Í erindinu verður fjallað um hugmyndafræðilegan grunn Heillaspora og hvernig nálgunin styður skóla-og frístundastarf í átt að inngildingu í takt við íslenska löggjöf og regluverk.

Með því að tengja saman fræði og starfshætti á vettvangi er lagður grunnur að starfsþróun sem styður við mótun inngildandi grunnþjónustu fyrir öll börn. Vegvísir Heillaspora hverfist í kringum frumþörfina um tilfinningalegt öryggi og mikilvægi traustra tengsla sem undirstöðu þroska og náms. Viðmót og skilningur þeirra sem vinna í umhverfi barna og sá bragur sem einkennir starfið er sá nærandi jarðvegur sem fær hvert barn til að blómstra.