Oso tresna interesgarria eta baliagarria iruditu zait bakoitzaren konpetentzia digitalaren maila neurtzeko. Horrez gain, oso ondo antolatuta dagoela uste dut; izan ere, gai bakoitza multzo desberdinetan sailkaturik dago.

IKTeen kontuarekin ni bakarrik sartu nintzen, inolako formakuntzarik gabe duela hiruzpalau urte, eta esan behar dut galdera gehienak erantzuterakoan nahiko ondo moldatu naizela eta arlo gehienak menperatzen nituela. 

Hala eta guztiz ere, badaude zenbait galdera kostatu zaizkidanak; azken finean, oraindik ikasten nago, eta IKANOS testari esker nire gabeziak zeintzuk diren ikusteko aukera izan dut. Horregatik, hemendik aurrera gabezia horiek lantzeko aukera izango dut, nire konpetentzia digitalaren maila hobetuz.

Jaso dudan emaitzari dagokionez, guztiz ados nago, galderak erantzuten nituen bitartean ideia bat egin ahal nuen nire buruan, eta jasotakoarekin bat nator. Gainera, galderak zehatzak eta zuzenak dira, oso egokiak eta zehaztasunez aukeratutakoak beraien arloarekin erlazionatuta egoteko. Horregatik, nire iritziz, ez nituzke aldatuko, arlo guziak era orekatuan jorratzen baitituzte.

IKANOS testaren barne, IT txartelaren informazioa agertzen da, Informazioaren Teknologien erabileraren ziurtagiria lortzeko baliabidea. 

IT txartela ikastolan nire kideekin hitz eginez ezagutu nuen, eta oso interesgarria iruditu zitzaidan, batez ere IKTekin dabilen pertsona batentzat. Izan ere, Microsoft Officeren edo Internetaren ezagutza handia izatea eta horiek erabiltzea inplikatzen du. Hala ere, nahiz eta ikastola askotan txartel hori ez eskatu, oso baliagarria iruditu zait ere bakoitzaren IKT erabileraren maila jakiteko eta nola ez, hobetzeko. 

Amaitzeko, eta IKANOS testari dagokionez, azpimarratu behar dut test hau oso garrantzitsua eta erabilgarria iruditu zaisala ez bakarrik IKTeekin lan egiten dugunontzat, baizik eta herritar guztientzat ere, norberaren erabilera, babesa edota ezagutzak aztertzeko eta lehen esan bezala, jasotzen duten emaitzari erreparatuz, horiek (behar izatekotan) hobetzeko. Beraz, pertsona guztiei IKANOS testa gauzatzeko gomendatzen diet.