Sköpuð eru örugg rými fyrir börn til að móta sér skoðun og láta hana í ljós. Gætt er að því að börn hafi þær upplýsingar sem þau þurfa til að geta tekið afstöðu, stuðst er við barnvænar nálganir og aðferðir og réttur barna til upplýsinga er virtur. Hugað er að því að börn geti látið skoðanir sínar í ljós á fjölbreyttan hátt og þarf aðgengi allra barna, sérstaklega barna í viðkvæmri stöðu, að vera gott. 

Sjónarmið barna (hvaða tjáningarleiðir?)

Barni sem myndað getur eigin skoðanir er tryggður réttur til að láta þær í ljós í öllum málum sem það varða í samræmi við aldur þess og þroska. Málefni sem börnum eru mikilvæg og merkingabær eru rædd og hugað er að rétti barna til leiðsagnar. Þar vegur þungt hlutverk starfsfólksins í að auðvelda börnum að koma röddum sínum á framfæri og tjá skoðanir sínar.

Áheyrendur (hver hlustar?)

Raddir barna hafa vægi og þeim tryggð áheyrn, hlustað er á skoðanir barna og þeim er komið á framfæri við aðila sem geta komið þeim í framkvæmd. Sýnd er ábyrgð í virkri hlustun. Hvatt er til ólíkra sjónarmiða og þau virt. Notaður er viðeigandi stuðningur til að skilja og túlka merkingu þess sem sagt er og hugað er að því að koma í veg fyrir valdaójafnvægi og fordóma.  

Áhrif (hvaða áhrif?)

Raddir barna eru teknar alvarlega og brugðist er við þeim. Gætt er að sýnileika og gagnsæi í viðbrögðum við röddum barna og fyrirséðum áhrifum þeirra. Börnum er veitt endurgjöf og höfð með í ráðum í mati á áhrifum. Þeim er gerð grein fyrir þeim möguleikum sem eru í stöðunni, gætt er að því að raddir þeirra séu skildar og túlkaðar á réttan hátt og að viðbrögð við þeim séu við hæfi.

Börn fá að koma með sína skoðun á stundinni sem leið. Fannst þeim gaman í stundinni eða ekki. Fá að kjósa.

Barnaþing þar sem að hópurinn kemur allur saman. Talprik svo að allir fá rými til að tjá sig og það er hlustað á þau. kennd virðing.

Kenna barnasáttmálann og vera réttindaskóli. Innlögn á greinunum hans. Á við um alla, ekki bara fullorðna. Flétta inn í allt starfið, ekki endilega bæta á skipulagða starfið.

Nota myndbandsupptökur á leik þeirra eða framkomum. Fá börnin til að rýna í og sjá hvað gekk vel og hvað mætti betur fara.

Gefa þeim meira rými til að ákveða meira í fatarherbergi. styrkja þau í að gera meira sjálf þar og í matartíma.

Barnakosningar, gera formlegt, kjörkassa og kjörseðla. Leyfa þeim raunverulegt vald og tekið mark á þeirra niðurstöðum. Hvenær fær meirihlutinn að ráða, skilja það að það þarf að hlusta á aðra og meirihlutann.

Hafa þá valkostina viðráðanlega og raunhæfa. Allir fá að koma með sína skoðun en litið saman á hvað er raunverulega hægt að framkvæma.

Þarf að vinna með viðhorf og sýn starfsfólks að þátttöku barna.