxintxa bezala!

Hain gora, haín trebe,

Izaíteko libre!

Urtxintxak oihanian zintzilik,

Buruz behera buztanetik

Zuk erradazu, ama, zendako

Ez duten buruko minik?

Nik ere...

Urtxintxak oihanian karruzkaz,

Neguko bildu heltzaurrekin

Zuk erradazu, ama, zendako

Ez dezaketan egín berdin?

Nik ere...

Hostoak [Eider]

2024-11-25 11:14:04 UTC

«Uda igaro eta ni ere aldatzen naiz,

eguzkiaren beroa baino hotzago naiz,

bihotza urduri, urdura bilakatzen naiz,

baina nire bidea beti lurrera doa.

Zer naiz ni, udazkeneko amets txikia?»

Euskara denon artean sortzen den katea da!

2024-11-26 08:08:47 UTC

Mireia.

2024-11-28 08:27:18 UTC

"Saiakeraren bidez ipuinetatik egiara igarotzen gara, nahikundetik nahira, malkoetatik ekintzara, atzotik biharrera. Urrats hori eman duen hizkuntzak bere burua salbatzeko bidean jarri du. Herri horrek bizitzea erabaki du."

Txillardegi - 1970

Euskara, bizirik egon bedi beste ehun mila belaunaldiz!

2024-11-28 13:20:10 UTC

Egun ederra

2024-11-28 19:35:59 UTC

Benito Lertxundik hain emeki eta gozoki abestua.

BULTZI-LEIOTIK

Oi, lur, oi, lur!
Oi, ene lur nerea!...
Oi, goiz eme,
parre gozoz ernea!...

Arto musker,
mendi, baserri zaarrak;
ale gorriz
abailduta sagarrak:

oro lanno
mee batek estalia,
urrez oro
eguzkiak yantzia...

Nekazari,
gizandi bat iduri
soroan zut:
beiondeizula zuri!...

Zure bazter
gurazko aberria,
doa zoro
(ta bertan ni) bultzia...

Oi, ene lur,
baninduzu zerea,
zu landu, ta
zure sariz asea!...

Bannan... ezin:
beeko bear goriak
narama... Agur,
soro, sagar, mendiak!...

(1929-dagonilla)

(Jose Maria de Aguirre, Lizardi, 1896-1933)

Nerea

2024-11-29 08:26:26 UTC

Maite ditut maite geure bazterrak... eta gure hizkuntza

2024-12-03 08:24:10 UTC

Mikel Laboaren hitzak:

Maite ditut maite geure bazterrak, lanbroak izkutatzen dizkidanean,
zer izkutatzen duen ez didanean ikusten uzten
orduan hasten bainaiz izkutukoa...
nere barruan bizten diren bazter miresgarriak ikusten.

Lau teilatu

2024-12-03 09:16:26 UTC

Hemen gaude
Ta poztutzen naiz
Ta ziur zure aita ere bai
Ta zer ondo, zelan dijua
Zure bufanda txuria

Lau teilatu gainean
Ilargia erdian eta zu
Goruntz begira
Zure keia eskuetan
Putzara batekin putz
Neregana etorriko da
Ta berriz izango gara
Zoriontsu
Edozein herriko jaixetan

Goxo-goxo
Kanta egin nazu
Benitoren Maria Solt
Negarrik ez
Txuri zaude ta malkoak
Zure kolorea kentzen dute

Lau teilatu gainean
Ilargia erdian eta zu
Goruntz begira
Zure keia eskuetan
Putzara batekin putz
Neregana etorriko da
Ta berriz izango gara
Zoriontsu
Edozein herriko jaixetan

Felix-felix bihar
Berriz egongo gara
Txanpain apur batekin
Diru gabe baina
Izarrak gurekin daude
Piano baten soinuaz

Lau teilatu gainean
Ilargia erdian eta zu
Goruntz begira
Zure keia eskuetan
Putzara batekin putz
Neregana etorriko da
Ta berriz izango gara
Zoriontsu
Edozein herriko jaixetan

2024-12-03 09:29:34 UTC

Mendietan oihartzun,
itsasoan dantzari,
kaleko haurren irribarretan,
amonek kontatutako ipuinetan.

Gurea da, betikoa,
hain txikia, eta hain handia.
Euskarak arnasa gurekin du,
eta guk arnasa euskarari.

Beraz, hitz egin dezagun,
bizi dezagun, elkarrekin.
Gaur, bihar eta beti.
Euskara ez da isilduko,
munduari kanta egingo dio. 🌍

Gora euskara! Gora gure hizkuntza! 🌿

2024-12-03 09:47:19 UTC

"Jarrai zure bidetik

hobe da horrela

gauza denen gainetik

haizea bezala"

2024-12-03 11:09:20 UTC

Hizkuntza bat ez da galtzen ez dakitenek ikasten ez dutelako, dakitenek hitz egiten ez dutelako baizik.