Сапалы білім – жетістікке жетудің жолы әрі экономиканы дамытудың басты құралы.

«Жеті түрлі ілім білетін» ұрпақ тәрбиелеу – бүгінгі күннің негізгі міндеті.

Аталған бағыттар бойынша тиімді жұмыс істеу қажет, яғни туындаған мәселелерді дер кезінде анықтап, оларды шешудің оңтайлы жолдарын ұсыну керек.

Білім беру жүйесінің сапасына теріс ықпал ететін тағы бір кедергі – ұсынылатын реформаларда педагогтардың нақты қажеттіліктерінің есепке алынбайтыны.

Бүгінде мұғалімдерді кәсіби тұрғыдан дамыту Білім және ғылым министрлігінің салалық құрылымдары өткізетін курстармен және семинарлармен шектеледі.

Еліміздің жастары өзін жеке тұлға ретінде дамытумен қатар, мемлекеттің озық инновацияларға сай өркендеуіне зор үлес қосуы қажет.

Бұл – қазіргі білім және тәрбие беру үдерісінің алдында тұрған маңызды міндет.

Отандық білім саласы туған жеріңе, қоршаған ортаңа, өз тарихыңа құрметпен қарауға тәрбиелеп, ұлттық құндылықтарды дәріптеуі тиіс.

Кең ауқымда өтіп жатқан «Бірге – таза Қазақстан» экологиялық акциясын дәл осындай бағыттағы өте қажетті, дұрыс бастама деп санаймын. Мұндай шараларға әрқашан қолдау көрсете береміз.

Бұл – өте маңызды.

«Әр халықтың ана тілі – білімнің кілті» – дейді академик Ахмет Жұбанов.

Бұл сөз біз үшін негізгі ұстанымға айналуы тиіс.

Үштілді жүйеге көшу оқытушылар мен білім беру бағдарламаларының дайындығына қарай жүзеге асады.

Бұл ретте, ғылыми-жаратылыстану пәндерін ағылшын тілінде оқыту білім орталықтарының кадрлық мүмкіндігіне қарай, оқушылар мен ата-аналардың қалауы бойынша іске асуы тиіс.

Тұңғыш Президентіміз Нұрсұлтан Әбішұлы Назарбаев «Қазақ тілі үш тілдің біреуі болып қалмайды. Үш тілдің біріншісі, негізгісі, бастысы, маңыздысы бола береді» деп өте өнегелі ой айтты.

Сондықтан, ағылшын тілін оқытуды

2-3-ші сыныптан немесе ата-аналардың қалауына қарай 5-ші сыныптан бастау орынды әрі тиімді болады деп санаймын.

2019-2020 жылдары республикалық бюджет есебінен үш ауысымды оқытуды жою үшін 35 мектеп және апатты жағдайдағы мектептердің орнына 7 мектеп салу жоспарланған.

Тәуелсіздік жылдарында барлығы 1 198 мектеп салынды. Халық санының өсуіне байланысты демографиялық үрдістерді ескере отырып, мектептерді салу мен жаңғыртуды жалғастырамыз.

Алайда білім және ғылым министрлігі мектеп салуға шығындарды жоспарлауда тәсілдерді қайта қарауы керек, атап айтқанда, объектілік жоспарлаудан нормативтік жоспарлауға көшу қажет.

Өңір әкімдері демографиялық және көші-қон көрсеткіштерін анық бақылап, мектептерді жөндеу немесе жаңа мектептер салу қажеттілігін бағалауы тиіс.

Сонымен қатар, мемлекеттік-жекеменшік әріптестік тетіктері арқылы жеке мектептер салуды да қарастыру қажет.

Ұлттың бәсекеге қабілеттілігін арттыру үшін біз мұғалімдеріміздің мәртебесін шын мәнінде көтеруіміз керек.

«Педагог мәртебесі туралы» заң жобасында қолдаудың кешенді шаралары қарастырылған.

Бұл мұғалімдердің жүктемесін азайту, абыройы мен қадір-қасиетін қорғау кепілдігі және материалдық ынталандырулар.

Маңызды шаралардың қатарына сынып жетекшілігі мен дәптерлерді тексеру үшін екі есе қосымша ақы, барлық педагогтардың демалыс кезеңін 56 күнге дейін ұлғайту, магистр дәрежесі үшін қосымша ақы және басқа да шаралар кіреді.

Бізде тиіс айырмашылықтар арасындағы білім беру деңгейіндегі балалармен қалада және ауылда. Стандарттар білім беру бірыңғай болуы керек. Бұл білім беру бағдарламаларына да қатысты.

Барлық балаларға тұратын жеріне қарамастан, немесе әлеуметтік мәртебесін, олардың ата-аналары болуы тиіс сапалы білімге қол жеткізуі.

Білім және ғылым министрлігіне табысы төмен отбасылардан немесе қиын әлеуметтік жағдайларда жұмыс істейтін және төмен нәтижелер көрсететін мектептерден келген балалардың академиялық артта қалуын еңсеру бойынша арнайы бағдарламалар әзірлеп, іске қосуды тапсырамын.

Облыс әкімдері бұл мәселемен түбегейлі айналысуға тиіс. Бұл олардың тікелей жауапкершілігі – жергілікті жерлерде балаларға барлық қажетті жағдайларды жасау.

Ауылдық жерлердегі көптеген шағын мектептерде бір мұғалім бірнеше пәннен сабақ беруге мәжбүр болған кезде қандай білім сапасы туралы айтуға болады.

Өңірлердің әкімдеріне облыстардың мектептеріне үздік менеджерлер мен педагогтарды тартуға гранттар бөлуді тапсырамын.

Білім-бұл стратегиялық сала, іс жүзінде – экономиканың бір саласы, сондықтан ол байыпты назар аударуды және күрделі салымдарды қажет етеді.