"Það er gott að vera þar sem gleðin býr. Þar sem gerast sögur og ævintýr." Þetta er lykilatriði fyrir okkur í starfi okkar með börnunum. Þær Birte og Imma kynntu margar aðferðir til þess að miðla tónlist og sögum til barna og notuðu dæmi sem koma fram á vefsíðunum þeirra.

Ásta fjallaði um framkvæmd starfendarannsóknar og eflingu eigin fagmennsku í skapandi starfi í anda einkunnarorða leikskólans Stekkjaráss. Umræðan var byggð á M.Ed. verkefninu hennar.

Tæknikistan er með margvíslegum tæknibúnaði, forrituðum verkfærum og efniviði fyrir leikskólabörn til að vinna að nýsköpun í fagstarfinu. Sunneva sýndi hvernig hægt er að nota tæknibúnaðinn í skapandi starfi með öllum börnum leikskólans.
https://reykjavik.is/frettir/taeknikistur-til-fimm-leikskola
Hér fyrir neðan má nálgast umfjöllun um margt af þeim leikföngum sem í tæknikistunni eru. 

Guðrún helt erindi um textílvinnu með ungum börnum í leikskólanum Urðarhóli og sýndi áhugaverð sýnishorn af verkefnum. Nýlega var birt grein um starfið hennar Guðrúnar og má lesa hana hér fyrir neðan. Guðrún gaf út bókina Viltu koma og sauma árið 2016 og er hægt að nálgast hana hjá henni á fésbókarhópnum Viltu koma og sauma. 

Stýrði fjörugum umræðum um mikilvægi þess að hlusta á börnin, hugmyndir þeirra og að bera virðingu fyrir þeim. Steinunn ræddi efnið útfrá einkunnarorðum Stekkjaráss, sem eru "Hugmyndir barnsins eru verkefni dagsins".

Harpa sagði frá starfendarannsókn sem starfsmannahópurinn í leikskólanum vann að og hún skrifaði M.Ed. ritgerð sína um, en sagði einnig frá því sem starfsfólkið í Stekkjarási ætlar að gera á skólalóðinni skólaárið 2019-2020. Hverjar eru helstu áskoranir, hvað höfum við lært nú þegar og hvað getum við gert betur eða öðruvísi? Hér er krækja á ritgerð Hörpu. 

Inga fjallaði um það hvernig stærðfræði tengist eininga-

kubbunum. Inga ásamt leikskólakennurum í leikskólanum Álfasteini gáfu út blað þar sem fjallað er um notkun einingakubba með börnum. Álfasteinn hefur um árabil haft forystu um notkun kubbanna sem námsefni í leikskólum. 

Inga Jóna og Ólöf Helga sögðu frá skemmtilegu skapandi verkefni sem hefur þróast í leikskólanum Sunnuási. Börnin í leikskólanum útbúa sína eigin öskudagsbúninga fyrir öskudaginn. Allt starfsfólk leikskólans og foreldrar leggja sig fram um að verða við óskum barnanna. Öskudagar í Sunnuási eru sérlega skemmtilegir þar sem börnin skarta stolt eigin búningum. 

Ingibjörg kynnti Litlu menntabúðina sem er lifandi og persónulegt þekkingarsetur sem býður upp á starfsþróun fyrir fólk sem vill efla sig. Litla menntabúðin er staðsett í Reykholti, Borgarfirði – höfuðbóli íslenskrar menningar.

Sögulegt umhverfið og fjölbreytt náttúran eru til þess fallin að veita þátttakendum innblástur, sem og kyrrð og ró í hjarta en helsta markmið Litlu menntabúðarinnar er að þátttakendur snúi aftur, endurnærðir á líkama og sál.
Litla menntabúðin er starfrækt allt árið um kring og eru námskeiðin auglýst á vefnum, þar sem skráning fer jafnframt fram.
Einnig eru skipulögð námskeið fyrir hópa, með sérstökum óskum um efnistök og kennara.

Í menntabúðinni talaði Niki um frjálsan leik og áhættu leik, hún sagði frá starfi Forest School. Hún sýndi myndband af PlayPod sem er barnaefni, ílát með lausum hlutum á leiksvæði skólans sem börn fá aðgang að í hádeginu. Um myndbandið spunnust mjög góðar umræður.