·         Կկողմնորոշվեն  բնագրի  իմաստային բովանդակության մեջ  և  կկարողանան պատասխանել  դասագրքում զետեղված  հարցերին

·         Կամրակայեն բառի  իմաստային գործածության մասին  ունեցած գիտելիքները։

·         Կվերարտադրեն բնագրի բովանդակությունը դատողական տարրերով՝ երկխոսությունները փոխարինելով պատմողական նախադասություններով։

·         Կկարողանան կապեր  գտնել  բանաստեղծության բովանդակության  և առածների միջև։

·         Կամրակայեն գիտելիքները թվականի մասին։
Դասի  տեսակը՝ նոր  նյութի  հաղորդման դաս
Դասի  սկիզբը  (խթանում) ՝  մեթոդը  «Գաղափարների  քարտեզ»                                              Գլխաբառը՝ «Առակ»
Հիմնական  մաս (իմաստի ընկալում)
Բնագրի  ունկնդրում

              Բնագրի  ընթերցում՝ 

·         Շարունակելով 

·         Ընտրովի  եղանակով

            Աշխատանք  «Թվական» խոսքի մասի  թեմայի  ուսումնասիրության  շուրջ:

              Նորածանոթ  բառերի  ակտիվացում խոսքում:
Ամփոփում  (կշռադատում). Մեթոդը՝ «Քառաբաժան»: 

Արջն ու օձը դարձան ընկեր,

Ընկեր դարձան ու բարեկամ։

“Մեկս քնի, Մեկս հսկի,

Իրար շահենք,

Իրար պահենք,

Ընկերովի կյանք վայելենք”։

Այսպես ասին, երդվեցին,

Իրար ազնիվ խոսք տվեցին,

Օձը՝ արջին, արջը՝ օձին։

Անցավ այս կերպ մի ժամանակ։

Եվ շարունակ

Երկու ընկեր սիրով, սրտով

Նստան, ելան ու քուն մտան

Կարգով, հերթով։

Սակայն օձի սողկը բեկ-բեկ

Դուր չէր գալիս արջին երբեք։

Ու մի օր էլ արջը ժայռին

Թիկն էր տվել արևկողի,

Հանկարծ օձը՝ ոլոր-մոլոր

Եկավ, ասես, գաղտագողի։

Վախ ու կասկածն առավ արջին,

Ելավ կանգնեց նստած տեղում։

“Ես ծուռումուռ գնացողին,

Ընկեր լինի, թե կաթնախպեր,

Չէ՜, չեմ սիրում, ես չե՜մ ուզում”։

Գոռաց այսպես և թաթն ուժգին

Դրեց, սեղմեց օձի գլխին

Ու մյուս թաթն օձի մարմնով

Մինչև պոչը քաշեց թափով.

Ապա մոտիկ հոսող գետին

Հանձնեց օձի անկենդան դին։

Եվ նայելով ջրերի հետ

Նետի նման սուրող օձին՝

Գոհ մրթմրթաց բեղերի տակ.

“Ա՛յ, ընկերն էսպես շիտակ

Պիտի լինի.

Դե՛հ, շիփ-շիտակ գնա՛ հիմի”։

Ավետիք Իսահակյան: