My videos by Shaima Hassan https://padlet.com/uparents_info/vhhr2buayrq4 Made with Passionate Love en-us 2017-11-09 15:37:58 UTC 2023-07-08 09:55:41 UTC hello@padlet.com https://padlet.net/icons/png/1f5a4.png رفيق ١ uparents_info https://padlet.com/uparents_info/vhhr2buayrq4/wish/2146073502 تربية في دقيقتين:
بتجيلي استشارات كتير عن الشباب و الشابات الطيبين وسط أصحابهم
و الحقيقة انه من كتر احترامهم و طيبتهم إلا أنه والدتهم بتشتكي من هذا الضعف (من وجهة نظرها) 

خليني اقول حاجة مهمة 
في السن ده و في الوقت ده و المواقف ده 
مش من دورنا اننا نقول لولادنا ((((انت ضعيف في كذا و كذا))))) 

او انت شخصيتك ضعيفة عشان انت طيب مع صحابك 

صحابهم ممكن يظلموهم 
ممكن يعاقبوهم ببعدهم 
ممكن يتنمروا عليهم 

و لكن بمجرد ما من آذاهم يطلب شيء أو مساعدة تلاقيهم أول الناس في المساعدة

هم الطيبون 
هم المسالمون
هم الأقوياء على فكرة مش الضعفاء 

طب ازاي كدة؟ 

التسامح و الطيبة قوة 
انتوا خايفين ولادكم يطلعوا مهزوزين 

و للأسف هيطلعوا بطريقة توجيهكم ده 

الحل ايه 
١-عرفوا ولادكم انه ليهم دور في الحياة و لازم يعرفوه و يقروه.
٢-عرفوهم انهم عندهم نقاط قوة و برضه فيه نقاط ضعف 
نقاط قوتنا هنقعد مع بعض و نعرفها و نظهرها 
أصل المؤمن القوي خيرٌ و أحب إلى الله من المؤمن الضعيف 
و نقاط الضعف هنعرفها و نشتغل سوا عليها 
نشوف ليه هي نقاط ضعف و ازاي ممكن نقويها 

٣- غير تفكيرك عن الطيبة و التسامح فهم يتطلبان شخصية قوية 
أقوى الأقوياء ممكن ميعرفوش يعملوها 

٤- علموهم ازاي يتصرفوا 
و أنهم الأعلى 
و كيفية التعامل 

و الدنيا كفيلة انها تصقل شخصياتهم 
متقلقوش 


]]> 2022-04-17 15:48:42 UTC https://padlet.com/uparents_info/vhhr2buayrq4/wish/2146073502 رفيق 2 uparents_info https://padlet.com/uparents_info/vhhr2buayrq4/wish/2148464286 شقاوتهم و أسبابها 1
طفل بيعيط و أنت بتتكلمي في التليفون
طفل بيدبدب في الأرض و حضرتك شايلة طفل تاني
شاب بيرزع الباب في البيت
شابة بتطول في الكلام و الندية و اختلاف الأدوار
طفلة أو شابة خجولة و مش حاسة انها بتشارك في حاجة 

يا ترى ايه أسباب كل ده ، هل هو ضعف في الشخصية و عند و خجل و عدم ثقة في النفس و عدم رباية زي ما بيقولوا؟

من أكتر من 25 سنة اقرحت نظريات التربية الأسباب اللي الولاد بسببها بيعملوا أي سوء سلوك 

فحضرتك و حضرتك هديلكم 4 صناديق نختار منهم الحاجة اللي ابني بيحاول يثبتها بسوء سلوكه ده

1- نقص الاهتمام 
2- أنا القائد
3- أنا مجروح
4- أنا مش قادر

في حالة التليفون و الغيرة فا في الأغلب الأهل بيحسوا بتوتر و أنهم في نص هدومهم 
و في الحالة ده هناخد الصندوق رقم واحد


نقص اهتمام و اهتمام هنا مش بس انتباه في اليوم لأنهم بيحاولوا يعملوا أي شيء عشان يحسوا بالانتماء فا مكالمة تليفون و انشغالك الدقايق ده عنه بيصورلهم انهم غير مهتم بيهم و قيسوا على كدة قعدتكم مع صحابكم و خروجكم و أي شيء ميكونوش هما محور اهتمام 

و بتتضخم المشكلة لما بيكونوا مش بيشوفوكم وقت كافي في اليوم.

طب و الحل؟
1-قولوا لولادكم كتير انكم بتحبوهم سواء بالقول أو الفعل أو الهدايا أو التلامس أو حتى الخدمات.
2- عرفوهم انه فيه حاجة اسمها الوقت المستقطع ، يعني ايه يعني الوقت اللي بتدوروا عليه مع أحبابكم عشان الحبيب يكون منتبه ليكم.


]]> 2022-04-19 12:05:55 UTC https://padlet.com/uparents_info/vhhr2buayrq4/wish/2148464286 رفيق 3 uparents_info https://padlet.com/uparents_info/vhhr2buayrq4/wish/2148476142 شقاوتهم و أسبابها 2

بعد ما عرفنا السبب الأول و هو طلب الاهتمام بشكل ممكن يكون خاطئ، النهاردة ميعادنا مع الصندوق الثاني 

طفل أو طفلة أو شاب أو شابة بيطولوا قوي في الجدال و الندية و القمص و ازاي و ازاي أنه حضرتك بتقولي حاجة عكس اللي بيقولها؟!

الصناديق اللي قدامنا 

1- نقص اهتمام
2- أنا قائد
3- أنا مجروح
4- أنا غير قادر

هنختار ايه ؟

لو شعورك أنك غضبانة و حاسة بأنه يا بنتي أنا الأكبر أنا الأفهم أنا الأم. فا في الأغلب اختاري الصندوق التاني.

أصل فيه أطفال بتكون عندها سمات القيادة من و هما صغيرين . 
طب ايه الحل 

القائد مبيتكسرش ، لو لاقيتوا ولادكم كدة بيتعلموا شوية مهارات عشان يعرفوا يكسبوا معارك حياتهم حتى معاكم.

1- ادولهم مساحة من المشاركة في قرارات البيت 
2- اسألوهم عن مشاكلهم مع زمايلهم بيتعاملوا فيها ازاي
3- علموهم و أكدولهم بأفعالكم انكم موجودين لدعمهم مش للقضاء عليهم و على وجهات نظرهم
4- بطلوا انتقاد عمال على بطال لأنهم هيبطلوا يسمعولكم

و في الأول و الآخر حبكم ليهم هيخليهم يفهموا أنه أنت كأم ليكي دور و مكانة مينفعش هما ياخدوها.]]> 2022-04-19 12:16:18 UTC https://padlet.com/uparents_info/vhhr2buayrq4/wish/2148476142 رفيق 4 uparents_info https://padlet.com/uparents_info/vhhr2buayrq4/wish/2148489276 شقاوتهم و أسبابها 3

عرفنا الصندوقين الأولانيين 

نقص الاهتمام أو الاهتمام غير المبرر و القيادة دلوقت ميعادنا مع صندوق تالت،

بيرزع الباب في البيت ، بتتكلم بأي كلام أو برطمة ، بيقولوا كلمات ممكن توجعنا؟

مين دول يا ترى في صناديقنا الأربعة؟



دول المجروحين!

لو حضرتك حسيتي انك اتجرحتي و انه ازاي ابنك يعمل كدة و حزنتي فا في الأغلب دول أصحاب الصندوق الثالث.
دول اللي مش عارفين يطلعوا اللي جواهم و مش راضيين باللي هما فيه 
عندهم ضغط ما بين هما شايفين نفسهم فين و أهاليهم بيعاملوهم ازاي مع أنك حضرتك ممكن تكوني بتعامليه (من وجهة نظرك كويس)
دول اللي بيقارنوا بين مامة فلان و مامة علان من على السطح على فكرة لأنه المقارنات ممكن تكون ناقصة كتير.

طب و الحل؟
انسوا أي سلوك ظاهر و ابحثوا تحت السلوك ده فيه ايه ؟
هتلاقوا عاااااااالم من الافتراضيات اللي فارضينها في دماغهم و ممكن يكون لا أساس لها من الصحة.

ليه أمي بتفرق بيني و بين أخويا 
ليه أبويا دخل أخويا الكبير جامعة كذا لكن أنا معمليش كذا
ليه أنا مبيسمحوليش أعمل حاجة و أخويا عادي سلام عليه؟؟!

بدل ما تتعصبوا ، اسألوهم ايه اللي مضايقكم منا 
اسمعوهم بدل ما حالات الانتحار كترت بينهم
و حالات الشذوذ و حالات الإلحاد.]]> 2022-04-19 12:26:36 UTC https://padlet.com/uparents_info/vhhr2buayrq4/wish/2148489276 رفيق 5 uparents_info https://padlet.com/uparents_info/vhhr2buayrq4/wish/2148498561 شقاوتهم و أسبابها 4

وصلنا بسلام لآخر صندوق

الشباب المنعزلين و مش بيشاركوا و مش واثقين و شايفين أنهم غير كفئ

لو وضعنا الأربع صناديق و شفنا اننا شخصيا بنحس بعجز قصادهم 

هنلاقيهم بيقعوا في الصندوق الرابع 

الصندوق ده مليان بأفكارسلبية عن نفسهم و أنهم شايفين أنهم لا يستجقون لأنهم لا يستطيعون
عندهم نظرة ليكم أنكم الأقوى و الأكبر و الأغلب فا بنسميهم المنسحبين

معندهمش دليل منهم شخصي بأنهم عندهم قدرات 

بيخافوا من النقد لأنهم في الأغلب بيكونوا عاطفيين و حساسين فا مصدقين أنهم معندهومش دليل أنهم مميزين

طب و الحل؟

1-لازم لازم لازم تبحثوا في ثنايا حياتهم عن أي إنجاز و لو بسيط تحاربوا بي أفكارهم السلبية عن نفسهم.
2-الصبر عليهم مهم جدا لأنهم خطوات تطورهم بطيئة حيث هما شخصيا بيحاربوا نفسهم الضعيفة
3-علموهم أنه أي حاجة تتقسم لخطوات صغيرة و إنجازات صغيرة
4- مبنستخدمش معاهم أسلوب أديله السلبي عشان يطلع الإيجابي ، مفيش أصلا حد بياخد سلبي بيطلع إيجابي


]]> 2022-04-19 12:33:42 UTC https://padlet.com/uparents_info/vhhr2buayrq4/wish/2148498561 Alghad TV uparents_info https://padlet.com/uparents_info/vhhr2buayrq4/wish/2640757986 تحتل التكنولوجيا الحديثة والأجهزة الذكية أهمية كبيرة فيما يتعلّق بتسهيل التواصل بين الناس، حيث ساهمت بفعالية في جعل العالم الكبير يبدو كأنه قرية صغيرة،
 وتحقّق ذلك بفضل ما قدّمته التكنولوجيا للناس فهي تسهل علينا المهام اليومية 
والكثير من المصاعب التي تواجهنا عل مدار اليوم 
لكن علاقة الجيل الجديد بالتكنولوجيا والأجهزة الذكية علاقة معقدة يصعب السيطرة عليها،
فيوجد العديد من الدراسات التي تحذر من استخدام الأطفال للأجهزة الذكية، 
فالأطفال الذين كانوا يستمتعون بالأمس بتقليب صفحات الكتب
المليئة بالصور الملوَّنة، والاستماع بشغف إلى حكايات الأمهات والجدات،
 اليوم ينقرون على شاشات الهاتف المحمول ، ويمضون الساعات في صحبته فاصبح صديقهم المقرب   
لذلك اصدرت وزارة التعليم الهولندية بيان تم تداوله علي وسائل التواصل الاجتماعي 
يفيد بحظر  الهواتف المحمولة في الفصول بالمدارس 
و ذكر فى البيان أن القرار اتخذ لكون استخدام الهاتف يشتت انتباه الطلاب ويضعف مهارات التعليم لديهم وأفاد أن الساعات الذكية والأجهزة اللوحية مدرجة أيضاً في نطاق الحظر 
يبقي هنا العديد من التساولات حول هذه الخطوة 
هل بالفعل أصبحت الأجهزة الذكية عامل معرقل في العملية التعليمية للطلاب و الى أي مدي توثر الأجهزة الذكية علي الطلاب 
و هل يمكن ان يكون هذا القرار مبالغ في ؟
نناقش هذا مع استشاري تربية و سلوك الأطفال
الاستادة شيماء حسن
- فالبداية هل برأيك قرار هولندا مع منع استخدام الهواتف فى المدارس صحيح  لانه يشتت الانتباه .. على الرغم من ان بعض الدول الاخرى تدعم  أستخذام الاجهزه الذكية بالمدارس ؟
  بالفعل قد تم إعلان هذا الخبر في الأيام القليلة الماضية و يأتي هذا بالتعاون بين وزارة التعليم و على رأسها روبرت دايكجراف و المدارس و المنشآت التعليمية التابعة و لكن سيسمح لمن هم مرضى و يحتاجون بعض التطبيقات للمراقبة الطبية أو المواد التي تركز على المهارات الرقمية ، و يتبع هولندا ، فنلندا التي و التي أعلن نفس القرار و زادت عليه بأن الوزارة ستدرس إن كانت ستغير من القانون ليكون سهلاً عليهم حظر الهواتف الذكية و في الصف أيضاً تأتي انجلترا و فرنسا في هذا القرار.و إذا استطلعنا رأي الطلبة ستجد اختلاف واضح بينهم فبعضهم يؤيد القرار قائلين بأن المدرس لا يهتم بالدرس جيدا أو لا يشغل الطالب معه في رحلة التعلم و بالتالي يسمح للطالب بأن يشتت تركيزه أو يسرح و البعض الآخر يعترض قائلا بأنهم يستخدمون الهواتف الذكية و التابليتس في العملية التعليمية فكيف لهم التصرف بعد هذا القرار، مجملا هذا القرار صائب إذا ما تم التعامل معه بحرفية

- هل يحتاج الطفل إلى هاتف ذكي وماهى أضرار ومخاطر  الهاتف على الاطفال ؟

استخدام الهاتف الذكي في سن مبكرة أقل من ثلاث سنوات يؤثر بالسلب على تطور ونمو الطفل في سنواته الأولى وقد يؤدي إلى مشكلات كبيرة في النطق والتفاعل مع الآخرين. وفي سن أكبر، يؤثر الإفراط في استخدام الهاتف على تركيز الطفل وتحصيله الدراسي وقد يصل الأمر إلى النسيان المتكرر.و الأهم وضع قاعدة للتعامل النفسي،بأن مايؤثر علينا بالخوف أوبالتوترأوالقلقوالمقارناتفيجب بأن يبلغوه لأهاليهم و هنا يأتي دور الأهل في الجوار و الاستماع بل و الأعمق الأسئلة

- كيف نتعامل مع إدمان الهاتف الذكي بمعنى اوضح الاستخدام المُكثف للهاتف خصوصا انه يؤثر على تاخير تطور الطفل ؟ 

لو علمنا بأن أولادنا لديهم من أصدقاء السوء بالطبع سنتدخل و سننصح فما بالنا بأن أطفالنا عرضة يوميا و لحظيا لحروب على القناعات و هذه القناعات تتسلل لأفكارهم بانسيابية تتناسب مع أهواءهم و نجد في اليابان بعض المطاعم التي وضعت قوانين بحظر استخدام الهواتف الذكية أثناء تناول الوجبات قائلين الهواتف الذكية ممنوعة و الاستمتاع مطلوب، و هنا نحن بصدد سبب رئيسي ألا و هو أن الهواتف الذكية تسرق من حياتنا لحظات من الممكن بأن تكون فارقة في حياتنا،فأنت تقوي علاقاتك مع من هم أبعد منك و تقطعها مع من هم أقرب إليك، و كم من البشر التي تراها على السوشيال ميديا و تظن بأنهم صحبة عظيمة و لكن إن تقابلوا في الحياة الحقيقية ستجد بأنهم لا ينتمون لبعضهم البعض و لا يهتمون من الأصل…


- كيف تؤثر السوشيال ميديا على صحة اطفالنا النفسية ؟ 
نجد بأن الذكاء الاصطناعي و السوشيال ميديا قد أودى بحياة طفلة في سن ١٤ بسبب أنها انتحرت و ذلك بعد أن مرت باكتآب فعملت بحث بكلمات معينة عن الاكتآب و بالتالي اللغرتمات ظلت تبعث لها المزيد و المزيد من المقاطع و المقالات التي تعمق فكرة الانتحار عندها،ووجد بأنها قبل الست شهور من موتها ٢١٠٠ مقطع عن الاكتآب و إيذاء النفس و قد قامت بتجميع ٤٤٦ صورة عن الاكتآب … من أهم الأسلحة الدفاعية للأهل بأن يكونون على علم بالأرقام السرية لهواتف أبنائهم و تعميق الأمان بأنهم سندا لهم و أن لا يكبر الأهل المواضيع بردود أفعال صاخبة عالية فتحد من ثقة الأطفال بهم و حينها يعيش الآطفال حياة متوارية بعيداً عن رؤية و مساندة و توجيهات الأهل … أيضا من المهم بأن لا يبالغ الأهل في المخاوف فيمنعون الاستخدام منعاً باتاً لأنهم في هذه الحالة يفقدون أولادهم مهارات التعلم مع المواقف السلبية لوجود الهواتف الذكية…

- ما هي المشكلات السلوكية عند الأطفال وهل استخدام الهواتف يساعد فى وجود هذة المشاكل   ؟
  1. عدم التركيز و التشتت في الانتباه
  2. ضمور بعض الخلايا في وظائفها التي لا تُفَّعَّل 
  3. عدم التواصل و ما يؤدي إليه من عدم الانتماء
  4. التكاسل و التباطؤ
  5. الغضب السريع و الملل السريع أيضاً 
  6. عدم الرضا بواقعٍ ما

- كيف اعرف أن طفلي يحتاج لتعديل سلوك؟ 
أحياناً السلوك يكون عارضاً لحدثٍ ما و سيختفي لمجرد بأن يثبت الطفل أمراً ما لنفسه مثل طلب الاهتمام المبالغ فيه 
  1. تعديل سلوك الأطفال أحياناً يكون نتيجة لتفكير خاطئ من الأهل مثال طفلة في الثالثة من العمر لا تريد ان تشارك لعبها مع الغير 
  2. فنجد بأنه من خصائص العمرية الأطفال في هذا السن أنهم يظنونو بأن ممتلكات أي شخص تخصهم حيث أنهم egocentric أو الأنانية المركزية فنجد من الأهل من يحكم و يقرر بأن هذه الطفلة تحتاج لتعديل سلوك في حين أنه جهل من الأهل بالخصائص العمرية للأطفال و كيفية توظيفها و تنميتها 
- ما هي أساليب التربية الحديثة لبناء جيل مثقف لا يعتمد فقد على هواتفه الذكية ؟
  1. العلم المعرفي بأن هذه الهواتف ما هي إلا وسيلة 
  2. معرفة الأطفال بنقاط قوتهم و هذا يتطلب من الأهل مراقبة و رؤية المواقف الفطرية القوية لأطفالهم و تنميتها
  3. تسميع الأطفال لعبارات تشجيعية تجعلهم يؤمنون بأنفسهم و قدراتهم 
  4. الإيمان بدورهم و كيانهم في الأسرة و عدم تهميشهم و تفعيل بعض المسؤوليات لهم و التي يكون من دورها بأن تشجع وجودهم و انتمائهم 
  5. ترك مساحة للأطفال قريبة للتحدث و المراقبة و في نفس الوقت بعيدة كي يظنون بأنهم ذوي استقلالية فكرية
  6. ممارسة الرياضة و تشجيع مبادئ أنا ذو أهمية، أنا منتمي لعائلتي، أنا كافي ، أنا كيان، أنا أستطيع، أنا مسؤول 

]]> 2023-07-08 06:06:14 UTC https://padlet.com/uparents_info/vhhr2buayrq4/wish/2640757986