M1 : Repleksyong Lasalyano by Paul Achilles Perez

MASID-DANAS

paul_achilles_perez — 2025-09-29 12:56:31 UTC

Base sa karanasan ko, isa sa mga problema ng wikang Filipino at iba pang wika sa Pilipinas ay ang pagkakaroon ng communication breakdown. May mga sitwasyon na hindi nagkakaintindihan ang mga Pilipino dahil kulang sila sa kaalaman o kasanayan sa isang wika. Halimbawa, kapag isang lalaking sanay sa Filipino ay kinakausap ng isang babaeng marunong lang sa Bisaya, nahihirapan silang magkaintindihan. Ganun din kapag isang Pilipino na sanay sa Tagalog ay kakausapin ng mga taong mas sanay sa Ingles. Matagal na itong isyu simula nung naging debate kung dapat ba maging opisyal na lenggwahe ang Ingles sa Pilipinas, at hanggang ngayon pinagtatalunan pa rin ng mga pilosopong Pilipino.

SURI-NILAY

paul_achilles_perez — 2025-09-29 12:59:35 UTC

Para sa akin, isa sa mga ilang salik na dahilan kung bakit lumalala ang problemang ito ay ang pagkulang ng maayos na edukasyon. May mga paaralan po kasi na nagtuturo ng Filipino subject gamit ang Ingles, na para sa akin ay hindi tamang paraan ng pagtuturo at nakakadulot nyan ng mas konting natututunan ng mga estudyante. Mayroon ding ibang schools na hindi talaga nagtuturo ng Filipino subject, kaya mas nagiging dominante ang wikang Ingles sa mga taong nag-aaral sa mga paaralan na iyan.

TAYA-KILOS

paul_achilles_perez — 2025-09-29 12:59:54 UTC

Bilang isang Lasallian, makakatulong ako sa problemang ito sa pamamagitan ng pagpapabuti ng kasanayan at bokabularyo ko sa Tagalog. Maswerte ako na magaling ang guro ko sa KomuPil, kaya sisiguraduhin kong makikinig ako sa lahat ng masusunod na talakayan para mas matututo ako tungkol sa ating wika at maging mas sanay sa pagsasalita ng Tagalog.