Repleksyong Lasalyano M1 by Toby Jian Catacutan

toby_catacutan — 2025-09-19 06:13:57 UTC

Bilang isang mag-aaral, naranasan ko na ang mas madalas na paggamit ng wikang Ingles bilang midyum ng pagtuturo kaysa sa wikang Filipino. Dahil dito, may mga sitwasyon na nagiging mahirap maunawaan ang mga tinuturo para sa mga kaklase kong hindi masyadong sanay mag Inges at nawawala ang kumpiyansa ng mga kaklase kong ito na magsalita gamit ng kanilang sariling wika. Hindi lamang Filipino ang naaapektuhan, kundi pati ang iba pang mga katutubong wika na halos hindi na nagagamit at unti-unting nalilimutan ng kabataan.

toby_catacutan — 2025-09-19 06:14:33 UTC

Ang isa sa mga salik na dumadaan sa isip ko na nagpapalubha sa hamong ito ay ang kumakalat na kaisipan na mas mataas ang tingin sa mga nagsasalita ng wikang Ingles kaysa sa wikang Filipino. Dagdag pa rito, ang kakulangan ng mga aklat, materyales, at pananaliksik na nakasulat sa Filipino. Ang globalisasyon at impluwensiya ng social media ay mga karagdagang dahilan kung bakit mas pinipili ng kabataan ang banyagang wika kaysa sa kanilamg sariling wika.

toby_catacutan — 2025-09-19 06:15:03 UTC

Bilang isang Lasalyano, maaari ko 'tong masimulan sa pamamagitan ng simpleng paggamit at pagtataguyod ng wikang Filipino sa mga talakayan, proyekto, at social media posts. Posible rin ang pagsagawa ng mga gawain sa klase na nagpapalakas ng paggamit ng wikang Filipino sa Agham, Sipnayan, at iba pang asignatura. Dagdag pa, maaari akong makilahok sa mga organisasyon at kampanya na nagtataguyod ng sariling wika at nag-uudyok ng pagmamahal sa ating sariling wika at kulturang Pilipino.