Hasiera baten, ideia eta hitz gutxi baina garrantzitsu hauen konbinaketa eta erlazioak izango lirateke niretzat "gela eleanitzean esku-hartzea" nozioak erreflexatzen duena.

- Ikasleen egoera soziolinguistikoa kontuan izan eta horren araberako esku-hartzea planifikatu.

- Etorkinen ama hizkuntza ongi garatzen dela bermatu. Izan ere, bigarren hizkuntza bat ezin da modu egokian ikasi ama hizkuntza menperatzen ez denean.

- Elkarmenpekotasunaren teoriari jarraiki, hizkuntzen arteko transferentziari erreparatu, hizkuntzen tratamendu bateratuaren alde eginez.

- Testuinguru eleanitzetan, hizkuntza gutxituari bultzada eman, eta ahal den neurrian, irakaskuntza-hizkuntza izan dadin bermatu.

- Irakasleen esku-hartze estrategiak ikasleei laguntza linguistiko eraginkorra eskaintzera bideratu.

- Norabide bikoitzeko irakaskuntza-ikaskuntza sustatu.

- Eleaniztasunean, ahozko hizkuntzaren lanketa sistematikoa bultzatu.

- Esku-hartze eredu inklusiboaren bidea jarraitu.

Nereak aipatu bezala, ideia horien arteko lotura eta elkarreraginak aztertu beharko lirateke "esku-hartze eleanitza" kontzeptuaren definizio baterantz hurbiltzeko.

Gele eleanitzetan esku-hartze txukun bat egiteko asmoa izanda, ondorengo hauek

berrituak eta martxan izan behar ditugula iruditzen zait: Hizkuntz(en) Proiektua, 

Hizkuntz Normalkuntzarako Proiektua eta Urteko Plana, Hizkuntzen Tratamendu 

Bateratua, Proiektu Globala, Atzerritarren Harrera Plana, Curriculuma, Unitate 

(sekuentzia) Didaktikoak...

Irakasleontzako, prestakuntza eta koordinatzeko denbora, eta formazioa.

2. Irakasleen helburua ikasleak apurka-apurka 2H menperatzen joatea izango da. Helburu hau eskuratzeko Cummins-en (Coelho, 2005 :96) “Modelo de instrucción de andamiaje” datorkit burura. Irakaskuntza eredu honen bitartez, irakasleak hainbat estrategia erabiliko ditu ikasleak hizkuntza ikasi dezan, ikasgela arruntetik irten barik.

3. Estrategia anitzak ikusi ditugu masterrean zehar: irakaskuntza kooperatiboa sustatzea, hizkuntza ikaslearen mailara egokitzea eta elementu bisualekin hornitzea, material egokitua eskaintzea,  zeharkako feedback-a, etab.  

“Gela eleanitzaren esku-hartzea” nozioaren barnean, hainbat gauza aipatu ditzakegu:

- Garrantzitsua da haurren egoera soziolinguistikoa ezagutzea honetara moldatu ahal izateko eta hauentzat lagungarria den esku-hartzea hartu ahal izateko.

- Kontuan izan behar dugu L2aren barneraketa posiblea dela kalitatezko elkartruke komunikatiboetan parte hartzen, beraz, haurrei haien L2an hitz egiteko aukera eman behar zaie.

- Irakasle guztiek kontuan izan behar dute, nahiz eta bere materia ez izan, irakasle guztiak direla “hizkuntza irakasleak”.

- Garrantzitsua izango da ere, ikastetxean hizkuntza proiektu bat eraikitzea, non kontzientzia eta konpetentzia eleanitza eta kulturartekoa lantzen den.

- Kontuz ibili behar gara, eta nahiz eta eleaniztasuna sustatu, arreta handia ipini behar diegu hizkuntza gutxituei eta hauek bultzatzen eta indartzen saiatu behar gara.

- Kontuan izan behar dugu ere, hizkuntzen artean harremana dagoela, eta pertsona elebiduna edo eleanitza ez dela pertsona elebakarren batuketa. Cumminsek (1979) hizkuntzen elkarmenpekotasunaren teoriari buruz hitz egiten du, eta esaten du pertsona elebidunak bere konfigurazio linguistiko propioa duela, eta hizkuntza bi edo gehiago dituela aldi berean etengabeko elkarrekintzan.

Bestalde, besteok aipaturiko hainbat kontzeptu etorri zaizkit burura. Hala nola, hizkuntzak, komunikazioa, ahozkotasuna, testuingurua, prestakuntza, sistematizatzea, estratejiak, elkarmenpekotasuna,... Gainera beste hauetan ere pentsatu dut: eskubideak, identitatea, errekonozimendua, motibazioa, planifikazioa, funtzionaltasuna, aberastasuna, enpatia, partehartzea, laguntza eta ezagutza.

Irakasleak haurrak motibatu behar ditu aldamiajea egin hizkuntza menperatu dezan, ikaslearen abiapuntua kontuan hartu, mintzapraktika eta ahozko praktika jabetuak nahastuz.Bestalde ama hizkuntza sendo egoten ahalegindu behar du irakasleak, hori izango baita beste faktore batzuen artean bigarren hizkuntza arrakastaz barneratzeko giltza.

Ikastetxeak hizkuntza trataera bateratua izatea ere oso garrantzitsua izango da ikasleak transferentziak egin ditzan.