Nemendur verða að fá að vita hver tilgangurinn er með því að gera núvitundaræfingar, rými til að æfa sig og þeir verða að fá að vita hvernig þeir geta nýtt sér þá færni sem þeir öðlast í gegnum núvitundaræfingar í fjölbreyttum aðstæðum (Lilja Úlfarsdóttir og Valgerður Ólafsdóttir, 2015).
Öndunaræfingar eru gott dæmi um hvað nemendur læra í gegnum núvitundaræfingar. Góð öndun er grunnurinn að vellíðan og í gegnum núvitundaræfingar læra nemendur m.a. hvernig djúp öndun getur hjálpað þeim að slaka á, róa sig, ná aukinni einbeitingu og hugarró þegar þau lenda í krefjandi aðstæðum. (Hrafnhildur Sigurðardóttir og Unnur Arna Jónsdóttir, 2015). Stranglega bannað er að þvinga nemendur til þátttöku en það getur haft neikvæð áhrif á upplifun þeirra á ferlinu (Rechtschaffen, 2014).
Nota tónlist og hljóð
Brown og Olson (2015) segja að tónlist og hljóð séum mikilvægur partur af hugleiðslu. Án tónlistar og hljóða getur hugleiðsla verið erfið, sérstaklega fyrir byrjendur. Því er mikilvægt að nýta sér tónlist þar sem hún getur verið gagnlegt tól til að hjálpa einstaklingum að ná fullri meðvitund, slaka á, vera til staðar og einbeita sér. Án þess að við höfum áhyggjur af öðrum hugsunum eða utan að komandi áreiti.
Mikilvægt er fyrir kennarar sem eru að byrja að kenna nemendum núvitund að vera meðvitaðir um að nemendur eru ef til vill ekki allir jafn viljugir til að iðka núvitund til að byrja með. Nemendur eru misjafnir einstaklingar og því þarf að sýna skilning og taka tillit til þeirra. Einstaklingar þurfa mis mikinn tíma og mis miklið rými til að venjast núvitundaræfingum og læra að njóta þess að vera í núinu og slaka á (Rechtschaffen, 2014).