Ágústráðstefna Samtaka áhugafólks um skólaþróun Hraunvallaskóla 14. ágúst 2024 by Ingvar Sigurgeirsson

Ívar Rafn Jónsson: Leiðsagnarnám er ekki tæknilegt viðfangsefni.

ingvarsigurgeirsson — 2024-04-27 08:13:28 UTC

Markmiðið með erindinu er að draga fram mikilvægi þess að hverfa frá þeirri hugmynd að leiðsagnarnám sé tæknilegt úrlausnarefni. Ég færi rök fyrir því að innleiðing leiðsagnarnáms þurfi að taka mið af ríkjandi hugmyndum um kennarastarfið og því hvernig kennurum tekst að tileinka sér hugmyndafræðina að baki leiðsagnarnámi. Skilningur á leiðsagnarnámi virðist oft á reiki, sem rekja má meðal annars til þess að skilgreiningar á hugtakinu eru mismunandi og sumar þeirra stangast jafnvel á í grundvallaratriðum. Ég tek dæmi úr eigin reynslubanka og lýsi því hvernig hugmyndir mínar um leiðsagnarnám juku á vandræði mín við að breyta eigin starfsháttum. Seinna, í doktorsnámi mínu og með því að rýna í mínar eigin forhugmyndir um leiðsagnarnám með hliðsjón af því hvað „fræðin þarna úti” segðu, kom í ljós að vandræði mín tengdust mismunandi og jafnvel andstæðum sjónarmiðum um framkvæmd og merkingu leiðsagnarnáms.

Aftur á ráðstefnusíðuna

ingvarsigurgeirsson — 2024-04-27 08:13:28 UTC

Ívar Rafn Jónsson

ingvarsigurgeirsson — 2024-04-27 08:30:06 UTC

Ívar Rafn er lektor við Háskólann á Akureyri, Hann stundaði nám í sálfræði við Háskóla Íslands og lauk BA gráðu í þeirri grein 1998. Hann lauk kennsluréttindanámi frá sama skóla 2006 og meistaranámi í kennslufræðum 2010. Hann kenndi við Borgarholtsskóla 2006‒2012 en flutti sig síðan í Framhaldsskólann í Mosfellsbæ 2011 og kenndi þar til 2020. Ívar Rafn réðst til Háskóla Íslands 2018 og gegndi þar aðjúnktstöðu en flutti sig til Háskólans á Akureyri í fyrra.

Glærur Ívars

ingvarsigurgeirsson — 2024-08-14 20:47:21 UTC