- Mér finnst að það ætti að banna stórverslunum að henda mat

- Mér finnst umhverfisstefna vinnuskóla Kópavogs góð.

- Mér finnst sjálfsagt að kaupa alltaf nýjasta nýtt.

- Ég gæti verið hamingjusöm/samur án rafmagns.

- Mér finnst í lagi að menn megi aðlagi umhverfi sitt að sínum eigin þörfum að vild.

- Ég er vakandi fyrir umhverfislegum áhrifum gjörða minna.

- Mér finnst mikilvægt að varðveita náttúrulegar auðlindir.

3 tófur, rest hagamýs. Svo er róterað nokkru sinnum. Mýsnum er raðað í hring í kringum einhvern hlut sem að tófurnar eiga að reyna að ná án þess að gera hinum viðvart. Mýsnar skulu vera með lokuð augun, ef að mús opnar augun bætist mínúta við tímann þeirra. Bilið á milli þeirra skal vera circa 4-5 skref og þær skulu vera svipað langt frá hlutinum.  Ef að mýsnar heyra í tófunum eiga þær að benda í átt að þeim. Það verður tímataka og sá hópur sem er fljótastur að ná hlutnum vinnur!

Hópnum er skipt upp í tvennt. Annar hópurinn fer og finnur einhvern hlut í náttúrunni, það má vera annaðhvort dýr eða planta. Hinn hópurinn á að reyna að finna út hver hluturinn er með spurningum. Síðan þegar sá hópur telur sig hafa nægilega miklar upplýsingar á hópurinn að reyna að finna hlutinn sem hinir völdu. Síðan er hópunum snúið við og sá hópur sem er fyrr að finna hlutinn sinn, sigrar. 

- Ég fer á veiðar og tek með mér asparlauf, ánamaðk og birki.

- Ég fer á veiðar og tek með mér asparlauf, ánamaðk, birki og drumb.

Nemendur standa í hring. Kennarinn byrjar og sá sem er honum til hægri handar þarf að endurtaka hvað hann tekur með á veiðar og bæta við einum hlut sem byrjar á næsta staf í stafrófinu og sem hann sér í umhverfinu í kringum sig. Það sem tekið er með á veiðar þarf að vera í umhverfinu í kring um leikinn. Þannig þylja nemendur stafrófið, koll af kolli, og taka eftir umhverfinu um leið. Sá sem man ekki allt færir sig fram fyrir þann sem var á undan honum og endurtekur hvað sá sagði.

Rotvera (bakteríur og sveppir) – Planta – Dýr. 

Dýrið vinnur plöntuna, plantan vinnur rotveruna, og rotveran vinnur dýrið *. 

Búa þarf til hljóð og hreyfingar fyrir hverja lífveru. Tvö lið etja kappi. Hvort lið ákveður saman hvaða lífvera þau ætla að vera og koma svo inn að miðju. Síðan er talið upp á þrjá og þá allir sitt hljóð og sína hreyfingu. Liðið sem vinnur eltir hitt liðið. Þegar leikurinn er útskýrður er gott að ræða um hringrásir í náttúrunni og um hvernig náttúran endurvinnur efnin sín.

Allir nema sögumaðurinn fá sér sæti og verður það að vera þannig að allir sjá hvern annan vel. Sögumaðurinn úthlutar einu spili á mann og er alveg bannað að kíkja eða segja frá!

Sögumaðurinn hefur söguna: Nú fara allir bæjarbúar Bikiníbotns að sofa og þá loka allir augunum. Næst segir hann: Nú fara plastflöskur á stjá. Þá mega aðeins þeir sem fengu úthlutað plastflöskuspili að opna augun og sjá hver annan og velja með ábendingum í sameiningu hverja fiskana þeir ætla að drepa. Þegar sú ákvörðun hefur verið tekin segir sögumaður: Nú sofna plastflöskur. Stuttu seinna segir hann: Nú vakna fiskar allir… nema einn en það er hún _____ sem plastflöskurnar hafa náð um nóttina. Þá geta fiskarnir farið að ákæra þann sem þeir gruna helst, en þurfa þó stuðning við hverja ákæru.

Þegar ákærur hafa verið staðfestar hafa þeir sem ákærðir voru kost á að verja sig en eftir það kjósa fiskar með lýðræðislegri kosningu (rétta upp hönd) hvern þeir ætla að sakfella. Þá kemur í ljós hvort þeir náðu plastflösku eða saklausum fisk.

Ef þú ert fiskur er markmið þitt að komast að því hver er plastflaska og síðan að sannfæra hina fiskana að kjósa þá út. Einnig þarftu að passa þig að vera ekki kosinn út í misgripum fyrirplastflösku. Markmið þitt, ef þú ert plastflaska, er að að éta bæjarbúa á nóttunni og útrýma þeim einum á fætur öðrum þar til aðeins plastflöskur eru eftir. Á daginn reynirðu eftir fremsta megni að spila þig sem einn af fiskunum svo að þeir nái þér ekki.

Aðrar persónur:
Hafmeyja sem má kíkja eins oft og hún vill því hún getur ekki sofið af hræðslu við plastflöskurnar.

Sögumaður svarar með þumli upp eða þumall niður.

 

Ástarfiskur, sem fær að velja sér einn í byrjun leiks sem deyr með honum ef hann er drepinn (vonandi er það svo plastflaska!)

 

Sverðfiskur sem stingur einn þegar hann er drepinn og fær þannig að velja sér einhvern einn sem fer með honum (vonandi valdi hann vel!) Munurinn á sverðfiski og ástarfisk er að sverðfiskur fær að velja þann sem fer með honum þegar hann er drepinn, ekki í byrjun leiks eins og ástarfiskur.

 

Úrsúla. Úrsúla fær að þyrma einu lífi. Hún fær að vakna þegar plastflöskurnar eru búnar að fara á stjá og farnar aftur að sofa og sjá hver var drepinn. Ef hún vill bjarga honum setur hún þumalinn upp, ef ekki setur hún hann niður.

Önnur leið er að búa til staðhæfingar og raða þeim svo í röð eftir mikilvægi og rökstyðja. 

 

1.     Hafa hreint vatn                                                     26. Geta átt gæludýr

2.     Búa í sanngjörnu samfélagi                                      27. Hafa aðgang að listum/menningu

3.     Geta horft á skemmtilega þætti/afþreyingu                28. Búa í lýðræðislegu samfélagi

4.     Eiga heimili                                                           29. Fá sumarfrí á hverju ári

5.     Eiga maka                                                            30. Geta hlustað á tónlist/farið á tónleika

6.     Að fá að velja maka sinn sjálfur                                31. Allir eru bólusettir

7.     Vera heilbrigður                                                     32. Eiga bíl

8.     Eiga góðan síma                                                    33. Geta spilað tölvuleiki

9.     Komast á netið                                                      34. Eiga tölvu

10.   Eiga flott föt                                                         35. Tjáningarfrelsi

11.   Geta menntað sig                                                   36. Kunna að lesa

12.   Valið vinnuna sína sjálfur                                          37. Hafa hreint andrúmsloft

13.   Fá sanngjörn laun                                                   38. Geta fengið sér nammi og snakk

14.   Að það sé til óspillt náttúra                                       39. Eiga nóg af mat

15.   Hafa nóg vatn til að sturta niður og geta farið í sturtu    40. Geta farið til læknis

16.   Geta eignast börn                                                   41. Að það sé hlustað á skoðanir manns

17.   Að vernda allt lífríki (á landi og í sjó)                           42. Að vera fyndinn

18.   Geta fengið sér skyndibita                                         43. Að vera aldrei of kalt

19.   Hafa aðgang að öllum þeim vörum sem framleiddar eru   44. Að fá góðar einkunnir

20.   Eiga mikinn pening                                                   45. Borða kjöt

21.   Vera hamingjusamur                                                 46. Þurfa aldrei að vakna við vekjaraklukku

22.   Fá matarpásur í vinnunni sinni (/skóla?)                       47. Geta tekið strætó/almenningssamgöngur

23.   Spila íþróttir/hreyfa sig                                             48. Að fá meira en 100 læks á instagram

24.   Búa nálægt fjölskyldu                                               49. Að hafa gott sumar á Íslandi

25.   Geta ferðast til útlanda                                             50. Geta keypt sér stórt einbýlishús

- Leikur frá Vinnuskóla Reykjavíkur

Texti sem lesinn er:
Jarðarráðið hefur valið þig til að taka þátt í stærsta ævintýri sögunnar. 100 manns verða valdir til að kveðja Jörðina og ferðast til Kepler 186F, sú reikistjarna sem virðist líkust Jörðinni af þeim sem fundist hafa. Ferðin tekur 500 ljósár á ljóshraða óháð tíma og rúmi, þ.e. Fólkið í skipinu upplifir ferðina sem 500 ár. Sökum drifsins þarf ekki að hugsa út í stýrikerfið eða skipið sjálft. Skipið stoppar hvergi og ekki er hægt að breyta um stefnu.
 
Áður en lagt er í ferðalagið þarf að skoða eftirfarandi hluti:
 
Hvernig á að búa til fæðu? 
Eru dýr? Plöntur? Hvar? Hvernig? 
Hvernig á að sjá fyrir andrúmslofti? Hvernig er loftinu haldið hreinu? 
Hvernig á að sjá fyrir vatnsþörf? Hvernig er vatninu haldið hreinu? 
Hvað gera þessir 100 manns? 
Hvernig eru híbýlin?                        
Hvað gerist ef upp kemur ágreiningur eða stríð? 
Hvað verður um rusl og úrgang? 
Hvaðan koma föt og húsgögn? 
Hvað verður gert ef það verður of mikið af fólki í skipinu? Hvernig á að koma í veg fyrir slíkt?

 
Nemendum er skipt niður í hópa 3-4 saman, þar sem rætt er um lausnir og hugmyndir á þessum spurningum. Í lokin eru hugmyndir ræddar og bestu lausnirnar sameinaðar í eitt geimskip. Mikilvægt er að meirihluti nemenda sé sammála þeim lausnum sem valdar eru. Notast má við kosningakerfi þar sem kallaðar eru upp lausnirnar en aldrei í sömu röð þannig að nemendur gangi ekki út frá því að þeir séu að kjósa lausnir sérstakra einstaklinga. 
 
 Þegar hugmyndir um geimskipið eru komnar fram má tengja það við aðstæður á Jörðinni sjálfri. Hvernig er þetta ólíkt og hvað er líkt? Við erum að skoða lokuð kerfi - hringrásir efna (t.d. Vatns og kolefnis). Væri hægt að heimfæra niðurstöður okkar og lausnir fyrir geimskipið yfir á vandamál Jarðarinnar? Hvað getum við gert?

- Leikur fenginn frá Vinnuskóla Reykjavíkur.