Родная мова гучыць у загадках, прыказках, прымаўках, квестах, песнях, казках, вершах".

Гучы, РОДНАЕ СЛОВА!!! У Міжнародны дзень роднай мовы!!!

21 лютага адзначаецца Дзень роднай мовы. Родная мова шмат не патрабуе. Але калі ўжо назваў яе роднай, калі лічыш яе такой для сябе — павінен жа быць перад ёй хоць нейкі абавязак.

Усе мерапрыемствы, праведзеныя ў рамках свята ў нашай школе, маюць на мэце развіваць пазнавальную актыўнасць вучняў, актывізаваць маўленчую дзейнасць, выхоўваць моўнае чуццё і ўвагу да слова: развіваць творчыя ўяўленні і здольнасці школьнікаў; прывіваць любоў да роднай мовы.

Моўны батл "Маё любімае слова".

Прэзентацыя даследчага праекта “Сугучча муз: ілюстрацыі да паэмы Я.Коласа “Новая зямля” адбылася сёння ў актавай зале.

Родныя гукі... З гукаў - родныя словы... Са словаў - песні, казкі, паэмы, драмы, жыццё, Радзіма, народ! ( Ніл Гілевіч)

    На працягу дня вучні падарожнічалі па краіне Роднай мовы, выконваючы заданні на “Арфаграфічным прыпынку”, прыпынку “Перакладчыкі”, флэш – бабл “Хуткамоўкі”, Закончылі свята флэш – мобам “Я люблю родную мову”

Акцыя "Любiмае слова на роднай мове"

Аквагрым "Люблю Беларусь!"

Гульня-конкурс "Шануйце мову свайго народа"

21.02.2024

Сёння, 21 лютага, у Сусветны дзень роднай мовы ў Сярэдняй школе №15 імя В.П. Маргелава г. Наваполацка прайшоў рад мерапрыемстваў. Дзень пачаўся з інфармацыйных хвілінак аб важнасці гэтага свята для нас, беларусаў.

Вучні 9 класа ўвайшлі ў кожны клас: чыталі вершы, агучвалі цікавую інфармацыю пра нашу мову.

Ля выставы, прысвечанай ілюстрацыям

В. Шаранговіча да паэмы Якуба Коласа "Новая зямля" гучала чытанне паэмы вучнямі і настаўнікамі, запісанае на відэа. Прайшлі музычныя перапынкі, на якіх гучалі беларускія народныя песні ў сучаснай апрацоўцы. Настаўнікі і старшакласнікі арганізавалі дзяцей у гульні, карагоды, танцы. Было весела! У 13.00 гадзін пачалася Рэспубліканская дыктоўка, у якой прынялі ўдзел вучні 9-11 класаў. Завяршыўся дзень білінгвістычнай гульнёй "Гучы, роднае слова!" для 6-7 класаў. Пераможцам стаў вучань 7 "А" класа Сяргей П.

Дзень атрымаўся насычаны, поўны эмоцый і прыемных уражанняў. А самае галоўнае - мы адарвалі дзяцей ад тэлефонаў!

21 лютага ў ДУА “Сярэдняя школа №16 г. Полацка” прайшоў шэраг мерапрыемстваў, прысвечаных Міжнароднаму Дню роднай мовы. Сярод іх найбольшую цікавасць выклікалі: інтэрв’ю “Самае цікавае слова на беларускай мове”, эрудыт-круіз “У загадкавай краіне Якуба Коласа” (9-11 класы), інтэлектуальная размінка “Ці праўда, што…” для 5-9 класаў, віктарына “З вытокаў роднай мовы”, бібліятэчны час - конкурсная праграма “Любі, ведай, шануй родную мову” (4 класы). Арганізавана выстава “Роднай мовы скарбы чароўныя”, а таксама конкурс творчых работ “Смак роднай мовы”. Вучні нашай школы далучыліся да конкурсу вершаў “Няхай гучыць родная мова”, прынялі ўдзел у агульнарэспубліканскай дыктоўцы, прымеркаванай да Міжнароднага дня роднай мовы. У школьным аздараўленчым лагеры прайшла выстава творчых работ вучняў “Залацінкі роднай мовы”.

З цікавасцю вучні  ўдзельнічалі ў праглядзе мультфільмаў на беларускай мове, а таксама сацыяльных відэаролікаў “Любі роднае слова”. Дзеці актыўна, з задавальненнем удзельнічалі  ў конкурсах, інтэрактыўных гульнях на перапынках, віктарынах, змаглі праявіць свае акцёрскія  і творчыя  здольнасці.

21 лютага пацвердзіць высокую якасць мовы было вырашана з захаваннем шматгадовай традыцыі - агульнай дыктоўкі "Пішам разам па-беларуску...". Сёлета больш за 750 вучняў і ўвесь педагагічны калектыў узялі ўдзел у напісанні дыктанта. Ролю настаўнікаў для алфёраўцаў выканалі паважаныя госці і шаноўныя навукоўцы ў галіне філалогіі: Алена Сяргееўна Дзядова, дацэнт кафедры беларускай і рускай філалогіі ВДУ імя П.Машэрава, кандыдат філалагічных навук, дацэнт, Каваленка Ганна Валер’еўна, галоўны спецыяліст аддзела па адукацыі Віцебскага гарадского выканаўчага камітэту, Святлана Васільеўна Мартынкевіч, дацэнт Віцебскага абласнога інстытута развіцця адукацыі, кандыдат педагагічных навук, дацэнт.

Сёння гімназісты пазнаёміліся з беларускім танцам "Падэспань". Інтэрактыўная пляцоўка была напоўнена мелодыяй мяккага вальса, далікатнымі рухамі дзесяцікласнікаў і лагоднымі позіркамі. Кола танцораў пашыралася парамі дарослых і юнакоў.

Вучні 5 і 6 класаў разам з сямікласніцай Соф'яй Садоўнікавай адправіліся ў “Падарожжа па краіне лялек”. Веды пра ляльку дапамаглі дзецям здабыць сакрэты вырабу беларускай лялькі

як абярэгу, як цацкі, як сябра.

• Традыцыя і трэнд - гэта словы аднаго кораня?

Сялянская.

Баравая ў казачнай красе.

Старажытная. Ты самая славянская.

Светлая, як травы у расе.

Вобразная, вольная, пявучая,

Мова беларуская мая!

(Пімен Панчанка)

Шэрагам мерапрыемстваў да Дня роднай мовы адкрылася ва ўстанове 21.02.2024 г. Дэкада беларускай і рускай мовы і літаратуры. У плане - гульні, конкурсы, квэсты, флэшмобы (не будзем адкрываць усе таямніцы). А сёння ў фае ішла трансляцыя тэматычных відэа, настаўнікі беларускай мовы расказвалі пра гісторыю свята, вучні праводзілі акцыю "РазмаЎляй на роднай мове".

У галоўным мерапрыемстве Дня роднай мовы - Рэспубліканскай дыктоўцы па беларускай мове, арганізаванай Інстытутам мовазнаўства імя Якуба Коласа - традыцыйна прынялі ўдзел старшакласнікі, настаўнікі, адміністрацыя ўстановы.