Útikennsla - Ágústráðstefna Samtaka áhugafólks um skólaþróun 14. ágúst 2025 by Ingvar Sigurgeirsson

Útikennsla fyrir alla – Hvernig nýtum við útinám til að mæta fjölbreyttum nemendahópum?

ingvarsigurgeirsson — 2025-03-30 14:00:48 UTC

Útikennsla er öflug kennsluaðferð sem nýtist öllum nemendum og skapar aðstæður þar sem fjölbreytileiki fær að njóta sín. Með útinámi getum við stuðlað að aukinni virkni, vellíðan og námsárangri með því að tengja nám við raunverulega reynslu. Í þessari málstofu verður fjallað um hvernig útinám getur styrkt hópinn sem heild, aukið samkennd, bætt samskipti og byggt upp traust milli nemenda. Sýnt verður hvernig við getum aðlagað útinám þannig að allir geti tekið þátt og fundið sinn styrkleika. Lögð verður áhersla á hvernig samvinna í útinámi styrkir félagslega færni nemenda, kennir þeim lausnaleit og hjálpar þeim að takast á við áskoranir í jákvæðu og styðjandi umhverfi.

Helstu umfjöllunarefni:

Útikennsla sem leið til að styðja við fjölbreytta nemendahópa
Hvernig samveran í útinámi eflir tengsl, samvinnu og félagslega færni
Aðlögun útináms að ólíkum þörfum nemenda
Dæmi um árangursríkar kennsluaðferðir í útinámi sem stuðla að sterkari hóp

Markmið málstofunnar er að

veita kennurum og öðru skólafólki verkfæri til að skipuleggja útinám sem eflir hópinn
sýna hvernig útinám getur verið aðgengilegt, valdeflandi og félagslega styrkjandi fyrir alla nemendur
hvetja til umræðu um hvernig útinám getur byggt upp sterkari og samheldnari nemendahópa.

Aftur á ráðstefnusíðuna

ingvarsigurgeirsson — 2025-03-30 14:00:48 UTC

Hrafnhildur Sigurðardóttir

ingvarsigurgeirsson — 2025-03-30 14:04:59 UTC

Hrafnhildur hefur starfað við Sjálandsskóla frá stofnun skólans fyrir 20 árum en skólinn hefur frá upphafi lagt sérstaka áherslu á útinám. Hrafnhildur er verkefnastjóri yngsta stigs auk þess sér hún um útinám skólans í 1.-7. bekk og kennir útival í 8.-10. bekk.

Hrafnhildur hlaut Íslensku menntaverðlaunin 2024 fyrir fjölbreytta og hugmyndaríka útikennslu, sjá nánar hér.

Guðmundur Freyr Sveinsson

ingvarsigurgeirsson — 2025-03-30 14:05:30 UTC

Guðmundur hefur 11 ára starfsreynslu úr grunnskólum bæði sem kennari í Snælandsskóla og skólastjórnandi í Vatnsendaskóla og Flóaskóla. Guðmundur starfar nú sem kennari á sérnámsbraut Fjölbrautaskólans við Ármúla þar sem hann leggur sérstaka áhersla á að nýta útikennslu í sem flestum kennslugreinum.