Vettvangsferð by Sólrún

Bláa lónið

solrunlilja07 — 2025-04-29 13:23:02 UTC

Við keyrðum framhjá Bláa lóninu þar sem jarðfræðingurinn sagði okkur, að í rauninni hafi Bláa lónið verið náttúruslys. Það varð til vegna starfsemi Hitaveitu Suðurnesja í Svartsengi

Sundhnúkahraun

solrunlilja07 — 2025-04-29 13:30:00 UTC

Við keyrðum framhjá sundhnúksgígaröðinni, sem liggur á gosbelti. Þar sáum við gíg og hraun frá síðustu gosum. Einnig sást til sprungusveima.

Gosbelti er svæði á jörðinni þar sem eldgos og jarðskjálftar eru algengir vegna hreyfinga jarðskorpunnar.

Gígur er holur dalur sem myndast við eldgos eða árekstur.

Hraun er storknuð kvika sem rennur úr eldgosi.

Sprungusveimur er svæði þar sem margar sprungur myndast í jarðskorpunni, oft vegna hreyfinga flekanna.

Svartsengi

solrunlilja07 — 2025-04-29 13:32:02 UTC

Við keyrðum framhjá Svartsengi þar sem nýjasta hraunið var. En virkjunin er sú eina í heiminum sem framleiðir bæði heitt vatn og rafmagn.

Grindavík

solrunlilja07 — 2025-04-29 13:36:07 UTC

Við stoppuðum í Grindavík þar sem við sáum sprungur sem höfðu opnast í síðustu gosum. Við keyrðum niður í sigdal og keyrðum upp brekku sem hafði aldrei verið í Grindavík. Við tókum smá rúnt og sáum hvað jarðskjálftarnir gerðu við bæinn.

Sprungur eru rifur eða glufur í jarðskorpunni sem myndast við hreyfingar í bergi.

Sigdalur er dalur sem myndast þegar land milli tveggja sprungna sígur niður.

Reykjanestá

solrunlilja07 — 2025-04-29 13:54:36 UTC

Við stoppuðum og löbbuðum fram að klettunum á Reykjanestánni. Þar var okkur sagt að við værum í miðjum sigdal. Þar alls staðar í kring voru dyngjur og hnúkar úr móbergi. Úti í sjónum var Eldey og kletturinn Karl. Þar var einnig Valhnúkur en að undanförnu hafa jarðskjálftar valdið því að bergið úr hnúknum hefur verið að detta úr.

Dyngjur eru breið fjöll sem myndast úr þunnfljótandi hrauni.

Hnúkar eru háir og brattir klettar eða fjallatindar.

Móberg er mjúkt, brúnleitt berg sem myndast úr ösku og gjósku í vatns- eða jökulgosum.

Brú Milli Heimsálfa

solrunlilja07 — 2025-04-30 17:22:22 UTC

Síðasta stoppið okkar var Brúin milli heimsálfanna en þar lærðum við að þetta er í raun ekki brú milli heimsálfa heldur er þetta brú milli tveggja fleka: Norður- Ameríku flekanum og Evrasíuflekanum.

Flekar eru stórar plötur úr jarðskorpunni sem fljóta á deighvelinu og hreyfast á yfirborði jarðar.

Gunnuhver

solrunlilja07 — 2025-04-30 17:29:22 UTC

Við kíktum á Gunnuhver þar sem við lásum söguna um Gunnu og skoðuðum hverinn. Hverinn er á háhitasvæði og varð til vegna sambland vatns og jarðhita.

Háhitasvæði eru svæði þar sem jarðhiti er mjög mikill, oft með miklum hverum og heitum vatnsuppsprettum.

Hver er náttúruleg uppspretta heits vatns eða gufu sem kemur upp úr jörðinni.

Jarðhiti er orka sem losnar úr jörðinni í formi hita, oftast úr heitum vatns- eða gufuuppsprettum.