-Noong 700BC, may dalawang estado sa Korea. Ito ay ang kaharian ng Joseon sa hilaga, at isang pagsasama-samang mga estado ng lungsod na ang tawag ay Jin sa timog. Sa Silangan ng Korea ay ang estado ng Buyeo (modern-day Manchuria). Makikita na malaki na ang impluwensya ng Tsina sa Korea sa panahong ito. Noong 108BC, sa pangunguna ni Emperor Wu ng Han, ay winasak ang kaharian ng Joseon na nagresulta ng pagkahati nito sa maraming maliliit na estado. Sa kalaunan, napaalis ang mga tropa ng Tsina sa hilaga ng bagong-tatag na kaharian ng Goguryeo. Sa timog ay may nabubuong isang natatanging pagkakakilanlan sa paraan ng Han. Ito ay ang pagsama-sama (confederacy) ng Jinhan, Mahan at Byeonhan. At tulad ng madalas na nangyayari sa mga confederacies, isang estado ang palaging bumabangon upang makontrol ang iba. At sa kasong ito ay ang Baekje at Silla. Kasama ng Goguryeo, silang tatlo ang bumbuo ng napakatanyag na Three Kingdoms Period sa Korea. Dahil sa laki ng lupain at strategic na mga bulubundukin, mga magagaling na mandirigma at makapangyarihan sandata, ang Goguryeo ang pinakamalakas sa tatlo. Ang Baekje ang may pinakamayabong na populasyon sa tatlo at may hukbong-dagat na napakalaki at napakalakas sa may kanlurang baybayin. Ang Silla naman ang kaharian sa silangang baybayin, ang pinakamahina sa tatlo. Ngunit nang mabigo ang Tsina sa pagsakop sa Goguryeo, ang dinastiyang Tang ay nakipag-alyansa sa Silla at natalo nila ang kaharian ng Goguryeo. Bumalik ang impluwensya ng Tsina sa Korea habang sa unang pagkakataon sa kasaysayan, ang Silla ay nagawang masakop ang buong Korea. Brutal ang paghahari ng Tsina na makikita sa tawag sa lider ng tropa nito sa hilaga na tinaguriang Protectorate General To Pacify The North. Bumagsak ang Silla dahil sa sistemang bone-rank kung saan ang isang miyembro lamang ng sacred bone ang maaaring maging hari at sa ang iyong ranggo sa ilalim ang tumutukoy sa iyong katayuan sa loob ng lipunan at karaniwan itong na-dedemote sa ranggo ngunit hindi kailanman umaangat. Bumalik ang Goryeo bilang pinakamakapangyarihan at nasakop muli ang kabuuan ng Korea sa ilalim ni Haring Taejodae. Isinasaalang-alang ang panahon na ito bilang intellectual at cultural golden age ng Korea.Ngunit dahil sa kaunlaran ng kahariang ito, naging kaakit-akit ito para sakupin ng mga Mongols. Nagbunga ito ng pagkabuhay ng mga Righteous Armies, na nakipaglaban sa pamamagitan ng guerilla warfare at maliliit na rebelyon. Ito ay nagbigay daan para sa isang tanyag ng heneral na si Yi Seong-gye na matalo ang Goryeo, at sakupin ang buong Korea. Tinawag na Joseon ang kahariang ito na siyang may pinakamahabang pamumuno at culturally enduring, na tumagal ng limang siglo.

2 - Anu-ano ang mga pangyayaring may kinalaman sa pagpasok at pananakop ng Hapon sa Korea? Anu-ano ang mga naging resulta ng Imperyalismong Hapones sa Korea?
-Tinulungan ng dinastiyang Ming ang kahariang Joseon (Korea) para hindi masakop ng Hapon noong mga unang pagtangka nito. Ang mga Manchu ay nagsagawa ng pagsalakay sa dinastiyang Ming at napilitang sumuporta ang kaharian Joseon dahil sa tulong na natanggap nila noong inatake sila ng mga Hapon. Matagumpay na napalayo ng Joseon ang mga pagsalakay ng Pranses noong 1866, at ng mga Amerikano noong 1871, sa tulong na rin ng Tsina. At dahil sa maraming away na kinalalahukan ay humina na ang puwersa ng Tsina. Samantalang ang Hapon ay natuto mula sa kasaysayan ng Tsina na ang tanging paraan lamang upang hindi masakop ay kung mapalawak ang sphere of influence ng kanilang bansa. Pinaglabanan ng Tsina at Hapon sa lupa ng Korea, para sa sphere of influence ng huli, at nanalo ang Hapon isina-ilalim sa proteksyon ng Hapon ang Korea. Dahil sa kalupitan ng paghawak ng Hapon sa Korea, ay sumulpot na naman ang mga righteous armies na nagrebelde laban sa mga Hapon. Ito ay dahil sa malubhang kalupitan ng mga ginawa ng mga Hapon sa mga mamamayan ng Korea, kabilang dito ay ang pagbawal sa  paggamit ng kanilang wika at pagsupil sa kanilang kultura. Ang mga kababaihan ay pinilit maging 'sex slaves', para sa mga sundalong Hapon. Tinagurian silang mga 'comfort women', na hanggang ngayon ay hindi nababanggit sa lipunan ng Korea at Japan dahil sa trauma na dala nito. Libo-libong mga Koreano ay conscripted bilang mga sundalo sa natatalong digmaan laban sa Allies. Milyun-milyon ang sapilitang nilipat sa Japan upang magtrabaho sa kakila-kilabot na mga kondisyon upang suportahan ang pagsisikap sa giyera (war efforts). Mahigit sa kalahating milyon ang tinantyang namatay sa hidwaang ito.

-Ang mga anti-Japanese rally ay naganap sa buong bansa, higit na kapansin-pansin ang Kilusang ika-1 ng Marso 1919 (March 1st Movement). Isang deklarasyon ng kalayaan (declaration of independence) ang binasa sa Seoul. Tinatayang 2 milyong katao ang nakilahok sa mga rally na ito. Marahas na pinigilan ng Hapon ang mga protesta. Humigit-kumulang 7,000 katao ang pinatay ng pulisya at sundalo ng Hapon sa loob ng 12 buwan ng mga demonstrasyon. Ipinakita ang nasyonalismo sa ispesipikong ginawang ito ng mga Koreano dahil sa kabila ng banta sa kanilang buhay ay nagpatuloy pa rin sila sa kanilang minimithing kasarinlan at layunin na maging malaya at mapanatili ang kanilang kultura at pambansang pagkakakilanlan. Matapos makamtan ang kalayaan ng bansang Korea ay nahati ito sa dalawang parte (North at South Korea) dahil na rin sa interes ng dalawang makapangyarihang bansa na mapalawak ang kanilang sphere of influence --- ito ay ang Estados Unidos at ang Uniong Sobyet (Soviet Union). Nagkaroon ng digmaan dito kung saan sinuportahan ang Timog Korea ng USA at ang Hilagang Korea naman ay sinuportahan ng Tsina na ka-alyado ng Russia. Ito ay natigil lamang noong nagkaroon ng kasunduan na magtigil putukan at maglagay ng Korean Demilitarized Zone, upang maglingkod bilang isang buffer zone sa pagitan ng Hilagang Korea at Timog Korea. Ang demilitarized zone (DMZ) ay isang hadlang sa hangganan na hinahati sa kalahati ng Korean Peninsula. Kakaiba ang nasyonalismo ng Korea dahil matapos makamtan ang kalayaan ay na-impluwensyahan ito ng dalawang makapangyarihang bansa na gusto palawakin ang kanilang sphere of influence, at sa halip na magkaisa at magsama-sama para maitaguyod ang bansa ay nagkaroon ng digmaang sibil na suportado ang magkabilang panig ng dalawang makapangyarihang bansa.