نصيحة لا تهملو مذاكرة الكويزات من البداية وتقولو في ١٠ فرص نجيب الاكسيد في الاخير حاولو كل كويز تذاكرو التسريبات وفي قناة تلقرام فيها اسألة وركزو في مطلوب السؤال وان شاء الله الاسألة قريبة من التسريبات مرة 

اهم شي ذاكرو بفهم ولا يجيكم احباط من اول كويزين طبيعي اللين تتعودو وتعرفو طريقة الاسألة 

بالنسبة لجزء الاسايمنت لو كان التيم حقكم فنان حتكون اكثر مادة ممتعة ولا تشيلو هم الشغل لو قسمتوه بينكم كويس حاولو تخلصوه من بدري عشان لا تنضغطو وخلو وقت الشغل ممتع ولا تعطو المادة اكثر من حقها وتقتلو نفسكم خذو المادة من باب المتعة واهم شي امشو في التشيك ليست لانو التصحيح كلو عليه  

الرسم الهندسي : 

رجاء ذاكرو اول بأول مرا مهم انكم ما تضيعو وتسحبو فجاة لانها تمشي بسرعة حاولو تداركو الموضوع وركزو فكلاساتها وارسمو معاها حيكون وضعكم تمام ان شاء الله واتدربو خلال الاسبوع كم رسمة واهم شي الكويزات انصحكم حاولو تضمنو درجاتها غالبا تجيب رسمات من تيمز ذاكروها كويسس الميد تيرم والفاينل برضو انصحكم تدربو يدكم مرا من بدري ما حيمديكم قبلها تداركو الوضع يعني لازم قبل الميد تيرم تكونو مخلصين الكلاس الوورك وتشيكو على رسمات تيمز 

نصيحة المادة تحتاج جهد لا تتركوها ابدا حتى لو حسيتو انها صعبة لا تتركوها للاخير حاولو بكل الطرق تكونو كل اسبوع معاها