Þuríður kenndi í Herningvejskole í Álaborg í fjögur ár sem tvítyngdur kennari.  Árið 2005 hóf hún störf við Kársnesskóla í Kópavogi og starfaði þar sem deildarstjóri og síðar aðstoðarskólastjóri til ársins 2016. Árið 2016-2017 var Þuríður í námsleyfi og lauk M.Ed í stjórnun menntastofnana frá Háskólanum á Akureyri. Síðan var hún ráðin sem skólastjóri Vættaskóla í Reykjavík og síðar var henni falið að vera skólastjóri Víkurskóla - nýsköpunarskóla árið 2020 þegar breytingar urðu á skólamálum í Grafarvogi.

Þuríður brennur fyrir nýjungum í námi og kennslu. Hún fer ótroðnar slóðir og er óhrædd við að takast á við áskoranir og leggja þannig sitt á vogarskálar til betra skólastarfs.