Mikilvægt er að kynna fyrir nemendum til hvers er ætlast af þeim með því að láta þá hafa matsblað fyrirfram, ráðlegt er að gera þetta hvort sem nemendur filla út eyðublöðin sjálfir eða hvort að kennari muni sjá um það.  Á þessu matsblaði er hægt að skilgreina bæði þær kröfur sem eru gerðar á nemendur sem einstaklinga og sem hópinn í heild.

Vandamálið við að meta samvirkt nám er að samvinnan er stór hluti af matinu. Erfitt að meta hver gerir hvað. Svo getum við ekki verið víss um að allir hafi skilið það sem til var ætlast.  Notkun á matskvarða (rubics) er í raun bara ein af fjölmörgum leiðum sem getur nýst við námsmat á samvirku námi og það er hægt að útfæra námsmat með notkun ferilmappa (e. portfolio) og hugarkorta (e. concept maps).  Algengt er einnig að nýta munnleg skil þar sem nemendur vinna í hóp og skila svo verkefninu í formi kynningar ásamt einhverri tilbúinni afurð, hvort svo sem hún fer á vegg eða er á töluvformi eins og við gerum núna með þessu verkefni á padlet.

Þar sem flest allar hefðbundnar matsaðferðir hafa ákveðið gildi þá er hægt að nýta þær nánast allar þó að þær séu mis skilvirkar.  Til dæmis geta nemendur skrifað ritgerð þar sem þeir ígrunda samstarfið, eigin framtak og hópárangur við vinnu verkefnis eða tekið krossapróf í sama tilgangi.