https://www.google.com/maps/d/edit?mid=1XJ1bvP7ACqBmRYTzN3BRdh5f3n-vZAw&ll=24.681477842816335%2C4.1387099053187&z=5

Baldintza politiko eta sozialak:

Liburuan Ibrahima hainbat herrialdetatik igarotzen da Europara iristen saiatzeko. Herrialde bakoitzak migrazio-zailtasunak ditu, horren ondorioz, migrazioa oso zaila eta arriskutsua da.

-Ginea: Ibrahima bertakoa da, eta han jende askok pobreziagatik eta lan faltagatik alde egiten du. Gainera egoera ekonomikoa oso zaila da, eta askok ez dute etorkizunik ikusten bertan.
-Mali: Herrialdean gatazka armatuak eta indarkeria daude, batez ere iparraldean. Horregatik, migratzaileek ibilbide arriskutsuak hartu behar izaten dituzte, eta askotan soldaduak edo talde armatuak topatzen dituzte.
-Aljeria: Migratzaileak ez dituzte ongi hartzen. Askotan poliziak harrapatzen dituzte eta herrialdetik kanporatzen dituzte. Gainera, baldintzak oso gogorrak dira eta ez dute jasotzen laguntzarik.
-Libia: herri honetan egoera oso larria da. Gobernurik ia ez dago, eta mafiek migratzaileak harrapatu, esplotatu edo bahitzen dituzte. Ibrahima han espetxe moduko leku batean egon zen, oso baldintza txarretan.
-Maroko: Migrazioaren azken urratsetako bat da. Baina bertan ere migratzaile asko kalean bizi dira eta Espainiara pasatzea oso zaila da. Bestalde poliziaren kontrola handia da eta arrisku asko daude.

Ibilbidearen arriskuak:

Bidaian zehar, Ibrahimak arrisku askori egiten die aurre. Adibidez, pertsonen salerosketa; izan ere, zenbait lekutan, Libian adibidez, migratzaileak bahitu, saldu edo esklabo gisa erabiltzen dituzte. Bestalde, indarkeria ere jasaten du, bai polizien aldetik, bai talde armatuen aldetik. Gainera, mugetan hesiak daude, pasabidea zailtzen dute eta, askotan, migratzaileek ibilbide arriskutsuagoak bilatu behar izaten dituzte, hala nola, basamortua edo itsasoa zeharkatzea. Faktore horien guztien ondorioz, bidaia oso gogorra eta arriskutsua da.

Bidaian, Ibrahimak oso esperientzia zailak bizitzen ditu: basamortua ia urik gabe zeharkatzen du,  beroa handia jasaten du, eta beste pertsona batzuk, horien artean lagunak, bidean hiltzen ikusten ditu. Atxilotze-zentroetatik ere pasatzen da, eta horietan gaizki tratatzen dute, pertsona bat ez balitz bezala. Horretaz gain, kalean lo egin behar du, kobratu gabe lan egin eta goseari eutsi. Gainera, une askotan uste du ez duela bizirik iraungo, baina aurrera jarraitzen du bere familian pentsatzean duelako.

Bidean zehar, egoera berean dauden beste pertsona batzuekin egiten du topo, baina, beste pertsonei ez ezagutzea  ez da arazoa. Elkarri laguntzen dira eta janaria partekatzen dute familia bat balira bezala.

Arazo ekonomikoez gain, arazo politiko asko ere badaude.

Historian zehar, herriak zaindu ez dituen gobernuak, estatu kolpeak eta irregulartasunak izan dituzten hautoeskundeak egon dira. Hori gertatu ondoren, jendea ez da politikarietaz fidatzen eta abandonatuta sentitzen dira. Ustelkeria ere badago, eta askotan herrialdeko dirua ez da pertsonen bizitza hobetzeko erabiltzen.

Horren guztiaren ondorioz, gazte askok, Ibrahimak bezala, herrialdetik bizimodu hobe baten bila joatea erabakitzen dute. Hauek, ez dira joaten nahi dutelako, baizik eta sentitzen dutelako bizitza hobe baten bila joan behar direla. Honek, laguntzen gaitu ulertzera, zergatik Ibrahimek, bidaian zehar askotan jartzen den arriskuan.