Pumipintig-pintig ang tibok,

Umaasa sa kawalan,

Sinisiil ng mga gunita,

Oh, aking sinta nasaan ka na?

Unti-unting nahuhulog na.

Lumalalim ang paghanga,

Aking hiling ay makita ka.

Panaghoy ng damdaming sumisigaw at nalulumbay,

Alay sa iyong mga salita ay pilit hinahanap.

Sana'y marinig ang aking tahimik na pagluha,

Ang pusong patuloy na sinusugatan ng mga alaala

Tunay ba itong nangyayari?

Ako ang kanyang tinatangi,

Yamang nasa tabi lang palagi,

O, pag-ibig, ako'y tinamaan muli.

Kahit anong oras, hanap-hanap palagi

Ang bawat araw na pagsasama'y inaasam

Walang ibang nais kundi ikaw

Sa bawat ngiti mo, ako'y buo.

Sa bawat araw at gabi,

Ikaw ang iniisip ko lagi.

Ginoo, jusko, gulong gulo na ako

Ulo ko parang binabago

Labis na itong kalbaryo

Oho, ako ay isa nang sira-ulo

‎Gulong-gulo ang isip at puso,

‎Ulan ng damdamin ay 'di maipinta,

‎Lihim na sakit, 'di mawari,

‎Oo, pilit ko mang itago'y sumisidhi.

‎

‎

T - Tinda mo sa umaga

A - Aking hinahanap

H - Hangin nung kabataan

O - O, kay sarap balikan

Kahit saan magtungo, ikaw ang tanaw,

Araw-araw ikaw ang sigaw,

Walang iba, ikaw lang

Ayaw gumalaw, katawan ko’y nabibighani sa hinto.

Malay ko’y lumulutang, ayaw ng kumilos,

Alam kong may gagawin, ngunit damdamin ko’y parang walang lakas o kilos.

Damdami’y nagsusumamo: “Pahinga muna, kahit sandali.”

Uunahin ko ba ang pag nanais sa'yo

Lalayuan at tatakbo

Obligasyon kong tigilan ang nadarama para sa'yo

Aking hangad ay sana hindi ito mawala

Regalo na nais ay dapat sila na,

Oras sana'y huminto sapagkat yun lang ang nais ng aking puso

Pahinga ang nais madama,

Sana’y makamtan na.

Huni ng mga ibon, unti-unting naglalaho,

Hangin ay banayad, dala'y pag-asa't ginhawa.

Sapagkat sa aking pagmulat, bagong umaga ang ikakaharap. At sa pag silip ng bagong araw, sa bintana'y masisilaw, pagod ng kahapon, ngayo'y matutunaw.

Liwanag ng umaga, puso'y muling sisigla,

Panibagong pag-asa, ay aking tatahakin na.

Ika'y aking araw-araw na sinusumpa

Mga bagay ay nawalan ng buhay sa aking mga mata

Nang dahil lang sa inyong ginawa

Yakap ang pagod, ngunit patuloy na lumalaban

Araw na puno ng gawain, inubos ang laman sa tiyan

Nilasap ang sarap ng ulam na giniling

Online class sana'y matapos na, yan ang aking hiling

Luhang di kayang kimkimin,

Aking sinta'y na di mapapasaakin,

Nawa'y makausad na rin.

Sa dilim ako’y nag-iisa,
Buntong-hininga’y walang makuha.
Tinig ko’y baon sa kawala,
Hinahanap ang sariling halaga.

Marami pa ring gawain

Antok na nangigibabaw sa akin

Yumayakap pa rin sa pag-asa na matatapos

Kapag naaalala ka,

Ang iyong yakap at halik.

Walang ibang nagpapasaya.

agos biglang nagbago,

ala-ala ay nagtago,

naghintay mawala ang gulo,

oras kasama ka ay sana hindi magbago.

Urong-sulong ako sa mga tanong ng puso

Laging andyan ang aninong naiwan,

Tulad ng multo,hindi ka mawawala.

Oo, kahit pilitin,ako’y pinapahirapan pa.