De Bünzli Jugo vo eusere Klass. Vo afang ah ischer mit eus is gym, no kein Zenti im Bizepsumfang hemmer gsehm, löve. Du bechunnsch mitere grössere Wahrschinlichkeit Schulde zrugg vomene «Retire Young» Crypto-Berater uf Insta als vom Basti in Person. Woner i de zweite s erst mal ohni brülle cho isch, hemmer eus neu verliebt. No way back. Er isch de provider vom neue slang i eusere Klass und bringt neui Begriff zu eus wie «Zuuuz», «ghei nöd *äh*» und «gaht inä». 50% vo de Gfängnisinsasse ich de Schwiz sind Bastis kollege. Nach bastis erzählige isch Lache krimineller als Mexico city. Basti het scho alles erlebt, Kanoneschuss, Bombesplitter und vo Bulle wegrenne und Droge. Zu ume *ääh*. Mit fiege hetter sini höchs und tüfs wie au bi sine mathi geniestreich. Dur d Stochastik lektione hetter ganzi 65 Franke guet gmacht im Casino *äh*. Stolzer als s bemerke vo sinere erste bizeps Vein hetter eus das verzellt. Ihm Gseht mer de Stress ah, sini Hairline isch sit em Afang vo de Kanti um 5cm zrug gange.

Obwohl de Juli eine vo de Ältiste vo eusere Klass isch, merkt mer, dass er Mental nonig ganz bi sim Alter agelangt isch. Er isch en Egalitär, behandelt also jede glich. Egal ob en Lehrer vor ihm staht oder eine vo üs. Er schreckt vor nüt zrug und seit jedem sini Meinig klip und klar. Sini Ehrlichkeit wird aber nöd immer gschätzt und er kreiert mit sine Konfrontatione oft e Szene. Apropos Szene. Mer chönt meine de Juli lebi imene Film i wellem er meh als nur de hauptcharakter isch. Nonie het er anderi Hose ah gha als sini graui Trainerhose und wenns hert uf hert chunnt den spielt er d Vaterfigur phänomenal. Als 19-Jähriges Chind chan er bi Lust und Laune au mal d Verantwortig überneh und luegt, dass all heichömed egal wie viel er gsoffen hat (Dank sinere Masse verträgt er auch meh und chan denn weniger volumiöse Persone helfe, no front natürlich). Als lehrer gits nur zwei sache, entweder wirsch ahgno vo ihm (steini zb) oder nöd (Simmen approved nöd bi ihm), da gits keis dezwüsche. Wiiter ischer entweder so stolz uf das woner selber kochet het, dasser ers dir sogar brüderlich abütet, oder wenner selber hunger het oder s esse vo sim grosi isch, er lieber d Kalorie für sich selber behaltet. Wenn de Juli kei Lust het, hetter kei lust, akzeptiers eifach. D Maturaarbeit im Bereich Sport isch vo afang ah klar für ihn gsi. Mir all gratulieret ihm zum «hoch verdiente» 6. Das d Mensa nunig confronted worde isch mit ihrem Frass, da hends glück gha, sie hetted bodelos verlore. Er isch eine vo de OG-gymgänger gsi und gaht um Welte lieber is Gym als in Sportunterricht.

Wo sött mer afange… De Jonas chan der im einte Moment die grösst hilf sie und richtig gueti Inputs geh und im nöchste Moment de grösst chloz am fuess sie. Es gheimnis verzellt mer ihm nöd. Er isch d Bindigsstell zu guete Zemefassige und het eus scho oft de arsch gretted mit neue inputs und last minute zemefassige für de allgemeini überblick. Wenns im Sport zum Volleyball spile cho isch chasch der sicher sie das es mindestens eimal klöpft het wegeme übertribene Smash. Als Volleyballnachwuchs hetter eus müsse wüsse lah wo de bartli de most holt. Sis chnü bedankt sich defür.  Er isch de wo chan de sport usfalle lah will mer prüefige die wuche hend. Wenn er sich in Franz gmeldet het isch d chance nöd unchli gsi das es «miserable» usechunnt. Defür het er eus in Bio und Chemie dur sini wortgwandheit und mengisch riesem Mul mengi Minute erspart. Öppis gfunde wo de steinegger drüber redet statt unterrichted het er meistens, danke defür. Mengisch sind aber für die aktione klassekamerade drufgange (rip basti). Jonas isch eh freiwilligi snitch. Weder mir no er wüssed was es ihm bringt, er machts eifach gern. Sini dioptrie isch grösser als sini spf note. Sin bartwuchs isch chli verspötet, wie sini antworte wenn er ih sim starr isch. Judas Jonas, du hesch nur s beste welle.

De Nikola isch i vier jahr schuel nie pünktlich cho obwohl er dirket nebed de schuel wohnt. Derfür hät er die Lektion dänn immer chönne uf jedi Frag antworte au wänn d anwort nie wükli de frag entspricht. Er chan sehr guet uf frage freestyle. E gruppearbeit mit ihm isch immer e einzelarbeit und wänn ihm öppis schribsch bechunsch danwort immer erst zwei wuche später. Wenigstens seit er, er tuets durelese aber seit dänn eifach isch guet so au wänn alles was drin staht falsch isch. Ihm dini Husis geh wenn er dir verspricht sie abzändere würdemer abrate. De list dini Antwort eis zu eis vor, s best isch, er meldet sich no freiwillig. Er isch i jedem Fach einigermasse guet auf wänn mer denkt er wird en Maurer. Er verbringt die meiste Ziit mit em Yves und keine weiss was die beide mitenand amigs mached. Er hät e sehr gueti physischi Tranformation hinter sich und verbringt sis halbe lebe im gym. Er hät sogar en Schwiizerpass. De Nikola hät no nie selber e zemefassig gschribe und in bio seit er nöd was für ufgabe chömmed obowhl er genau weiss was dra chunt. Am afang höt mer gmeint er gheit gad use aber schlussenldich isch er besser als die meiste. Keine weiss wie, aber er häts bis i die viert kantig schafft. Zu de Frisure… das lebende Frisure-Modell het locker meh Frisure, vo Jugo bis Alpaca, gha als gueti Note i de Schuel. Eis mummer lah, es hend all meh oder weniger gstande.

Eid Ubarak a euse Brüeder.

Sit 4 Jahr bisch du en stabile Brüeder. Es isch beihdruckend, wie du Schuel und 5 Trainings ich de Wuche ohni s Sportlerprogram under ein Huet bringsch und debii no gueti Note schriibsch. Au wenn du amel seisch, dass du schlecht gsi bisch innere Prüfig oder bimne 4.8 seisch, es gaht bergab, chammer dir nüt übel neh. Au wenn du jedes Mal seich du hesch nume im Zug churz de Stoff überfloge und denn en Füfehalber schissisch. Obwohl du so vill Trainings gha hesch, bish du fast immer down für eh Party gsi mit üs. Und sogar wenn d Party voll abgange isch (mer munklet, es isch passed out gange), bisch du am nöchste Morge iis-chalt am 8 am Morge is Training oder sogar anes Spiel, was en König. Au dass du Züri (FCZ) Fan bisch het dich sehr sympathisch gmacht. 4 Jahr hemmer intensiv Ziit mitenand verbracht und ich chann mich nöd erinnere, dass du au nume einisch bös gsi bisch. Dis gelegentliche Lisple sorgt au ah langwiilige Täg oder Vorträg für unterhaltig…wieso hemmer eigentlich nie es Trinkspiel us dem gmacht? Mir gsehnd eus, Ehrema.

Defür hesch au nie öppis falsches gseid. Sobald mer aber im Usgang gsi isch, hend 1-2 Tropfe von feinem Gebräu glanget für en Redefluss. Plötzlich het de Nico nüme wele höre: ,,JAA, es git no en Shot!!!'' Die Abig sind immer legendär gsi. Au damals wo mer dich zuefällig im Gebüsch gfunde hend hahaha.

Wo de Yves damals id Kanti cho isch, ischer au no würklich id Schuel cho. Sini Frisur isch sit Beginn extravagant. Au sini Mode isch oftmals scho fast am Ziitgeist voruus. Au sin Slang isch mad de Vibe gsi, mir hed üs amigs einisch z oft drüber lustig gmacht, mad  nöd nice. Am witzigschte isch sini Hassliebi zu de Frau Simmen. Am ahfang isches no einigermasse gange, denn isch d Frau Simmen irgendwenn nervös worde bis sies schlussendlich ufgeh het (genau wie de Yves) und de Yves bis hüt eifach in Rueh laht. Oft het de Yves gfehlt. Oft aber willer halt würklich chrank gsi isch…S Ziise-rauche het glaub dis Immunsystem nöd soo gstärcht. Es grosses Danke aber an Yves dass er immer mitm Auto id Schuel chunnt und üs daher oft chann umekutschiere. Mir wünsched dir alles Gueti uf dinere Weltreis und dim wiitere Lebe. Au revoir

Ob de Luca sis IPad für schuelischi Zweck oder für en breit gfächerti Unterhaltig während de Schuel kauft hät, isch bis hüt es Mysterium, so wie sich d’Frag stellt wie tüüf er im Mafiagschäft verwicklet isch. Tatsach isch, dass de Luca i de vergangene 4 Jahr meh ziit damit verbracht hät Spieli wie Clash of Clans, Uno, Casinoslots und vieles meh zspiele. Zum Millionär hets leider nanig glanget aber wer weiss vielicht bringt ihm sini Erfahrige bim Beobachte/kaufe vo NFT’s im Unterricht en glorichi Zuekunft. Öpis wo de Luca aber gar nöd het chöne ha isch Gschicht. Guet gern het mer ihn während de Prüefige gseh ratlos im Rum umeluge. Alles nöd so schlimm, mer chan ja nöd überall brilliere. Usgäng mit em Luca sind immer amüsant gsi. «Ihr sind alles geili Sieche» oder «Du bisch en Ehremah» Klassiker die jede Abig mit ihm ufgwärted hend. Mir wünsched am Luca nur s’Beste uf sim zuekünftige Weg. Du bisch de grösst Ehremah! PS. Din Mais isch denn immer no bim Basti.

Samuel, wo sött ich ahfange? D’Elite vo de gesitige Elite. Wenns um schuelischi Tätigkeite gaht isch de Samuel de Wunschpartner Nummer eis. Er isch immer sehr diszipliniert gsi und het nüt uf die liechti Schultere gnoh. Au weg dem isch er immer en Liebling vo de Lehrer gsi. Aber das isch lang nanig de einzig Grund, denn de Samuel isch en sehr charmante Typ. Nie werdemer vergesse wie er dazumals alles gmacht het fürs perfekt Foti (stricht sich extra nomal Kohle is Gsicht). Je nächer de Abschluss aber cho isch desto fuhler, aber au kritischer gegenüber de Schuel isch er worde. Da isch am Samuel au mal sin Chrage platzt und er het es A4-Blatt mit negativer Kritik ah d’Franzsstudiewuche verfasst. Im Usgang isch de Samuel immer eine vo de Vernünftige gsi, da simmer dir dankbar! Samuel, blieb wie du bisch! Mir wünsched dir nur s’Beste uf dim Zuekünftige Weg!

Eid Mubarak a euse Brüeder.