Tari Remo iku salah sawijine tari khas Jawa Timuran kang wis dadi ikone bebrayan ing Provinsi Jawa Timur. Tari Remo minangka gegambarane karakter masarakat Jawa Timur kang teges, rikat, cukat, trengginas, blaka suta, lan apa anane, nanging tetap ngugemi tata krama lan subasita. Tari  Remo dipentasake kanthi maksud ora mung kanggo panglipur, ananging minangka tarian kanggo mangayubagya para tamu lumantar olah beksan sugeng rawuh khas Jawa Timuran. Tari Remo iki biyen minangka tari pambuka pagelaran ludruk utawa wayang kulit Jawa Timuran. Ing pagelaran ludruk, sawise nari remo adate dol tinuku parikan liwat tembang Jula-juli. Ananging ing jaman saiki asring ditarekake kanthi kapisah minangka tarian kanggo nyambut para tamu agung ing adicara resmi pamarintah utawa kenegaraan kang dileksanakake ing Jawa Timur. Kajaba kanggo nyambut para tamu, Tari Remo uga dadi pambuka ing adicara-adicara pahargyan tartamtu, kayata ing adicara pentas seni, festival-festival kesenian daerah, lan adicara-adicara liyane ing tlatah Provinsi Jawa Timur. Ing adicara kasebut bocah-bocah sekolah lumrahe asring kadapuk dadi paraga Tari Remo. Paragane bisa para siswa putra-putra utawa putri-putri

 (sumber: Buku Widya Basa kelas VII)

1. Saka wacan ing dhuwur, apa kuwi sing diarani tari Remo?

2.