No CRA de Oroso celebramos unha xornada moi especial coa nosa emisión de radio: “Os Dereitos Máxicos da Infancia” 📻💫

A través da radio escolar, o noso alumnado deu voz aos Dereitos da Infancia Universal, relacionándoos con monstros, seres fantásticos e criaturas míticas da tradición galega e doutras culturas.
Porque a maxia tamén serve para aprender… e para lembrar que todos os nenos e nenas teñen dereito a:

🧡 Ser coidados
💬 Opinar e ser escoitados
🎲 Xogar e aprender
🌈 Non ser discriminados
🛡️ Estar protexidos e medrar en liberdade

Este programa baséase en enfoques pedagóxicos activos, nos que o alumnado é protagonista, investiga, crea contidos, comunica e desenvolve competencias expresivas, orais e sociais a través da radio. A radio convértese así nunha ferramenta de alfabetización mediática, de escoita activa, de creatividade e de participación real.

Ademais, este programa forma parte dun proxecto compartido con outros centros escolares, onde intercambiaremos historias, voces e aprendizaxes arredor da mitoloxía e da cultura. Podedes descubrir máis nesta viaxe común no noso espazo colaborativo de mitos, contos e lendas.

📡 No CRA de Oroso seguimos apostando por unha escola que inspira, que comunica e que dá visibilidade ao que somos:
unha comunidade que educa con corazón, con imaxinación e con dereitos.

No cole quixemos vivir o Nadal como se facía antes, escoitando historias que pasan de xeración en xeración e descubrindo a maxia das nosas tradicións galegas

Aprendemos quen son os Trubincos, eses pequenos seres do Nadal que baixan polas chemineas na noiteboa e que, se non atopan piñas con brea, fan trasnadas polos fogares.
Coñecemos tamén o significado do tizón de Nadal, ese tronco grande de carballo que se prende na lareira o 24 de decembro, símbolo de protección, fertilidade e coidado da casa e dos campos.
E non podía faltar o Apalpador, o carboeiro do Courel que baixa das montañas para comprobar que os nenos e nenas están ben alimentados, desexar boa fartura e deixar castañas e ilusión.

Despois… tocaba a aventura! Fixemos unha saída escolar pola natureza para buscar o noso propio tizón de Nadal. Observamos, exploramos, colaboramos… e reto conseguido!

Unha experiencia chea de aprendizaxe, tradición, respecto pola natureza e identidade cultural. Porque educar tamén é manter viva a memoria do noso pobo

O alumnado do C.E.I.P. Castelao de Ordes preparou unha exposición moi especial chea de relatos, lendas e historias recollidas ao longo de diferentes etapas do Camiño de Santiago.

Unha viaxe pola imaxinación, pola tradición e pola nosa cultura, onde cada recuncho agocha unha aventura por descubrir. 🌿✨

📍 Achégate, mira, le e déixate sorprender polo encanto do Camiño contado polos nenos e nenas.

💛 Cada historia é unha pegada... cada palabra, un tesouro.