ലോകം മുഴുവൻ പല ഭൗതിക തിരക്കുകളിലും മുഴുകുമ്പോൾ പ്രവാചകവചനങ്ങൾ പഠിക്കാനും അത് ജീവിതത്തിൽ പകർത്താനും സമയം കണ്ടെത്തുന്നവർ ഒരിക്കലും ഒറ്റക്കല്ല. "നീ അനുഗഹിച്ചവരുടെ മാർഗ്ഗത്തിൽ ആക്കണേ" എന്ന് ഓരോ നിസ്കാരവേളയിലും തേടുന്നവർക്ക് ആ യഥാർത്ഥ പാത തിരിച്ചറിയാനുള്ള ഒരേ ഒരു മാർഗ്ഗം കൂടിയാണ്..

മറ്റൊന്നു പ്രവാചകസുന്നത്തുകൾ ഹൃദയത്തിലേറ്റുന്നവരുടെ മുഖത്തു അല്ലാഹു പ്രകാശം നൽകട്ടെയെന്ന നബി (സ ) യുടെ നേരിട്ടുള്ള പ്രാർത്ഥനക്കു അർഹരാവുന്നു സുബ്ഹാനല്ലാഹ്..

ചുരുക്കിപ്പറഞ്ഞാൽ ഹദീസ്പഠനം എന്നത് കേവലം ചരിത്രമോ നിയമങ്ങളോ മനപാഠമാക്കാലോ മാത്രമല്ല, നബി (സ ) യുടെ ഓരോ ചര്യയോടും ഹദീസുകളോടുമുള്ള ആദരവും സ്നേഹവും കൂടിയാണ്. അത് നമ്മെകൊണ്ട് എത്തിക്കുന്നത് സാക്ഷാൽ സ്വർഗത്തിൽ തിരുമേനിക്കോപ്പമുള്ള ഉന്നത സ്ഥാനത്തെക്കാണ്..

റബ്ബേ! നിന്റെ പ്രവാചകന്റെ (സ ) ചര്യ പഠിക്കാനും പ്രവർത്തികമാക്കാനും ഞങ്ങൾക്ക് നൽകിയ ഈ അനുഗ്രഹം നിലനിർത്തിത്തരേണമേ. ഇഹലോകത്ത് തേജസ്സും പരലോകത്ത് റസൂലിനോടൊപ്പം സ്വർഗ്ഗവും നൽകി നീ ഞങ്ങളെ അനുഗ്രഹിക്കേണമേ ആമീൻ!