Xeres que podemos facer en clase pa cellebrar el Día del Mediu Ambiente by Alba Sánchez Batalla

Debuxa un ODS

Al_San_Ba — 2025-05-12 08:12:41 UTC

L'escolináu esbillará un ODS que yos paezca perimportante pa curiar el planeta y depués van representalu per aciu d'un debuxu. Depués tolos debuxos podemos compartilos nel pasiellu, na entrada, etc....

Cuentu del Planeta Saludable

Al_San_Ba — 2025-05-12 08:12:41 UTC

Como sabemos, el Busgosu ye un ser mitolóxicu que ye l'encargáu de curiar la viesca. Vamos escribir ente tola clase un cuentu nel que'l Busgosu seya'l protagonista y cómo mos va a echar un gabitu pa curiar meyor el nuesu planeta. Tamién podemos grabar un podcast o facer una xornada de disfraces de seres que curien la viesca.

Manualidaes con Material Recicláu

Al_San_Ba — 2025-05-12 08:12:41 UTC

Vamos a empobinar al alumnáu a que mos traigan un residuu de casa y con ellos vamos intentar crear una manualidá o un adornu cualesquiera que tenga dalguna rellación con dalgún ODS. Podemos facer árboles, ríos, una sablera llimpia de basura.... O un paisaxe ente tolos oxeto qu'apurran.

El Xuegu del Planeta

Al_San_Ba — 2025-05-12 08:12:42 UTC

Vamos facer un tableru (o na mesma pizarra) con diferentes problemes del mediu ambiente (contaminación, cambeu climáticu...) y les soluciones pa cada unu d'ellos. L'escolináu tien de dir avanzando nel xuegu a la vez que deprenden cómo echar un gabitu al planeta.

La nuesa tierra, ta gayolera

Al_San_Ba — 2025-05-12 08:12:42 UTC

Vamos facer una narración collaborativa na que cada escolín y escolina va dicir una frase o idega pa curiar el planeta. Depués, podemos convertir toles idegues/frases o nun llibru collectivu o nun mural collaborativu.

L'Árbol de los Deseos Verdes

Al_San_Ba — 2025-05-12 08:12:42 UTC

Colocamos un árbol grande en clas. Cada escolín y cada escolina va escolingar de les rames del árbol una fueya verde na que van escribir daqué que fadríen pa curiar el planeta.

A la gueta'l tesoru

Al_San_Ba — 2025-05-12 08:12:43 UTC

Vamos organizar una Gueta'l Tesoru empobinando al escolináu a qu'alcuentren material reciclable na clas o nel patiu. Depués discurriremos sobre qué podríamos facer colo qu'alcontraron.

Miniclase de Respiración del Planeta

Al_San_Ba — 2025-05-12 08:12:43 UTC

Con globos vamos enseñar la importancia del oxíxenu y cómo los árboles son una fuente d'oxíxenu pal planeta. Cada neñu y cada neña puede inflar globos, escribir nellos O2 y falar sobre cómo los árboles llimpien l'aire.

Pequeñes Aiciones,Grandes Cambeos

Al_San_Ba — 2025-05-12 08:12:43 UTC

Facemos un calandariu selmanal onde l'escolináu puede anotar cada día una acción ecolóxica pa curiar el planeta (apagar les lluces, aforrar agua, tirar los papeles al contenedor azul...) y puede falase en clase sobre lo importante que son eses pequeñes aiciones diaries.