1-кезең. Эмпатия – басқалардың тәжірибесі мен ішкі жан толқынысына, күйзелісіне бойлай алу, оларды не толғандыратынын, мұқтаждықтары мен тілектерін түсіну. Эмпатия – дизайн-ойлаудың басты компоненті. Өйткені ол айналаңыз туралы болжамдарыңыз бен сенімдеріңізге бой алдырмай, проблемаға пайдаланушының көзімен қарауға мүмкіндік береді.

2-кезең. Фокустау – дизайн-ойлаудың маңызды кезеңі. Себебі проблеманы дұрыс анықтамасаңыз, оны шешу барысында тапқан шешіміңіз де қате болады.Проблеманы анықтап алғаннан кейін, өзіңіздің түпкі пайдаланушыңыз кім екенін, яғни кімнің проблемасын шешіп отырғаныңызды және қандай нәтижеге жеткіңіз келетінін, яғни не нәрсе жобаның сәтті нәтижесі болатынын айқындап алуыңыз қажет.

3-кезең. Идеялар генерациясы. Бұл кезеңде пайдаланушының негізгі проблемасы анықталып, шешу жолдары ойластырылады және шешімдер пысықталады. Бұл – нағыз қалыптасқан таптаурын көзқарас пен тапсырманы орындаудың үйреншікті амалдарынан бас тартатын сәт.

4-кезең. Идеяны таңдау – әрбір ой шабуылынан кейін жүретін процесс.

Фокустау», «Идеялар генерациясы» мен «Идеяны таңдау» – алғашқы төрт кезең. Енді қорытынды екі кезеңі бар ғой?

Дұрыс айтасыз.

5-кезең – прототиптеу. Бұл кезеңде идеяларыңыздың практикада іске асуын тексересіз. Ол үшін өнімнің белгіленген мәселені шешуге көмектесетін функциялары бар бюджетті нұсқасын жасау қажет. Сәтті жүзеге асқан жағдайда, прототип дұрыс шешім табуға, оның кемшіліктерін айқындап, пысықтауға және өнім жасауға көмектеседі. Сондай-ақ гипотезаны жоққа шығара алмасаңыз, уақыт пен қаржыңызды үнемдеуге көмектеседі. Егер прототиптеу сәтті жүзеге асса, келесі кезеңге өтуге болады. Егер сәтсіз болса, екінші кезеңге оралып, проблеманы қайта анықтауға тырысып көру керек.

Демек, фокустау кезеңіне қайта оралуымыз қажет бола ма?

Иә, дәл солай. Ал прототиптеу сәтті өтсе, 6-кезеңді бастаймыз.

6-кезең – тестілеу. Ең соңында сіз дайын өнімді және прототиптеу барысында әзірлеген үздік шешімдерді сынап көресіз. Бұл соңғы кезең болғанымен, дизайн-ойлау – үнемі қайталанып отыратын процесс: сіз тестілеу нәтижесін басқа проблемаларды анықтап, шешу үшін пайдалана аласыз. Мұны клиенттердің прототип немесе жұмыс нұсқасы туралы берген кері байланысы арқылы жасауға болады.