Maninindigan ako sa pamamagitan ng pakikiisa sa mga makataong adbokasiya, pagtanggi sa mga proyektong sumasakop sa lupa ng mga mahihirap, at pagbibigay-halaga sa karapatan ng bawat Pilipino sa likas na yaman bilang paggalang sa dangal at pagkatao ng ating lahi.

Patuloy kong pag-aaralan ang kasaysayan at mga umiiral na batas sa lupa upang magkaroon ng matibay na paninindigan, at upang sa tamang panahon ay makibahagi ako sa panawagang reporma at katarungan para sa mga tunay na nangangailangan ng lupa.

Bilang kabataan, naninindigan ako sa pamamagitan ng pagbabahagi ng makabuluhang impormasyon tungkol sa karapatan sa lupa at paglalantad ng mga isyung kinahaharap ng mga maralita at katutubong komunidad, dahil naniniwala akong ang kamalayan ay unang hakbang tungo sa pagkilos.