Pagpapakilala sa Sarili (11 NAKAURA) by Aileen A. Dacut

13- Ciro Lacson

cirolacson1 — 2022-08-08 06:03:42 UTC

Magandang hapon sa inyong lahat, ako po si Ciro Gabriel S. Lacson, maari niyo naman po akong tawaging Ciro. Ako po ay nagpapakilala bilang isang artist na ninanais na sa aking mga gawa ay magkaroon ng mga mensahe ukol sa mabuting pagbabago, di lamang para sa ating bansa at para na rin sa buong mundo.

Itong likhang-sining na ito ay ginawa ko dahil pinag-uusapan namin ang mga masasamang naidudulot ng displacement sa mga katutubo natin dito sa Pilipinas. Ang apat na linyang tulang nandiyan ay ang aking mensahe sa mga pulitikong hindi nagagawan ng solusyon ang problemang itong matagal nang lumitaw sa bansa natin.

21 - Niko Macasaet

2022-08-08 06:13:04 UTC

b. Written Essay - Ako si Noel Victorio F. Macasaet at ang tawag sakin ng mga pamilya at kaibigan ko ay si Niko. Mahilig ako manood ng mga sports kagaya ng Football at trip na trip ko ang Taekwondo. Mahilig din ako magluto ng mga pagkain katulad ng French Toast.

35 - Rheign Teodoro

2022-08-08 06:33:24 UTC

II. Mula sa aking na-obserbahan, tuwing kinakailangang pumasok para sa onsite na mga klase at aktibidad, kailangan ng mas istriktong pagpapatupad sa health protocols ngayong unti-unting bumabalik ang pagtaas ng kaso ng COVID-19. Kahit miss ko na ang aircon sa mga silid-aralan, naiintindihan ko ang set-up ngayon sa Ateneo upang maibsan ang pagkalat ng virus. Mahirap man magpalit-palit ng mindset tuwing online at onsite, ngunit kakayanin!

III. Magandang araw sa inyong lahat! ☀️ Ako si Rheign at libangan ko ang pagiging kritiko sa mga Western na pelikula para sa aking mga accounts sa Letterboxd, IMDb, Rotten Tomatoes, atbp. Dagdag pa dito, mahilig akong matuto ukol sa kasaysayan! Ang aking koleksiyon ng mga libro ay hitik sa nonfiction.

03 Alessandra Ysabelle D. Añonuevo — ALYSSA

2022-08-08 06:35:39 UTC

II. Naniniwala ako na mabisa itong bagong set up ng HYFLEX, ngunit kung mayroon man akong magiging problema, ito ay bakit kaunti lamang ang bumibiyaheng e-jeep at tricycle sa campus?

III. Magandang araw po sa lahat! Ako po si Alessandra Ysabelle D. Añonuevo ngunit maaari niyo rin akong tawaging Alyssa. Mahilig po ako sumubok sa mga bagong gawain tulad na lamang ng pagpinta, pag-‘bake’, paglaro, at marami pang iba. Sa ngayon, ang nagiging batayan ng kasiyahan ko ay ang panonood ng mga korean drama at ang pagpupunta namin ng pamilya ko sa dagat — tulad ng mga larawan na ikinabit ko sa taas. Nasasabik akong makilala ang aking mga bagong kaklase at siyempre, ang aking guro sa asignaturang ito.

24 - Lance Mortela

lancemortela1 — 2022-08-08 06:37:48 UTC

Ako si Lance Marco B. Mortela, isang mamamayang Pilipino na naniniwalang may rason para sa lahat ng bagay na nangyayari. Mahilig ako kumain ng mga hindi masustansyang pagkain at hindi ako mahilig kumain ng gulay. Mas gusto ko ang gabi kumpara sa umaga, malamig na panahon kaysa sa mainit, at mas gusto kong manatiling gising imbis na matulog. Sa aking buhay, laging nasa isip ko ang pananatiling masaya at positibo sa kahit anumang nangyayari sa paligid ko, kasi “at the end of the day” gabi na.

Mika Lopez

2022-08-08 06:39:17 UTC

Magandang araw :D , ako si Mikael V. Lopez , maaari niyo akong tawaging Mika. Sa gitna ng lahat ng isyu na umiikot sa Pilipinas ngayon, naniniwala ako na kailangan nating tingnan ang brighter side of things. Bilang mga indibidwal kailangan nating makahanap ng aliw sa maliliit na bagay, ang mga bagay na naglalabas ng mga pagsabog ng kaligayahan sa ating mga araw-araw na buhay. Para sa akin, ang panonood ng mga peikula at palabas ang nagbibigay tuwa sa akin. Mahilig akong manood ng mga rom-coms, kdramas, at thriller/mysteries.

27 - Fern Penarroyo

luispenarroyo2 — 2022-08-08 06:46:17 UTC

Ang pangalan ko ay Luis Fernando L. Penarroyo, pero ang palayaw ko ang Fern. Sa ngayon, wala akong problema sa Hyflex set-up dahil madali naman maintindihan ano ang mga bagay na kailangan ko gawin. Mahilig ako maglaro ng basketball, Valorant, atbp. Hindi lang iyan, pero parati akong nanonood ng mga liga katulad sa NBA.

26 – Riggs Padilla

riggspadillaofficial — 2022-08-08 06:48:36 UTC

Magandang araw po sa inyong lahat! Ako si Riggs Andrei B. Padilla, at ang aking palayaw ay Riggs. Ako po ay nagpapakilala bilang isang manunulat na ninanais na magpatawa o di kaya'y magpaiyak o ang simpleng magpalibang sa aking mga mambabasa sa larangan ng Ingles at Filipino.

Makikita ninyo sa taas ang isa sa aking mga likhang tula na pinamagatang "Isang Gabi sa Baryo". Kung inyong susuriin ang tulang ito, nais nitong iparating ang Bystander Effect, isang "phenomenon in which the greater the number of people present, the less likely people are to help a person in distress" (Cherry, 2020). Ibig ng tulang ito na tanggalin ang piring na tumatakip sa ating mga mata at isantabi ang Bystander Effect upang sumaklolo sa mga taong nangangailangan ng tulong.

Kung interesado kayong makita ang aking mga gawa, ito ang ilan sa aking mga nilikha:

"Liwanag Patungong Kasarinlan" (Filipino – isang takda para sa asignatura ng AJHS Filipino Pandangal 10): https://docs.google.com/document/d/1RsfGsJXg2OoA7TaJK6NPyQnJyH5_HDt8rvcvKWOhHdQ/edit?usp=sharing
"You are My Hero" (Ingles – isang likhang nanalo ng pinakamataas na gantimpala sa AJHS Pluma Contest 2021): https://drive.google.com/file/d/1B4u0ZtqLoEEiVj3WVAfkHdyiMozYvL3Z/view?usp=sharing

11 - LJ Hermosura

leandrohermosura1 — 2022-08-08 07:09:01 UTC

I. Magandang araw aking mga kababayan! Ako po si Leandro James O. Hermosura at ang aking palayaw ay LJ. Ako po ay isang estudyante na nais ipakita sa lahat na malaking ang epekto ng ating mga desisyon sa buhay ng ibang tao. Gusto ko rin sana sabihin sa lahat na piliin na lamang nating maging mabuting mamamayan ng ating lipunan. Maliban dito, mahilig pala ako kumain at makipaglaro ng Mobile Legends kasama ang aking mga kabarkada. Mahilig rin pala ako maglaro ng Basketball.

II. Kung ako ang iyong tatanungin, ang pagpapanatali na malakas ang aking katawan ang isa sa mga bagay na aking pinoproblema ngayong HYFLEX SET-UP. Ito ang isa sa aking problema dahil sigurado ako na maraming tao ang maaapektuhan o madadamay kapag nagkasakit ako. Bukod dito, ang isa pang suliranin ko ay ang layo ng aking tahanan dahil ako pa ay nagmumula sa Bulacan kapag papasok sa Ateneo.

9 Nicole Isabelle N. de Guzman

2022-08-08 08:06:51 UTC

Hola! Ay sorry po, nasa Filipino class pala tayo. Magandang araw sa inyong lahat! Ako ay si Nicole Isabelle de Guzman. Maaari niyo akong tawaging Nicole o Nic. Wala naman akong isyu sa HYFLEX SET-UP maliban lang sa medyo nalilito ako sa paggamit ng google classroom haha. Gayun pa man, nais kong ipakilala sa inyo kung sino ba talaga si Nicole de Guzman. Ako ay isang tipikal na mag-aaral na mahilig kumain, sumayaw ng hiphop o contemporary at paminsan-minsan, gumuguhit ako ng kung anu-anoman. Mahilig akong manood ng mga pelikula kasama ang aking pamilya at ang comfort TV series ko ay Friends! Nasasabik na ako mas kilalanin ang bawat isa sa inyo at makasama sa UPTC:’) Inaasahan ko na sa taong ito, magiging mabuti ang ating samahan. Ayon lamang! Hanggang sa 🤬:) Paalam!

32 - Samantha Sy

2022-08-08 08:07:51 UTC

I. Magandang araw! Ako si Samantha Gabrielle T. Sy, at tinatawag din akong Sam.

II. Wala naman akong problema sa HYFLEX SET-UP dahil matagal ko nang gustong bumalik sa paaralan. Mahusay din na hindi araw-araw ang pagpunta natin sa paaralan para makapag adjust tayo galing sa online set-up.

III. Mahilig ako magluto at gumawa ng mga pastry at dessert dahil nakakatanggal ito ng stress. Nasisiyahan din ako sa pag-eehersisyo, lalo na sa pagtatakbo. Bukod sa mga iyon, nanonood din ako ng mga kdrama at video sa YouTube.

40 - IP Vergara

2022-08-08 08:09:45 UTC

I. IP Vergara (CN 40)
II. Para sa akin, ang pinaka-concern ko sa HYFLEX na set-up ay ang aking pagpapanatili ng enerhiya araw-araw. Alam ko na mapapagod ako mula sa bagong sistema, subalit ang hamon na ito ay kailangan para ako'y matuto maging malakas sa isip at gawa!
III. Bilang panimula, ako ay si Ignatius Peter S. Vergara at ang aking palayaw ay IP. Mahilig ako sa paglalaro ng mga bidyo game, sa panonood ng isports katulad ng basketbol, at mahilig din akong makinig sa musika. Bilang kaugnayan sa asignatura, ang paborito kong artista mula sa OPM ay Ben&Ben dahil nagugustuhan ko ang mga melodiya sa mga awit nila. May interes din ako sa pagkanta pero ginagawa ko lamang ito bilang pampalipas ng oras. Mahilig din ako sa pagkain ng mga iba't ibang ulam pero mabilis akong mabusog. At para sa aking "life motto," nais ko lang maging masaya sa buhay na ito dahil mayroon lang tayong isang buhay sa mundong ito, at kailangan natin sulitin ito.

34 - Danielle Chelsea Tan

2022-08-08 08:23:27 UTC

2. Sa opinyon ko, wala naman akong problema sa ating Hyflex. Ito ay klaro at madaling maintindihan. Sa kasalukuyan, wala naman akong tanong tunkol sa ating set-up.
3. C.

33 Marielle A. Tabotabo- YEL

2022-08-08 08:44:35 UTC

II. Sa aking pananaw, Ang HYFLEX learning set-up ay higit na makakatulong sa aming mga estudyante lalo na ang mga onsite days na kami ay face-to-face sa aming mga guro. Ngunit kailangan nating sumunod sa mga ipinatupad na health protocols upang maiwasan ang posibilidad na tayo’y magkasakit. Pwede na rin natin isama ang traffic sa may Katipunan sa mga bagay na kailangan natin pag ingatan upang maiwasan ang malate sa klase.

III. Magandang araw sa inyong lahat! Ako si Marielle at ang stress cooking, baking, at eating ang nakakatulong sa akin para malagpasan ang aking mga problema. Naging paboritong pampalipas oras ko ang baking noong simula ng quarantine at simula nito ay ginawa ko na itong maliit na negosyo. Mahilig din akong magbasa at manood ng mga romantic comedies tuwing ako ay walang magawa o nalulungkot.

10 - Jon Guevarra

jonguevarra1 — 2022-08-08 09:06:42 UTC

Magandang araw po! Ako ay si Miguel Jon Lustre Guevarra pero maaari niyo na lamang ako na tawaging Jon. Sa ngayon wala akong problema sa ating Hyflex kungdi, natutuwa nako at nasasabik dahil mas nakakasama ko na ang aking mga kaibigan at mas madaling makagawa ng mga bagong kaibigan. Mahilig ako manood ng anime, magbasa nang manga at manhwa, at maglaro ng kahit anong sports at video games, at syempre kumain ng mga masasarap na pagkain.

Sa nabasa niyo na, mahilig ako sa mga manga at manhwa. Marami nakong nababasang ganito katulad ng Tower of God at Jujutsu Kaisen. Kung meron kayong gustong irekomenda sa akin, sige lang, tatanggapin ko lahat na iyon at ilalagay sa napakahaba kong "read list" HAHAHA o kaya kung gusto niyo lang makipagusap tungkol dito, tulad ni Gab, sige lang din, nandito lang ako.

20 - Gab Macale

gabrielmacale1 — 2022-08-08 09:06:52 UTC

Magandang araw! Ako si Gabriel Macale at ang palayaw ko ay Gab. Wala naman akong problema sa HyFlex Set Up ngayon dahil wala naman kumplikado na kailangan gawin sa set up na ito. Masaya ako na hindi na online lamang ang mga klase at makikita ko na onsite ang mga kaklase ko. :))

Mahilig ako sa video games at kumain ngunit tuwing wala ako magawa o nagpapahinga ako, kaysa sa manood lang ng YT videos, matulog o manood ng anime, mahilig din ako magbasa ng Manga. Minsan binabasa ko yung mga kabanata ng hindi pa nagiging animasyon ng Spy x Family, Love is War, atbp. May mga Manga rin na binabasa ko na wala pang anime tulad ng Kaiju No. 8 at Oshi No Ko. Tulad ni Jon, kung interesado rin kayo rito, pwede rin tayo mag usap HAHAHA

37 - Brent Conley P. Uy

brentuy3 — 2022-08-08 10:39:51 UTC

II. Sa ngayon, wala naman akong mga hinaharap na problema sa HYFLEX Set-up, ngunit sa pagkakataong ako man ay magkaroon ng problema, sisiguraduhin kong malalaman agad ito ng aking guro. Ito ay upang maiwasan ang paglala ng problema.

III. Ako po si Brent Conley P. Uy, at maari niyo po akong tawagin sa palayaw na Brent. Tulad ng inyong nakikita sa aking larawan na ipinaskil, mahilig akong tumakbo at magbisikleta sa mga bulubundukin. Nagustuhan ko ang mga libangan na ito dahil tuwing ginagawa ko ito, nabibigyan ako ng pagkakataong makita ang ating kalikasan at makalanghap ng sariwang hangin. Mahilig din akong tumugtog ng mga instrumentong tulad ng drums at bass guitar, at tuwing ako'y tumutugtog, gumiginhawa ang aking pakiramdam. Maliban sa mga nabanggit ko, hilig ko ring lumabas kasama ng aking mga tropa :) .

04 - Yumira Caluyo

caluyoyumi — 2022-08-08 11:14:35 UTC

II. Wala po akong problema o katanungan tungkol sa HYFLEX SET-UP. Maligaya ako na dahan-dahan na tayong bumabalik sa dating sistema bago ang pandemya. Sana lang po ay hindi ako mapagod sa pag-commute papunta at pauwi galing paaralan. Dagdag pa rito ay salit-salitan pa akong titira sa bahay ng aking ama at bahay ng aking ina.

II. D. Podcast

5 - Bella Capulong

2022-08-08 11:33:27 UTC

Magandang araw sa inyong lahat! Ako si Isabella Capulong at maaari niyo po akong tawaging Bella. Kinakabahan ako dahil hindi ko pa nararanasan ang hyflex set-up sa mga nakaraang taon, at hindi masyadong pamilyar sa akin ang pagkakaroon ng parehong onsite at online classes. Hindi ko rin alam kung anuman ang magiging epekto nito sa aking pag-aaral at kung paano akong masasanay sa ganitong set-up. Gayumpaman, masaya pa rin naman ako na magkakaroon na ng face-to-face dahil makikita at makakasama ko ang Nakaura <3

Isa sa mga libangan ko ay ang paggawa ng mga origami, tulad ng makikita sa larawan. Para sa akin, ito ay nagpapakalma at nakakasaya dahil makagawa ako ng iba’t ibang bagay (halimbawa: aso, pusa, ibon, bulaklak) gamit lang ng papel. Mahilig din ako na magbasa ng mga manhwa sa webtoon (See You in my 19th Life, A Good Day to be a Dog, etc.) at manood ng anime (Your Lie in April, Spy x Family, Jibaku Shounen Hanako-kun, etc.).

31- Kim Sy

2022-08-08 12:16:34 UTC

Ako po ay si Kim Valerie Sy at isa po akong anak ng mafia boss (joke lang po). Pwede niyo po ako tawagin Kim o mine kung gusto niyo (joke lang po ulit hehe). Mahilig ako kumain ng mga matatamis at maanghang na pagkain. Bukod sa pagkain, mahilig din ako matulog. Noong wala pang pasok, kung hindi ako kumakain, ako ay natutulog. Dahil dito, naiisip ko na baka ako ay mahihirapan sa unang parte ng setup na ito dahil hindi na ako sanay magkaroon ng klase hanggang hapon. Dati kase noong ako ay nasa JHS, hanggang 12 lang ang aming klase at pagkatapos, ako ay natutulog. Kahit na medyo malaki ang pagbabago na ito sa buhay ko, kakayanin ko po ito dahil ito ay kinakailangan at kung hindi ako magaadjust, ako lang din ang mahihirapan.

23 - Jazel Mercado

2022-08-08 13:56:50 UTC

Magandang araw! Ako nga pala si Binibining Jazel Mercado, ngunit hindi ako ang apo ni Dr. Jose Protacio Rizal Mercado, huwag kayong malilito!

Sa muling pagbabalik eskuwela gamit ang HyFlex Set-Up, nasasabik akong muling makita ang aking mga kaklase at kaibigan ng face-to-face, ngunit may kaunti akong pangamba sa mga pagbabagong mangyayari sa aking nakagawiang routine.

Ako ay isang simpleng mag-aaral na nagmula sa Palawan. Mayroong tatlong bagay na nakapagpapasaya sa akin— pamilya, pagkain, at pelikula. Lagi kong sinisigurado na may oras ako para sa aking pamilya, gaano man karami ang aking ginagawa. Maliban dito, gumagawa rin ako ng oras para sa sarili, o ang aking “me time”, sa paraan ng panonood ng kdrama habang kumakain ng paborito kong meryenda. Sa nakaraang dalawang taon ng pandemya, natuto akong pahalagahan ang mga maliliit na bagay sa aking buhay, gaya na lamang ng tatlong aking nabanggit, na silang naging dahilan ng aking malalaking ngiti sa bawat pagsalubong sa panibagong araw.

38 - Gio Valdez

2022-08-08 14:08:36 UTC

Maligayang pagbati sa inyong lahat. Ako po si Gian Ricardo M. Valdez, pero maaari niyo akong tawaging Gio. Pagdating sa Hyflex Set-up, and aking tanging suliranin ay ang pagpunta at pag-uwi mula sa Ateneo kampus sapagkat nakatira ako sa may kalayuang lugar kung saan hindi puwedeng magpabalik-balik sa kampus ng basta-basta. Mahilig po ako sa mga kanta, at parehong pinapakinggan at tinutugtog ko ito dahil marunong akong mag-gitara. Maliban pa dito, mahilig din akong manood ng iba't ibang palaro, katulad ng basketball, table tennis, billiards, o kahit E-sports pa.

8 - Rafa Castro

2022-08-08 15:41:20 UTC

Magandang hapon po, ako si Rafael Santino E. Castro at ang palayaw ko ay Rafa. Ang aking pinansin sa Hyflex setup ay walang paraan ang Groups A and B na makita at makipag-ugnayan sa pisikal na setup. Kahit dito, maaari rin naman makiusap ang dalawang grupo online. Mahilig naman ako sa mga tv shows tulad ng The Good Place at Black Mirror dahil sa mga interesadong tauhan at ang saligan na nagpapaisip sa iyo. Minsan ay nakakatawa at dinamiko ang pakikipag-ugnayan ng mga tauhan sa isa't isa.

36 - Dheina Timbang

2022-08-08 15:48:28 UTC

Ako po si Dheina Marie O. Timbang at madalas po akong tinatawag sa aking nakasanayang palayaw na "Dia." Nasasabik na po akong makita ang aking mga bagong kaklase lalong lalo na po ngayon na ito ang pinakaunang pagkakataon na ako'y isang magiging "new student," ngunit nangangamba lamang po ako minsan sa banta ng pandemyang ating patuloy na nilalabanan ngayon kaya't ginagawa ko po ang lahat para maiwasan ang patuloy na pagkalat ng nakahahawang sakit na ito. Marami po akong mga pinagkakaabalahan sa buhay at isa na riyan ay ang taekwondo. Nagsimula po ako nito mula bata noong ako po ay apat na taong gulang at ngayon ay plano ko pa rin pong ipagpatuloy ito kaakibat ang Ateneo de Manila University. Maliban dito ay marami rin po akong mga pampalipas oras tulad ng panonood ng anime o mga pelikula at ang pakikinig sa mga lumang kanta mula noong dekada sitenta pa.

22 - Sofia Felise Mariano

2022-08-08 19:25:46 UTC

II. Sa ngayon, wala po akong problema ukol sa Hyflex Set-up, bukod sa madali akong mawalan ng pantalong maaaring suotin pamasok, ngunit personal na problema lamang iyon.
III. Pagpapakilala sa pamamagitan ng podcast. :))

1 - Colin Alano

2022-08-08 20:41:48 UTC

II. Ang problema o concern ko lang dito sa HYFLEX set-up natin ay ang paghihiwalay ng klase sa dalawang grupo, dahil diyan hindi ko makikita ang mga kaibigan ko na kabilang sa ibang grupo.

III. Magandang araw sa inyong lahat! Ako po si Colin Shein U. Alano at pwede ninyong akong tawagin Colin. Mahilig akong magbasa ng mga manga katulad ng Blue Period, Oshi no Ko (mayroon akong pisikal na kopya ng Vol. 2 dahil Ruby #1), Iruma-kun, Yofukashi no Uta, SxF, Komi, at marami pa. Mahilig din ako sa mga motorsports katulad ng Formula 1, Super Formula, at IndyCar. Ang paborito kong driver sa Formula 1 ay si Pierre Gasly dahil para sa akin, siya ay isang driver na may maraming potensyal.

02 - Jasmin Ang

2022-08-09 00:52:24 UTC

🎶 Je t'aime, te amo, I love you
Watashi wa anata o aistomasu
Ich liebe dich, iniibig kita, Nakaura! 🎶
♡♡♡

Magandang araw sa inyong lahat! Ako po ay si Jasmin Grace Yu Ang o Min, kahit ano ay pwede niyong tawagin para sa akin, at ang tunay na gusto ko sa lahat ay pagkain ♡ Isang katotohanan tungkol sa akin ay ako po ay kaliwete kaya minsan may mga mantsa sa aking kamay kung gumamit ako ng panunulat o lapis. Mahilig akong manood ng mga pelikula at mga teleserye sa telebisyon katulad ng Crazy Rich Asians at The Queen's Gambit, higit pa sa lahat kung nanonood ako ng mga ito kasama ko ang aking mga kaibigan.

Ilang pag-aalala ko sa HYFLEX setup natin ay kung mawawalan ng internet connection tuwing may pagsusulit o dapat may ipapasa na takdang aralin at ang kalapitan natin sa isa't isa at ang virus.

Gayunpaman, kahit na totoo ang mga ito, gusto kong makilala kayong lahat, at masmaigi natin gawin ito sa HYFLEX setup. Ito ang unang hakbang para sumulong ang ating bansa, at alam ko na maaring nating gawin. Isang mundo, isang sigaw, isang laban sa pandemya.

17 - Alex Lopoz

2022-08-09 01:08:29 UTC

Magandang araw sa inyong lahat! Ako po si Alexandra Lopoz, pero tawagin nyo na lamang akong Alex.

Mula pa noon, talagang mahilig na akong manood ng mga palabas at pelikula. Sa isang paraan, ang mga iyon ay aking isaalang-alang na produktibong libangan lalo na sa panahon ng pandemya. Ang panonood na aking ginagawa ay nagbigay ng “sense of comfort”, habang nagpapalawak sa aking pananaw sa mga bagay na naroroon sa ating sariling lipunan. Bagaman ang mga paborito ko talagang panooring ay mga palabas na sci-fis, action, horror o thriler, ang pantanging rom-com ay nakakatulong din upang ako ay makapag-relax, lalo na kung masyado akong napagod sa aking mga takdang-aralin.

18 - Matthew Lunar

dominiclunar2 — 2022-08-09 04:14:21 UTC

I. Magandang araw po sa inyong lahat, ako nga pala si Dominic Matthew S. Lunar. Maari niyo po akong tawagan sa aking palayaw na Matthew!

II. Sa ngayon, wala pa naman akong problema ukol sa Hyflex set-up na ginagamit natin ngayon. Ngunit minsan ako ay nagkakaroon ng kaonting lag, pero naayos naman ito.

III. Noong 2019, ako ay nag pahaba ng buhok. Marami talaga nag sasabi na mukha talaga akong babae sa aking buhok, at nag pakulay pa nga ako ng blonde. Inalagaan ko talaga ito hanggang sa nagpa grad pic ako. Kaya noon nasa Boracay ako, syempre nagpakabog ako sa mga outfits ko dahil sa aking mahabang buhok. Ngunit nung nag speed boat kami noon, ang haggard ko na dahil sa aking basang buhok na nasa mukha ko na. Pero syempre, nag ayos ako pagkatapos para mukhang walang nangyari sa aking mukha ! At iyon ang aking kakaibang trip sa Boracay .

14 - Josh Lee

2022-08-09 05:03:42 UTC

Magandang hapon po! Ako ay si Josh Anthony M. Lee at ang aking palayaw ay Josh. Madalas ikuwento ng aking magulang sa amin na noong kami'y bata pa lang, ako ang pinakamakulit sa kaming apat na magkakapatid. Ito'y dahil walang tigil daw ang aking pagtakbo, pagtalon, at pagtawa. Noong ako'y anim o pitong taong gulang na, naipakilala sa akin ng aking tito ang basketbol at agad-agad kong nahiligan. Binigyan ako ng basketbol ng isang lugar na pwede kong ilagay ang aking enerhiya. Noong ako'y sampung taong gulang, naipakilala naman sa akin ng aking ina ang badminton, at ito ay agad ko rin nagustuhan. Noong panahon na ito ay naunawaan ko na 'di lang pala basketbol ang aking nahiligan, kundi ang paglaro ng isports mismo.

39 - Verafel Verdan

2022-08-09 05:17:50 UTC

II.
HYFLEX SET-UP, Iyan ang inaabang-abangan kong mangyari noong ako'y nasa ika-9 na baitang pa lamang. Hanggang ngayon pa rin naman ay inaabangan ko ang HYFLEX SET-UP, ngunit nakararamdam na ako ng kaba at pagkatakot sapagkat maraming tao ang aking makakahalubilo na maaaring ikapanganib ng aking kalusugan. Strikto ang Ateneo tungkol sa mga health protocols kaya ako naman ay nakatitiyak na magiging ligtas ang lahat. Ako ay nangangamba lamang sa paraan ng pagpunta ko sa paaralan dahil nagmamahal nang sobra ang gasolina. Bukod sa aking mga nasabi, ang tanging nararamdaman ko nalang ay ang kasiyahan na makatatapak na ako sa Ateneo de Manila University, ang paaralang dating pangarap ko lamang.

III.
Mabuhay, Pilipinas! 🌻 Ako si Verafel Verdan at maaari niyo akong tawagin sa ngalan na Vera na ngalan din ng aking Ina. Kaya naman hindi ko inilalagay ang "Vera Verdan" bilang aking pangalan kapag hinihingi ang aking palayaw. Ako ay ipinanganak sa Marikina City at patuloy na naninirahan dito. Tuwing ako ay mayroong libreng oras, mahilig akong manood ng mga palabas at anime (mga thriller, suspense, at romcom), magbasa ng mga komiko, kumuha ng mga litrato (lalo na ng mga pagkain), makinig ng musika, at magsulat sa aking dyornal. Sa sobrang dami kong kinahihiligan, madalas ay mabilis akong magsawa sa mga ito. Nais kong matuto nang lubusan at mas mahalin pa ang ating wika kaya naman nasasabik na akong matuto sa asignaturang Filipino. Nawa'y maging masaya ang taong ito at maging malapit tayo sa isa't isa, Nakaura. Salamat!💗

06 - Cartagena, Aaron

2022-08-09 06:15:35 UTC

Magandang araw sa inyong lahat. Ako po si 06-Aaron Cartagena. Ipinanganak ako noong Hulyo 14, 2004. Ako ay natutuwa na magkakaroon tayo ng Hyflex set-up, kahit ako ay naninibago sa bagong sistema at paaralan gagawin ko ang lahat ng aking makakaya. Alam ko walang bagay o gawain ang madali, kaya sisipagin ko mag-aral at maging isang aktibong mag-aaral. Mahilig ako maglaro ng isports tulad ng basketbol at futbol. Sa mga oras ng pagpahinga ko ay naglalaro din ako miminsan ng mga Online Games Mahilig din ako sa mga sasakyan lalo na ang mga pangkarera. Kasalukuyan akong nanonood ng motorsport na Formula 1. Ako ay natutuwa na makilala ang bago kong mga kamag-aral at guro sa ASHS. Maraming salamat po at ingat po palagi.

Shanelle Ruth Maaliao - 19

2022-08-09 07:26:38 UTC

I. 19 Shanelle Ruth Maaliao. Maaari ninyo akong tawagin sa aking mga palayaw na Shan, Ruth, o S.

II. Sa aking palagay, ang magiging concern ko sa HYFLEX SET-UP natin ay ang pag-aadjust mula sa purong online set-up.

III. Noong Mayo 2018, sumailalim ako sa operasyon ng appendectomy. Isa ito sa mga pangyayari ng aking buhay na hinding-hindi ko makakalimutan sapagkat ito ang simula ng tila pagbaliktad ng aking buhay, kaya naman ay nais kong ibahagi ito sa inyo. Ang mga tao at mga bagay na bumubuo sa akin, at ang mga rason kung bakit ako ay ako. Ang aking mama, papa, kapatid, at aking lola. Isa rin akong mananayaw ng tamburin at isang aktibong miyembro ng simbahan.

s-h-a-n-e-l-l-e - shanelle. Ako po si Shanelle Ruth Maaliao at maaari mo rin akong tawaging Shan, Ruth, o kahit S. Nagtapos ako ng Junior High sa Gusa Regional Science High School - X. Nagmula ako sa Cagayan de Oro City, naging risk taker, at ngayo’y dito na nag-aaral sa Metro Manila. Ako ay labíng-pitóng taong gulang na noong ika-20 araw ng abril taong 2022. Mahilig ako manood ng iba’t ibang mga pelikula - paborito ko ang The Greatest Showman at ang Crazy Rich Asians. Marunong din akong mag gantsilyo, at unti-unting natututo paano mag gitara. Hulaan niyo ang paborito kong asignature, pasensya pero ito’y matematika. Ganoon pa man, hindi roon nagtatapos ang aking pagka sabik na matuto at mahalin ang asignaturang Filipino. Nais kong makilala kayong lahat at maibahagi ang ating bawat sarili sa quarter na ito. Nasasabik akong makita kayo, Binibining Dacut at mga kaklase ko sa Nakaura!

12- Andrew Isla

ernestisla2 — 2022-08-09 08:24:39 UTC

II.
Sa tingin ko ang HYFLEX SET-UP ay magaling naman pero ang concern ko lang po ay yung sistema ng pagpapangkat. Ang klase ay hahati sa dalawang grupo, at sa tingin ko ay medyo malungkot. Ang mga kaibigan ko galing sa AJHS ay nasa group B at wala akong masyadong nakikilala sa group A. Mahirap din para sa akin na makipagkaibigan kasi mahiyain po ako. Mahirap din makipag-usap at makipagkaibigan sa group B dahil hindi kami nagkikita sa paaralan.

III.
Magandang umaga, hapon at gabi po! Ako po ay si Andrew mula sa klase ng 11-Nakaura. Mahilig po ako sa musika, pag-eehersisyo, at pagbabasa ng mga manga/manhwa. Bata pa lang ako natuto akong tumugtog ng drum, at sumali din ako sa banda ng klase ko. . Sa panahon ng pandemya, naghanap ako ng mga bagay na maaari kong gawa at nakakita ng manga/manhwa. Ang mga nabasa ko ay halos mula sa genre ng Shounen, at naging inspirasyon ko ito na mag-ehersisyo.

(25) Anton Pacia

2022-08-09 08:49:03 UTC

II. Sa ngayon wala naman akong problema sa HYFLEX setup. Sa katotohanan ay nasasabik pa nga akong gawin ito anuman ang mga balakid. Sa tingin ko isa itong magandang oportunidad para gamitin ang mga natatanging mga kalayaan ng pisikal at di-pisikal na paraan ng edukasyon.

III. Kamusta! Ako si Antonio R. Pacia
puwede niyo akong tawaging Anton.

Kahit na hindi ako nakalalabas ng bahay, madali pa ring makatikim ng pagkaing mahusay :D. Dati akong nagbabasa ng mga Manwha (viral hit, true beauty, ominscient reader, lookism atbp), gumagawa ng likhang sining, at tumutugtog ng ilang instrumento. Kapag lumalabas ako, naglalaro ako ng Frisbee o nagbibike. Ilan sa mga (basic na) pinanood ko sa nakalipas na taon ay ang The Good Doctor (EN), Doctor Stranger, Umbrella Academy at BrBa kaso, hindi ko na malimit na ginagawa ang mga aktibidad na iyon.

07 - Inigo, Casanova

2022-08-09 08:51:37 UTC

Magandang araw! Ako po ay si Jaime Inigo L. Casanova pero puwede niyo akong tawaging Inigo lamang. Wala naman akong problema sa Hyflex set-up dahil hindi naman masyadong malayo ang Ateneo mula sa aking bahay at "stable" naman ang aking internet connection. Mahilig akong maglaro ng basketball at iba pang panglabas na gawain katulad ng hiking at pagbibisikleta.

29 - Gabe Schmeing

2022-08-09 09:08:13 UTC

II. Sa tingin ko, ang HyFlex set-up natin ay epektibo naman pero baka may mga pagkakataon na hindi pinapansin ang mga naka-online kaysa sa mga on-site

III. Magandang araw po! Ako po ay si Gabe! Mahilig po akong tumugtog ng piano at gusto ko ding kumanta. Interesado ako sa iba't ibang uri ng musika. Gusto ko ding magbasa at magsulat ng mga kwento minsan.

28 - James Sanejo

jamessanejo1 — 2022-08-09 09:17:47 UTC

Kamusta !!

Ako si James Adrian Kurt L. Sanejo.
Maari niyo akong tawagin ng kaht ano basta pangalan ko hehe pero madalas na tawag sa akin ay James. Sa ngayon, wala pa naman akong concern sa HYFLEX SET-UP.

Mahilig ako manood ng iba't ibang pelikula at palabas, at ang mga paborito kong panoorin ay ang mga emosyonal. ;-; Mahilig rin ako sa mga nakakatakot. Ilang halimbawa ng mga paborito at pinaka tumatak sa akin na pelikula ay ang "A Silent Voice" at "Weathering with You." Maliban sa panonood ng mga pelikula, paborito ko rin na makinig sa musika, at sinusubukan ko na magbasa ng mga libro. Sana maging close tayo bilang klase at sana maging masaya ang school year na ito hihi :).

30 – Kirsten Silverio

2022-08-09 10:03:14 UTC

I. Magandang araw! Ako ay si Mary Kirsten V. Silverio, ngunit gugustuhin kong tawagin niyo nalang akong Kirsten.

II. Sa katotohanan, kinakabahan ako para sa HYFLEX set-up sapagkat nasanay na akong nagkukulong sa bahay upang tapusin at pagpuyatan ang mga nakatakdang gawain. Sa ganitong klaseng set-up, hindi ko na pwedeng ituloy ang ganyang pamumuhay 😞. Inaasahan kong ayusin ko na sana ang aking buhay upang madali lang akong masanay sa bagong set-up at sa bagong paaralan. Maliban dito, natutuwa akong umabot na tayo sa puntong pwede na tayong mag-aral nang magkasama sa isang silid.

III. Ako si Kirsten, at kung hindi pa halata, mahilig ako sa pag-edit ng iba't ibang klaseng video. Kalokohan lang talaga ang aking mga binubuong video sapagkat madalas akong nagaganahang mag-edit kapag madaling araw na. Hindi ako mahirap hulihing gising nang madaling araw sapagkat lagi akong nagpupuyat at isa sa mga dahilan ay ang pagpapanood ko ng iba't ibang palabas. Wala akong partikular na hinahanap na uri o genre ng mga palabas at pelikula ngunit ang masasabi kong paborito ko ang mga nakakatawa at madaling intindihin. Kasama rin sa aking mga interes ang musika, lalo na ang K-pop na palagi kong pinapakinggan. Maliban sa mga ito, marami pa akong mga interes at libangan! Kapag kailangan niyo man ng madaldal na kasama, narito lang ako HAHAHAHA 🌈🎉

(pinagbasehan na edit: https://vt.tiktok.com/ZSRMT1mFg/?k=1)

15 - Nio Limjoco

antoniolimjoco2 — 2022-08-09 14:30:54 UTC

II. Sa ngayon wala pa akong mga concern HYFLEX setup, naniniwala kasi ako sa ating eskwela na magagawa nila ito sa mga tamang paraan.

III. Ako ay si Antonio Juan Maria T. Limjoco pero mas gusto ko na tawagan ninyo ako ng Nio. Ako mahilig maglaro ng sports gaya ng Golf at mag bisikleta. Ginagawa ko ang mga sports na ito kasama ng pamilya at ng mga kaibigan.