Hippahreyfingin er einn af þeim atburðum sem urðu fyrir miklum áhrifum frá fatnaði. Fatnaður hippa var mjög einkennandi fyrir þá sem samfélagshóp, og að klæða sig eins og hippi var gríðarleg yfirlýsing. Þannig var hægt að senda kröftug skilaboð út í nærumhverfi sitt, um sjálfan sig og skoðanir sínar, með því einu að klæða sig á ákveðinn hátt. Hippahreyfingin snerist að miklu leyti um að brjóta hlekki samfélagsins, og því var engin furða að klæðnaður yrði notaður í þeirri hreyfingu þar sem fatnaður er einn helsti hlekkur ótalmargra samfélaga í heiminum. Í því samhengi er ekki úr vegi að nefna misskiptingu í vestrænu nútímasamfélagi. Misskipting er meiri en margan grunar, og þegar vel er að gáð má sjá að misskiptingin sýnir sig mjög bersýnilega í klæðnaði hinna ýmsu þjóðfélagshópa. Allt frá 12. Öld eftir Krist hefur fatnaður verið notaður til að sýna fram á stöðu, og var lengi vel öflugt vopn æðri stétta til að sýna fram á yfirburði sína yfir þeim sem minna máttu sín. Stéttaskipting eins og hún þekktist þá heyrir að miklu leyti sögunni til, en er þó enn til staðar að einhverju leyti, ekki síst í klæðnaði. Þeir sem hafa það síst í samfélaginu hafa ekki tök á að kaupa ýmsan fatnað vegna kostnaðar, og ríkir nota það sér í hag eins og mest þeir mega. 

            Merkjavörur tröllríða samfélagi þeirra sem hafa það best. Merki eins og Gucci, Ralph Lauren, Armani o.fl. eru einkennandi í fataskáp þeirra. Það er ljóst að þessi þjóðfélagshópur notar fatnað til að endurspegla stöðu þeirra í þjóðfélaginu, og má túlka sem skilaboð til annara. Aftur á móti eru aðrir hópar í samfélaginu sem nota merkjavörur, en það eru venjulega ekki sömu merkjavörur og þeir ríkustu nota. Þannig senda merkjavörur margvísleg skilaboð. Að vera í merkjavöru eru ákveðin skilaboð, en merkið sjálft sendir líka önnur skilaboð. 

            Fatnaður getur á þennan hátt verið eitt stærsta sjáanlega bil milli fátækra og ríkra í vestrænu samfélagi, þar sem að annar hópurinn notar hann mikið til að endurspegla stöðu sína, en hinn hópurinn fær minna eða engu um fatnað sinn ráðið.
https://fashion-history.lovetoknow.com/fashion-history-eras/social-class-clothing
https://en.wikipedia.org/wiki/Clothing

            Þjóðbúningar eru oft á tíðum skrautlegir, og ef þeir eru ekki hluti af daglegum klæðnaði þjóðarinnar þá eru þeir oft notaðir við hátíðir sem tengjast þjóðinni, til dæmis þjóðhátíðardögum.
https://en.wikipedia.org/wiki/Clothing

            Kvenréttindabaráttan hefur alla tíð snúist að miklu leyti um að brjóta ósýnilega múra. Allskyns reglur tengdar konum og körlum voru ef til vill ekki skrifaðar niður, en til þess að brjóta þær þurfti þó gríðarlegt átak sem margir þorðu ekki að reyna við. Þegar konur fóru að klæðast fötum sem sýndi ökkla eða jafnvel kálfa reyndist það því vera reiðarslag fyrir samfélagið, aldrei hafði annað eins sést í samfélaginu. Það vakti slíka umfjöllun og athygli að það verður að teljast til einna helstu atvika í sögu kvenréttindabaráttunnar.

            Baráttan hélt áfram eftir þetta, og er ljóst að margar konur þurftu að beita öllum sínum kjarki til þess að fá að klæða sig eins og þær vildu. Það var ekki fyrr en á seinni hluta síðustu aldar að konur fóru að sýna meirihluta fótleggja sinna á opinberum stöðum, við mikla athygli heimspressunnar. Litir, snið og gerðir fatnaðar hafa líka verið baráttumál kvenna, og er greinilegt að klæðnaður hefur virkað vel sem vopn kvenna í baráttu sinni.
https://www.bustle.com/articles/191181-how-women-have-used-fashion-as-a-feminist-tool-throughout-history 

            Ísland er áhugavert í þessu samhengi, en undanfarin ár hefur landsliðið í fótbolta átt hug og hjörtu Íslendinga. Afleiðingin af því hefur verið að treyjan er táknræn fyrir gervalla þjóðina. Íslendingar eru vissulega stoltir af þjóðbúningi sínum og nota hann við stórar hátíðir, en kjósa þó oftar að klæðast landsliðstreyjunni ef þeir vilja sýna þjóðarstoltið. Fá eru dæmi þess að flík hafi verið svo áhrifamikil á svo stóran hóp fólks og raun ber vitni í íslensku fótboltatreyjunni.
https://en.wikipedia.org/wiki/Costum

Þar sem að fólk var í mjög mismunandi fatnaði á þessum tíma og mikið að taka áhættur þá var ekki bara einn stíll sem var vinsælastur á þessum tíma heldur margir. Þrír helstu stílarnir voru hip-hop sem var í rauninni bara að klæðast eins og allir frægu söngvarnir síðan var það að ganga í björtum litum líka mjög vinsælt en síðast en ekki síst var það pönk stíllinn þar klæddist fólk rifnum buxum og leðurjökkum, fólk sem fór þessa leið var líka oftast með litríkt hár
https://www.thetrendspotter.net/80s-fashion/