https://padlet.com/menosaasi/tmbnf2s8x2fud15u en-us 2024-05-02 05:47:10 UTC 2024-05-02 05:59:39 UTC hello@padlet.com menosaasi https://padlet.com/menosaasi/tmbnf2s8x2fud15u/wish/2977550141 Panuto: Piliin ang titik ng tamang sagot sa bawat katanungan patungkol sa kwentong
“ Florante at Laura “. 

1. Kung ikaw si Florante at may tsismis na kumakalat na ikaw ay  pinagtaksilan ng iyong  minamahal, ano ang gagawin mo?
A. Gagawa ako ng paraan para malaman ang katotohanan. 
B. Hahayaan ko nalang ang aking nabalitaan para hindi na mag-away. 
C. Pupunta ako sa kinauukulan at hihingi ako ng payo. 
D. Maniniwala agad ako sa aking nabalitaan.

2. Kung hindi tinulungan ni Flerida si Laura nang makita niyang ibig itong gahasain ni Adolfo, ano kaya ang posibleng mangyari kay Laura? 
A. Lalong mamahalin ni Laura si Adlofo. 
B. Magagahasa si Laura at mandidiri siya sa kanyang sarili. 
C. Mamatay siya dahil papatayin siya ni Adolfo.  
D. Walang mangyayaring masama kay Laura dahil may pagtingin naman si Adolfo kay Laura. 

3. Kung ikaw ang nasa posisyon ni Aladin at nakita mo na ang iyong mortal na kaaway ay nasa panganib, ano ang iyong gagawin?  
A. Gagawa muna ako ng mga kondisyon bago ito tulungan. 
B. Pabayaan siya dahil hindi  naman kami magkaibigan. 
C. Pagtatawanan ko siya.
D. Tutulungan ko siya kahit na magka-away kami dahil yun ang nararapat. 

4. Paano mo maihahalintulad ang pag-iibigan ni Florante at Laura sa ibang magkasintahan sa bagong henerasyon ngayon? 

A.  Ang pag-iibigan ni Florante at Laura ay iba sa magkasintahan ngayon, dahil sa kanilang hindi matatawaran na pagmamahal at katapan sa isat-isa. 
B. Ang magkasintahan sa henerasyon ngayon ay itinuturing nilang laro ang pag-ibig.
C. Magkaiba ito dahil minahal ni Florante nang lubos si Laura.
D. Makikitaan ng kaibahan dahil sa karanasan ng kanilang buhay.

5.  Sa kwentong Florante at Laura, Paano mo masasabi na ang pag-ibig ay napakapangyarihan?, MALIBAN sa isa.

A. Masasabi kong ito ay napakapangyarihan, dahil handa kang makagawa ng anong bagay at magsakripisyo kahit na ito’y ikapahamak mo sa bandang huli.
B. Napakapangyarihan nito sapagkat nagagawa kang bulagin nito, kagaya nalamang ng gererong moro kaya niyang pumatay kahit ang karibal niya sa pag-ibig ay ang mismong ama niya. 
C. Napakapangyarihan ng pag-ibig sapagkat kahit na ilang beses ka ng nagloko tatanggapin ka pa rin nito dahil ganon ang pagmamahal. 
D.  Napakapangyarihan ng pag-ibig, dahil handa itong magpatawad.

6. Alin sa mga sumusunod na pangungusap ang nagsasaad ng totoong pangyayari nung matagpuan ni Aladin si Florante sa puno ng Higera? 
A. Habang naglalakad si Aladin sa kagubatan ay nakita niyang masayang naglalaro si Florante at ang Leon. 
B. Habang naglalakad si Aladin ay nakita niyang nakatali si Florante sa puno ng Higera at may dalawang Leon na handa ng sumakmal kay Florante. 
C. Si Florante at ang kanyang alagang Leon ay matiwasay na natutulog sa malalaking ugat ng puno ng Higera. 
D. Si Florante ay nakagapos sa puno ng Higera at sinusubukan siya tulungan ng Leon. 

7 . Kung ikaw ang nasa posisyon ni Flerida at nakakita ka ng babae na pinagtatangkaang gahasain, tutulungan mo ba ito kahit pa alam mong maari ding malagay sa panganib ang iyong buhay? 
A. Hindi, dahil ayoko pang mamatay.
B. Hindi, dahil wala naman akong pakialam sa kanya. 
C. Oo, dahil dapat tayong tumulong sa mga taong nangangailangan ng ating tulong. 
D. Oo, kung bibigyan niya ako ng gantimpala

8.  Ano kaya ang mararamdaman mo kung ang taong akala mo kakampi mo ay siya naman pala ang lihim mong kaaway?

A. Madidismaya at kamumuhian ang
taong iyon.
B. Magsasaya dahil may bagong kaaway na.
C. Magtatanim ng puot para may maani.
D. Magagalit at gagantihan ito.

9. Kung ikaw si Flerida, paano mo ipapakita ang iyong katapatan kay Aladin?
A.  Ipaglaban siya kahit anuman ang mangyari at sumuko kapag wala ng pag-asa. 
B. Maging tapat at matiyaga sa paghahanap sa kanya. 
C. Magpakumbaba at magbigay ng suporta sa kanyang mga layunin
D.. Ihandog ang sarili para sa kanyang kaligayahan

10. Kung ikaw si Laura, paano mo haharapin ang mga pagsubok na dumarating sa iyo?
A. Mag-isip at lumaban nang mag-isa at huwag humingi ng tulong. 
B. Mag-isp at maging tapat sa iyong mga pinaniniwalaan at sarilihin ang problema
C. Mag-isip at humingi ng tulong sa mga taong malalapit sa iyo ngunit hindi ito susundin. 
D. Mag-isip ng mga solusyon at magplano para sa iyong kinabukasan at humingi ng tulong kung kinakailangan.]]> 2024-05-02 05:52:30 UTC https://padlet.com/menosaasi/tmbnf2s8x2fud15u/wish/2977550141