އަޅުގަނޑު ތަޢާރަފްކުރަން މިއުޅޭ ޓޫލްއަކީ"ޕެޑްލެޓް" އެވެ.  

       އާދެ ޕެޑްލެޓަކީ ކިޔަވައިދުނުމުގައި ބޭނުންކުރުމަށް ވަރަށް މުހިންމު، ރަނަގަޅު،އެހާމެޝައުޤްވެރިޓޫލްއެކެވެ. ވަކިން ޚާއްޞަކޮށް ގިނަކުދިންތަކަކަށް އެއްފަހަރާ ކިޔަވައިދިނުމަށްއަދިގުރޫޕްމަސައްކަތްތައް ކުރުމަށް ވަރަށް އެކަށީގެންވާ ޓޫލްއެކެވެ. އެގޮތުންތަފާތުއެކި ގޮތްގޮތަށް މިޓޫލް ބޭނުންކުރެވިދާނެއެވެ.  ތަފާތު އެކި ސުރުޚީތަކަކަށް މަޢުލޫމާތު ހޯދުމަށް ގުރޫޕް މަސައްކަތް ޙަވާލުކުރެވިދާނެއެވެ. އަދި ވަކި މާއްދާއެއް ކިޔަވައިދިނުމުގައި ގެންގުޅޭ ޓީޗިންގްއެއިޑްސް އެއްތަނެއްގައި ރައްކާތެރިކަމާއިއެކު ވަކިތަރުތީބަކުން ބެހެއްޓުމަށްޓަކައިމިޓޫލް/ ޕްލެޓްފޯރމް ބޭނުންކުރެވިދާނެއެވެ. މިގޮތަށް ރައްކާކުރުމުން ފަހުން އެފަދަ ތަކެތީގެ ބޭނުންޖެހޭވަގުތު ފަސޭހަކާމާއިއެކު އަވަހަށް ހޯދާލެވޭނެއެވެ. އަދި ވަކިތަރުތީބަކުންބެހެއްޓޭނެއެވެ .އެގޮތުން ތިރީގައި އެވަނީ ރައްކާކުރެވިފައިވާ އެޑިއުކޭޝަނަލް ބުކްމާކްތަކެއްގެ މިސާލެކެވެ.  

ޕެޑްލެޓް ހަދާނީ ކިހިނެއް؟

1- އެންމެ ފުރަތަމަ ގޫގުލް ސާރޗްގައި pedlet.com ޖަހާ ސާޗް ކުރާށެވެ.

2- logging with google އަށް ގޮސް އެކުއްޖެއްގެ ގޫގުލް އެކައުންޓުން ވަންނާނީ/ ލޮގިންވާނީ (ލޮގިންވުމަށް ގޫގުލް ބޭނުންކުރާނަމަ އެޑިވައިސްއަކުން އިނަނަންވާނީ އެކުއްޖެއްގެ ގޫގުލް އެކައުންޓަށް ލޮގިންވެފައެވެ. ) މިގޮތަށް ލޮގިންވުމަކީ އެންމެ ފަސޭހަގޮތެވެ.

3- އާ ޕެޑްލެޓެއް ތައްޔާރުކުރުން: އެގޮތުން އާ ޕެޑްލެޓް ތައްޔާރުކުރުމަށްޓަކައި ތިރީގައިވާ އޮޕްޝަންތަކުން Make a pedlet ނަގާނީއެވެ. މި އޮޕްޝަން ނެގުމުން ޕެޑްލެޓް ހެދުމަށް ބޭނުންވާ ތަފާތު ލޭއައުޓްތައް ފެންނާނެއެވެ.

4- ލޭއައުޓެއް އިޚްތިޔާރު ކުރުން: ލޭއައުޓް އިޚްތިޔާރުކުރުމުގައި ކުރަންއުޅޭ މަސްއްކަތާއި ގުޅޭ ލޭއައުޓެއް ނެގުމަކީ މުހިންމުކަމެކެވެ. އެގޮތުން އެންމެ ޢާންމުކޮށް ބޭނުންކުރާ ލޭއައުޓްތަކަކީ ވޯލް، ގްރިޑް އަދި ސްޓްރީމް އެވެ. އަދި ހަމައެހެންމެ އޮންލައިން ކްލާހެއް ކުރިއަށްގެންދާއިރު، ގުރޫޕްމަސްއްކަތެއް ކުރިއަށްގެންދަން ބޭނުންވާނަމަ ޝެލްފް ނެގިދާނެއެވެ. ތިރީގައި އެވަނީ ލިބެންހުރި ލޭއައުޓްތަކުގެ ފޮޓޯއެކެވެ. ތަފާތު 8 ވައްތަރެއްގެ ލޭއައުޓް ހިމެނެއެވެ.

5- ޕެޑްލެޓަށް ނަންދިނުން އަދި ބެކްގްރައުންޑް ކަނޑައެޅުން: ޕެޑްލެޓަށް ވަކި ސުރުޚީއެއް ދިނުމަށްފަހު، ކުރު ތަޢާރަފެއްދީ، އައިކަން ސިލެކްޓްކޮށް އަދި ބެކްގްރައުންޑް ބަދަލްކުރުންފަދަ ކަންކަން ކުރުމަކީ ޕެޑްލެޓް ޚާއްޞަކުރުމުގެ ގޮތުން ކުރެވިދާނެކަންކަމެވެ. ނަމަވެސް މިކަންތައްތަކަކީ ފަހުންވެސް ކުރެވިދާނެ އަދި ހަމައެފަދައިން ފަހުން ބަދަލްވެސް ކުރެވިދާނެ ކަންތައްތަކެވެ. އެއަށްފަހު ސޭވްކުރާނީއެވެ.

6- އެއްޗިހި ޕޯސްޓްކުރުން: ޕެޑްލެޓް ހެދުމަށް ވޯލް/ ފާރު އިޚްތިޔާރުކުރާނަމަ މިހާރު އިންނާނީ ވޯލް/ ފާރު ތައްޔާރުކުރެވިފައެވެ. ދެން ފާރުގައި ތަފާތު އެކި ޕޯސްޓްތައް ޖަހަންވީއެވެ. އެއްޕޯސްޓް ނިމުމުން އާ ޕޯސްޓެއް ނެގުމަށް + ސައިނަށް ފިތާލާށެވެ. ބޭނުންނަމަ ޕޯސްޓްގައި ފޮޓޯ، ވީޑިއޯ، އަދި ވެބްސައިޓްތަކުގެ ލިންކްވެސް އަޕްލޯޑް ކުރެވިދާނެއެވެ. ފާރުގައި ޖަހާ ކޮންމެ ޕޯސްޓަކަށް ނަމެއްދޭންވާނެއެވެ. ތިރީގައި އެވަނީ + ސައިނަށް ފިތާލުމުން ޕޯސްޓް އޮޕްޝަންސް އަންނަގޮތުގެ ފޮޓޯއެކެވެ.

7- ޝެއަރކުރުން: ތައްޔާރުކޮށްފައިވާ ޕެޑްލެޓް އެހެންމީހުންނާއި ޝެއަރކުރުމަށްޓަކައި، ޕެޑްލެޓްގެ ކަނާތްފަރާތުގެ މަތީކަނުގައިވާ Share އޮޕްޝަން ބޭނުންކުރެވިދާނެއެވެ. އަދި ޝެއަރކުރުމުގެ ކުރިން ދެވިދާނެ ބައެއް އޮޕްޝަންތަކުގެ ތެރޭގައި އެހެންމީހުންނަށް މިވޯލްގައި އެއްޗިހި ޕޭސްޓްކޮށް ޝެއަރކުރެވޭނެއެވެ.  ނުވަތަ މިވޯލް އިތުރުފަރާތްތަކާއި ޝެއަރކުރެވޭގޮތަށްވެސް އޮޕްޝަންދެވިދާނެއެވެ.

ރިފަރެނސް:

https://faaru.mv/articles/online-koh-kiyavaidhinumah-ehee-eh-padlet

https://ditchthattextbook.com/20-useful-ways-to-use-padlet-in-class-now/