Áhersla verður lögð á þrjá þætti tónmenntakennslunnar sem nýtast fjölbreyttum nemendahópum.

1. Rytmaþjálfun og hljóðkerfisvitund

   1. Tengsl rytma og hljóðkerfisvitundar hafa verið rannsökuð töluvert á þessari öld og sýnt fram á að nýta má tónlist og einkum þjálfun með rytma til að efla þær stöðvar heilans sem skynja málhljóð. Skoðaðar verða leiðir til þessa sem Ólafur hefur unnið með og þróað í sinni kennslu.

2. Sköpun með hjálp tækninnar.

   1. Tölvutækni hefur lækkað þröskuldinn inn í heim tónsköpunar fyrir börn og mörg tónlistarforrit sem eru bæði skemmtileg og aðgengileg fyrir unga tónlistariðkendur. Þegar eiginleikar tölvunnar eru útvíkkaðir inn í tónmenntastofuna með hóp af börnum gerast skemmtilegir hlutir þar sem nýjar leiðir til til sköpunar og skráningar verða til.

3. Samspil

   1. Tónlist er eins og fótbolti fyrir þau sem elska þá íþrótt. Það getur verið gaman að tala um hana, það er oft skemmtilegt að hlusta/horfa á hana en það er eiginlega alltaf skemmtilegt að spila því þar gerist galdurinn. Í samspili eru mörg hlutverk þar sem allir geta upplifað sig sem hluta af samhljómnum þrátt fyrir ólíka getu og hæfni.

Ólafur var tilnefndur til Íslensku menntaverðlaunanna 2023 fyrir framúrskarandi tónlistarkennslu, námsefnisgerð og þróunarstarf. Sjá umsögn um tilnefninguna hér.