*Einstaklingar sem þegar þiggja aðstoð og sækjast eftir hjálp við persónulega umhirðu. Þá gengur endurhæfingin út á að skjólstæðingurinn geti haldið áfram að sinna sínum störfum og bætt færni sína ef unnt er.

*Einstaklingar sem hafa ekki áður þurft á aðstoð að halda en óska nú eftir stuðningsþjónustu. Ef viðkomandi á möguleika á endurbata er honum boðin hverdagsendurhæfing í stað venjulegrar heimahjúkrunar.

Líkamsþjálfun getur falist í leikfimi, vatnsleikfimi, göngu og styrktarþjálfun. Síðan er metin þörf á sértækri meðferð, t.d. viðtalsmeðferð, vatnsmeðferð og hitameðferð. Öll meðferð er ætíð undir eftirliti fagfólks. Fjölbreytt fræðsla er í boði, m.a. um mikilvægi þjálfunar, varnir gegn byltum, minnisþjálfun, svefn, kvíða, þunglyndi og mataræði. Utan um meðferðina heldur teymi fagfólks sem samanstendur af lækni, hjúkrunarfræðingi, sjúkraliða, sjúkraþjálfara, íþróttafræðingi og sjúkranuddara.  Í lok dvalar er reynt að finna leiðir fyrir dvalargest til að viðhalda árangri eftir útskrift.