Hér má sjá sjónrænt þá staði sem krakkarnir töldu upp og telja vera styrkleikar í samfélaginu. 
Eins og sjá má eftir þessa yfirferð þá er mjög mikið um íþróttastörf og frábær útivistarsvæði sem bærinn hefur uppá að bjóða. Íþróttastörf er frábær leið fyrir ungmenni að kynnast öðrum ungmennum úr öðrum skólum og myndast oft sterk vinatengsl í kringum íþróttirnar (Þráinn Hafsteinsson, 2021). Í heild sinni hefur afmarkað svæði Akureyrar frábæra kosti til afþreyingar fyrir ungmenni. Margir kostir til fjölskylduiðkunnar sem stuðla að góðum forvörnum ungmenna má finna á svæðinu og hefur Akureyrarbær gert sérstaka áætlun til forvarna sem gildir til 2023 sem endurspegla aðgerðir í forvarnarmálum. Stefna bæjarins er m.a. foreldramiðað, heilsueflandi samfélag og greiður aðgangur sé að tómstundar, íþrótta og lista starfi bæjarins (Akureyri, 2022c). 

Helstu styrkleikar svæðisins að okkar mati er hve auðvelt er að komast á milli staða sama hvar þú býrð innan þess. Það er alla jafna frítt í strætó (Akureyri, e.d.a) og er allt í göngufæri, mikið er af góðum göngustígum sem stytta manni oft leiðir. Gaman var að heyra að ungmennin nýta opnu útivistarsvæðin á svæðinu til að fara í leiki og skemmta sér saman á þeim. Einnig er mikið af íþrótta afþreyingu að fá á þessu svæði eins og í KA heimilinu þar sem æft er handbolti, fótbolti, blak, júdó og einnig er hægt að stunda lyftingar þar (Knattspyrnufélag Akureyrar, e.d.). Tvær líkamsræktarstöðvar eru einnig inná svæðinu sem bjóða uppá allskonar námskeið í hóptímum og einnig er hægt að sækja einkaþjálfun (World Class, e.d.). Tveir frisbígolfvellir eru inná svæðinu og svo er annar völlur uppá Hömrum sem er rétt fyrir utan Naustahverfið (Íslenska frísbígolfsambandið, 2019). Sundlaug Akureyrar er einnig mjög vinsæl þar sem eru þrjár nýjar og flottar rennibrautir svo á sumrin eru hoppubelgir þar sem njóta mikilla vinsælda meðal ungmenna (Haraldur Árnason, munnlegheimild, 10.nóv. 2022; Akureyri, 2022.b). 

Björgunarsveitir landans halda úti unglingastarfi  víða um land en ekki gátum við séð að Súlur, björgunarfélag Akureyrar, standa undir slíkri starfsemi sem við teljum mega bæta en starfið ýtir undir fjölbreytta félagslega starfsemi og ungmennin eiga kost á að mynda tengsl við aðrar sveitir á landinu (Landsbjörg, e.d.). Við veltum því fyrir okkur hvort að hópamyndun í búðum eftir kvöldmat sé úrræði sem hægt er að takmarka og hvort það sé hægt er að bæta það með rýmri opnunartíma félagsmiðstöðva eða opinna húsa í samfélaginu. Sífellt heyrir maður af auknu ofbeldi ungmenna í fréttum (morgunblaðið, 2021) og er það rakið til hópmyndunar víða í samfélaginu sem ýtir undir óæskilega hegðun sem mögulega hægt er að koma í veg fyrir ef börnin hafa stað til að hittast á undir takmörkuðu eftirliti (Lögreglan, 2020). Við leit á veraldarvefnum fundum við flotta handbók sem grunnskólar Reykjavíkur nýta sér en úrræðið gengur út á sýnileika fullorðinna í hverfum borgarinnar til að koma í veg fyrir óæskilega hegðun ungmennanna (Andrea Marel og Eva Halldóra Guðmundsdóttir, 2019).