Ma 'c'h an-me d'an arme e-giz ma gontan monet

pelec'h e lakin ma dous berjelenn da viret?

C'hwi 'zigaso 'ne'i d'am zi, ma breur-kaer, ma karet

ha me 'lako 'ne'i en kambr gant ma dimezelled.

Me a lako 'ne'i en kambr gant ma dimezelled,

'tramant 'barzh ar sal vras gant ma itronezed.

N'oa ket sortiet mat e daou droad deus an ti

'oa komañset e vreur-kaer da ganañ pouilh dezhi.

Na chetet ho prozhig ruz, hag ho hani wenn miret

e'it ec'h iet d'ar lannioù d'eveshaat an deñved.

Salokras, emezi, ha me n'on ket kustumet

Da vonet d'al lannioù d'eveshaat an deñved.

Ma n'och ket kustumet, kustumiñ riet ma 'm bo c'hoant

Kar amañ a zo ur wialig wenn hag en deus daou pe dri brank

O amañ a zo ur wialig wenn hag en deus daou pe dri brank

Hag a ray deoc'h monet na goude 'po ket c'hoant

Ar plac'hig paour-mañ oa bet e-pad seizh vloaz a ouele

P'oa echu ar seizh vloaz hi a gomañs da gane.

Na pajig, pajig bihan o tistreiñ deus an arme

Me 'glev ur vouezh arc'hant o kanañ 'lein ar menez

Me 'glev ur vouezh arc'hant o kanañ 'lein ar menez

Hag e garfen goût hag-eñ eo 'r verjelenn a vefe

Diboñjour dit berjelenn nag er lann gant da zeñved

Penaos e teus gallet koñserviñ ar furnez?

Feiz ya sur, emezi, dreist na garin Doue

Kar un denjentil yaouank a zo aet din d'an arme

Nag un denjentil yaouank a zo aet din d'an arme

Hag gant blev melen blond heñvel-kaer deus da re.

Publié par PaotrLaouen 2021-01-31

Commentaires:

Autre version, par les mêmes, légèrement plus audible: https://www.youtube.com/watch?v=2MomXp9H7fE

Et sous le titre "Ar verjelenn hag an daou vreur", avec d'importantes variantes, par Yann-Fañch Kemener: https://lyricstranslate.com/fr/yann-fanch-kemener-ar-verjelenn-hag-daou-...