Its features include:

• C-type freezer

• Semi-automatic defrost

• Built-in Stand

• Wire Grill Shelves

• Bulb lamp

Nawala na ang mga resibo nito, ni kahit litrato man ay wala kami. Naaalala ko lang kung ano ang tatak at modelo nito. Noon namang tinanong ko si mama tungkol dito, wala na rin siyang masyadong maalala bukod sa kung anong buwan at saan namin ito nabili. Mayroon sigurong akong maisusulat ukol sa kawalan na ito. Ang mga susunod na entri sa timeline ay ang pinag-sama-samang mga ala-ala mula sa aking pakikipagusap sa aking nanay at sa sarili kong mga karanasan.

Nalayo ako sa mga una kong kalaro noong mga panahong ito. Doon ko napagtanto na ang buhay namin ng pamilya ko ay iba sa buhay ng mga kalaro ko at mga kaibigan sa klase.

Sa mga panahong ito, may kalumaan na rin ang fridge namin. Matagal na itong lumamig at madalas ay natutunaw na ang mga nilalaman nito. Sa katunayan, ito ata ang panahon kung saan nasira ang pinto ng freezer nito. Ngunit dahil sa kagipitan, hindi pa muna kami bumili ng bago.

Naaalala ko ang sinabi noon ni mama noong lumipat kami dito:

"Paglipat natin mula dito, sa sarili na natin tayong bahay titira. Kapag nagkabahay na tayo, gusto ko lahat bago. Papalitan na natin yang fridge natin."

Ang fridge naman na kasama namin anim na taon nang nakalipas ay namaalam na rin. Sa huling beses na nilinis namin ito, napansin namin kung gaano na kaluma ito. Sira na ang pintuan ng freezer nito, madalas ay natatanggal na din ang seal ng pintuan nito at hindi na naisasara nang maayos. Ang lalagyan ng tubig nito ay sira na din, at kulang-kulang na ang mga rack nito sa loob.

Gayunpaman, ginagawa pa rin nito ang tungkulin nito na palamigin kahit papaano ang mga pagkain namin, kahit na mahina na ito. Dahil dito, nakahanap ito ng panibagong buhay sa empleyado ni mama na nangangailangan ng fridge.