LEPE TI JE, LEPE TI JE,

ZAGORJE ZELENE.

JOŠ JE LEPŠI BELI ZAGREB GRAD.

 

ČIM SE SEDNEŠ, ČIM SE SEDNEŠ,

VEĆ MAŠINA FUČKA.

PA TE VOZI V BELI ZAGREB GRAD.

 

SIRA, PUTRA, VRHNJA, MLEKA,

JAJCA I KRUMPIRA.

SVE TO VOZI V BELI ZAGREB GRAD.

 

BEŽI JANKEC, BEŽI JANKEC,

CUG TI BU POBEGEL.

NE BUŠ VIDEL BELI ZAGREB GRAD.

 

NAJ POBEGNE, NAJ POBEGNE,

KARTA JE VU ŽEPU.

PAK BUM VIDEL BELI ZAGREB GRAD.

 

Kak plače slaviček vu krletki sedeči, 
 Tak ja sad tugujem dragu ne videči. 
 Za tobum gledeči zgubil sem me oči, 
 Za tobum misleči duge su mi noči. 
 Kak železo magnes jako k sebi vleče, 
 Tak pamet, živlenje za tobom me teče. 
 Vekša žalost nemre mi čez srce projti, 
 Nego da ja dragoj tebi nemrem dojti. 
 Rajši bi te videt i z tobum govoriti, 
 Nego lepo sveta blago zadobiti. 

Kak najti lepu reč ?
Za onega ki sebi vzeme več.

Kak najti lepu reč ?
Za onega ki drugem ne pusti neč.

A gda samo mrve bi dal
to dobro naplatit je znal.

Tak do'go deval bu h vuse
dok 'jegov najbliži
ni kak kljuse.

I če zmerom sebi vzemal bu več,
na koncu ne bu 'mel neč.