Meginmarkmið fyrir ímyndaða nemendur sem áætlunin tekur til:
Eitt meginmarkmiðið er að efla samvinnu nemenda þar sem nemandinn er gerandi/þátttakandi frekar en óvirkur móttakandi. Er það í samræmi við kenningar Dewey um nemendamiðað nám og kenningar Claxton sem telur einn af fjórum lykilþáttum við styrkingu náms vera að þróa með sér hæfileikann til að vinna með öðrum. Annað markmið er að nemendur læri af hver öðrum og þeir eldri leiðbeini hinum yngri. Það er í samræmi við kenningar Mariu Montessori. Jafnframt er ekki stuðst við hefðbundnar kennslubækur og engin hefðbundin próf eða kannanir verða notuð, en það samræmist sömuleiðis kenningum hennar. 

Þá höfum við að markmiði að efla samskiptahæfni sem og áherslu á móðurmál og tjáningu til samræmis við markmið aðalnámsráa og kenninga Vygotskys sem taldi tungumálið og samskipti lykilatriði í námi barna. Loks er markmiðið að þjálfa börnin í framkomu og tjáningu og að bæði spyrja spurninga og svara spurningum um hvað þau lærðu í dag. Verður það gert með stýrðum umræðum þar sem spurningar kennara eru valdar með hliðsjón af kenningum Bloom. Sjá nánar um það í umfjöllun um kennsluaðferðir en nánar um kenningar Vygotskys, Bloom, Montessori, Dewey og Claxton hér.
Að auki er ætlunin að: