Twenty One Pilots musika taldea, Tyler Josephek 2009an sortu zuen istitutuko lagun batzuekin, Nick Thomasekin eta Chris Salihrekin. Hirukoteak Ohion jarraitzaile batzuk lortu zituen, baina 2011n, Thomasek eta Salihek taldea utzi zuten. Josh Dun izeneko mutila elkartu zen, aurretik taldeko laguna eta zalea ere bazen.

Tyler Joseph 1988 an jaio zen Ohion. Taldeko kantaria, rap abeslaria da, horretaz gain, gitarra, pianoa, ukelelea, baxua eta akordeoia jotzen du.

Josh Dun 1988 an jaio zen Ohion. Taldeko bateria da.

Taldearen izena, Arthur Miller-en “All My Sons” antzerki-lanetik dator. Antzerki-lan hartan 21 pilotu hil egin ziren, eta bertatik dator “Twenty One Pilots” izena.

Twenty One Pilots-en musika estiloa, ez da beste taldeena bezalakoa, raparen, punk-rockaren, pop-rockaren, musika alternatiboaren, indiaren eta abarraren nahasketa berezia da.Eta hori da haiek dituzten gauza berezi guztien artean gehien bereizten dituena.

Haien logoa da duten bereizgarri berezienetako bat. Eta logoak zer esan nahi duen galdetzen dietenean, Tyler-ek gauza bera esaten du beti: “Neure buruarentzat sortutako logoa da, neuk baino ez dakit horren esanahia, niretzat esanahi berezia daukan zerbait da”.

Josh Dun-ek kontzertu guztietan begien ingurukoa gorriz margotzen du eta Tyler Joseph-ek eskuak eta lepoa beltzez margotzen ditu. Joseph-ek esaten du horrela haien diskoko Blurryface pertsonaia irudikatzen dutela: “Inseguritateei buruz pentsatzen dudanean, orokorrean asfixiari buruz eta nik egiten ditudan gauzei buruz pentsatzen dut”. Baina album honen promozioa bukatzerakoan taldeak pertsonaiak alde batera utziko ditu.