Эко-кейіпкер күні by

Қағаз үнемдеуші

2025-08-30 05:08:19 UTC

Мен бүгін 29.04.2025 ж.қағазды үнемдеуді қолға алдым. Сабақ кезінде бос беттердің екі жағын да пайдаландым. Ескі газет, дәптердің бос беттерін жинап, қайта қолдануға қорапқа салып қойдым. Достарыма парақтарды орынсыз жыртпау және артық қолданбау туралы түсіндірдім.

Жаппас Ержан

2025-08-30 05:10:25 UTC

Мен су сақшысымын. Бүгін менің міндетім суды үнемдеу болды. Сабақ алдында қолымды жуғанда суды тек қажет кезде ғана ағызып отырдым. Асханада достарыма да суды босқа жібермеу керектігін ескерттім. Үйде анама ыдыс жуған кезде суды ағыза бермей, бір ыдысқа жинап қолдану тиімді екенін айттым.

Хамза

2025-08-30 05:14:59 UTC

Менің міндетім табиғатқа дос болу. Бүгін достарыма пластик бөтелкелерді қайта қолданудың жолдарын үйреттім. Мысалы, бос бөтелкені гүлге су құятын құты ретінде қолдануға болатынын көрсеттім. Үзілісте бөтелкемді қайта-қайта пайдаланып, бір реттік пластиктің зиянын түсіндірдім

Апроұлы Есенаман

2025-08-30 05:18:03 UTC

Менің бүгінгі рөлім қалдықтарды бөлу болды. Бүгін пластик пен қағазды бөлек қоқыс жәшігіне салуды қадағаладым. Достарыма қоқысты сұрыптап тастаудың маңызын түсіндірдім. Үйде анаммен бірге органикалық қалдықтарды бөлек ыдысқа жинадық. Осылайша қайта өңдеуге болатын заттарды артық тастамауға тырыстым

Сергей Айару

2025-08-30 05:32:09 UTC

Мен таза ауаны қорғауды қолға алдым. Сыныпта артық қағаздарды жинап, қоқысқа салдым. Терезелерді ашып, бөлменің ауасын жаңарттым. Үйде де бөлмелерді желдетіп, ата-анама ауа тазалығының денсаулыққа әсерін түсіндірдім.

Есет Гүлдәурен

2025-08-30 05:43:41 UTC

Мен жануар жанашыры болдым. Таңертең мектепке бара жатып қаңғыбас мысыққа су мен тамақ қойып бердім. Үзілісте достарыма жануарларға қамқор болудың адамдық борыш екенін түсіндірдім. Үйде кішкентай бауырыма үй жануарларын дұрыс күтіп-баптауды үйреттім.

Алмат Айзере

2025-08-30 05:45:51 UTC

Энергия үнемдеуші ретінде сыныптан шыққан сайын шамдарды сөндірдім. Үйде телефон мен компьютерді тек қажет кезде ғана пайдаландым. Қосымша құралдарды розеткадан ажыратып отырдым. Сыныптастарыммен бірге электр энергиясын үнемдеудің қоршаған ортаға пайдасы туралы әңгімелестім.

Сайын Айару

2025-08-30 05:49:43 UTC

Мен жасыл ойшыл ретінде табиғат туралы ойымды бөлістім. Таңертең ауладағы гүлдерге су құйып шықтым. Мектепте сыныптастарыммен «егер біз әрқайсымыз бір тал отырғызсақ, жеріміз қаншалықты жасыл болар еді» деген тақырыпта пікір алмастық. Үйге қайтқанда жолда ағаштардың көлеңкесінде демалып, табиғаттың адамға қаншалықты пайдалы екенін ойладым.

Маташ Айзере

2025-08-30 06:07:34 UTC

Бүгін мен өзімді табиғат қорғаушысы ретінде ұстадым. Таңертең мектепке бара жатып жол бойындағы тасталған қағаздар мен бөтелкелерді жинадым. Сыныптағы достарыма қоқысты кез келген жерге тастамау керектігін түсіндірдім. Мектеп ауласында отырған кезде балаларға жасыл аймақты таза ұстау маңызды екенін айтып, қоқыс жәшігін пайдалануды еске салдым.