Bekkjarfundur. Á þessum bekkjarfundi verður rætt um: 

Hæfniviðmið: Borin kennsl á gildi, svo sem virðingu fyrir sjálfum sér og öðrum, umhyggju og sáttfýsi. Gert sér grein fyrir jafngildi sínu og annarra manna.  

Ritunarverkefni. Nemendur skrifa um réttindi og forréttindi. 

Nemendur fá að velja sér hvernig þeir útfæra þetta ritunarverkefni því hafa skal í huga að nemendahópurinn er fjölbreyttur.  Boðið verður upp á ýmsar mismunandi útfærslur eftir því hvað hentar hverjum og einum eins og til dæmis, sögubók, spjaldtölva og myndræn útfærsla allt eftir getu og áhuga nemenda.  

 

Leikur: Hópstyrkingarleikurinn Keðjuleikurinn, sjá hér neðst:

 

Hæfniviðmið: Áttað sig á að fólk býr við ólík fjölskylduform, hefur ólíkan bakgrunn og ber virðingu fyrir mismunandi lífsviðhorfum og lífsháttum. Geta sagt frá sjálfum sér með hliðsjón af búsetu, uppruna, fjölskyldu, siðum og venjum. Tekið þátt í samstarfi og samræðu í jafningjahópi. 

 

Föndur. Nemendur búa til Gosa brúðu úr endurvinnanlegu hráefni eins og t.d. morgunkornspökkum, klósettrúllum, efnisafgöngum,  lími, alls konar litum og málningu og öðru því sem þeim dettur í hug að nota. Höfuðið er búið til úr blöðru, dagblöðum og lími.  

Nemendur  fá A3 teiknipappír og ýmsar gerðir af litum. Síðan fá þeir textabrot úr bókinni sem þeir eiga að túlka á myndrænan hátt. Lögð er áhersla á að nemendur velji sér mismunandi liti til að vinna myndirnar sínar.  Myndirnar eru síðan hengdar upp á vegg ásamt textanum. Í lokin er bókin aftur lesin fyrir börnin og þá fá þau að sjá myndirnar eftir listamennina. 
 

Bekkjarfundur:   

Unnið að bekkjarsáttmála. Nemendur koma með hugmyndir af sáttmálanum og kennari skrifar allar hugmyndirnar upp á töflu, þær eru síðan sameinaðar í nokkrar málsgreinar sem verður að lokum bekkjarsáttmáli. 

Lögð er áhersla á að málgreinarnar í bekkjarsáttmálanum fjalli um það hvernig við viljum hafa skólaumhverfið okkar svo öllum líði vel. 

Nemendur  búa til sjálfsmyndir í fyrir fram ákveðinni stærð, þeir búa til augu og hár úr pappírs- og garnafgöngum. Bekkjarsáttmálinn er límdur á pappaspjald eða málaðan maskínupappír og sjálfsmyndirnar límdar kringum hann.  Bekkjarsáttmálinn er hengdur upp á vegg. 

Hæfniviðmið: Að nemendur geti sett sig í spor jafnaldra, taki þátt í samræðum og samstarfi í jafningjahóp, geti sett sér markmið og gert áætlanir við úrlausn verkefna, beri kennsl á gildi, svo sem virðingu fyrir sjálfum sér og öðrum, umhyggju og sáttfýsi. 

Umræður um það hvernig við ætlum að kynna barnasáttmálann fyrir foreldrum.  Börnin semja málsgreinar út frá sáttmálanum sem verða skrifaðar á skilti. Hér eru hugmyndir af setningum. 

Hæfniviðmið: Rætt um valin samfélagsleg og siðferðileg málefni. Áttað sig á gildi jafnréttis í daglegum samskiptum 

Tillögur sóttar af: 

Kynning á hópverkefnum, nemendur velja sér verkefni eftir því sem þeir vilja: Brúðuleikhús, dans, tónlist, sviðsmynd og skilti. Nemendur velja sér hóp með hjálp kennara. Kennari aðstoðar hópana eftir því sem þurfa þykir. Mikilvægt er að allir fái hlutverk eftir áhuga og styrkleika.  

 Nemendur vinna í hópunum og æfa brúðuleikritið um Gosa með sviðsmynd, tónlist og dansi.  Tónlistarhópur æfir sig á ásláttarhljóðfærin. Danshópur æfir spor til túlkunar á líðan strengjabrúðanna í sirkusnum. Tónlistar og danshópur vinna saman og kennari aðstoðar. Sviðsmyndahópur stjórnar uppsetningu og færir til eftir þörfum. Brúðuleikhús um Gosa. Sagan er sögð í stuttu máli af sögumanni og  nemendur leika með brúðum. Í lokin er dans um sirkus atriðið þar sem danshópur dansar brúðudans og túlkar líðan strengjabrúðanna, tónlistarhópur sér um undirspil. Nemendur detta niður í lokin og ná í skilti á gólfinu sem þeir hafa útbúið. Nemendahópurinn raðar sér upp og les upphátt af skiltunum sínum, ýmist einn og einn, pör saman eða allir hópurinn. 

Hæfniviðmið: Unnið eftir fyrirmælum og borin ábyrgð á eigin verkefnum og vinnubrögðum þegar við á. Unnið eftir einföldu ferli frá hugmynd til afurðar. Tjáð sig á einfaldan hátt um viðfangsefni sitt. Gengið frá eftir vinnu sína. 

Foreldrar koma með veitingar á sameiginlegt hlaðborð. 

Tillaga að dagskrá: 

 

Hæfniviðmið: Tekið virkan þátt í leikrænu ferli í hópi og sýnt skólasystkinum tillitssemi. Notað einfalda leikmuni og sviðsbúnað til að styðja við sköpun sína. Beitt einföldu formi leiklistar. 

 

Samverustund þar sem horft verður á Disney myndina um Gosa.