https://padlet.com/rogste/p2dh6azufihxyl3o Hallo Balkan-Abenteuer en-us 2022-03-30 09:56:13 UTC 2026-02-16 17:52:48 UTC hello@padlet.com https://padlet.net/icons/png/1f1e6-1f1f1.png rogste https://padlet.com/rogste/p2dh6azufihxyl3o/wish/2555744377 Uf u drvo]]> 2023-04-16 12:31:25 UTC https://padlet.com/rogste/p2dh6azufihxyl3o/wish/2555744377 https://padlet.com/rogste/p2dh6azufihxyl3o/wish/2572010539 Und erschti Etappä gschafft, mir sy im motel^^]]> 2023-04-28 16:22:57 UTC https://padlet.com/rogste/p2dh6azufihxyl3o/wish/2572010539 rogste https://padlet.com/rogste/p2dh6azufihxyl3o/wish/2572607421 Ab auf die Fähre, Ancona isch äs ässä definitiv wärt]]> 2023-04-29 16:22:26 UTC https://padlet.com/rogste/p2dh6azufihxyl3o/wish/2572607421 rogste https://padlet.com/rogste/p2dh6azufihxyl3o/wish/2573072247 Auso zum Thema Fährä: Nachdäm mir unglöibig 2.5stung lang hei zuägluägt wi unzählägi laschtwägä i d'Fähri nach Igoumenitsa sy igladä worde (für doutos isches de no 20min. gangä), sy mir rund 1 Stung verspätet igschiffet u denn aber ab die post! Dfähri säuber isch spitze gsy, nur di rund 5 Schuuklassä wo dmaturität druf gfiirät hei :) ds böhndli het ämu nüm usem schiff wöuä (auso nüm us dr Garage vom Schiff)! Versteh einer dieses Kind!]]> 2023-04-30 18:39:40 UTC https://padlet.com/rogste/p2dh6azufihxyl3o/wish/2573072247 rogste https://padlet.com/rogste/p2dh6azufihxyl3o/wish/2573077681 Eis muäss mä vorus sägä: Dr wäg isch ja bekanntlich ds ziu! Vo Igoumenitsa nach Ksamil isches eifach atemberoubend schön! Färnab vo auäm isch die Landschaft eifach nur zum stunä! Aber äbä ds Ziu isch u blibt Albaniä, wo mir nachämä chly mürrischä check ar gränzä de glych hei chönnä passierä! Äs geyt ehrlich gseyt ni lang u dr Balkan-Beat het eim packt! Dr erscht idruck isch eifach so wimäsächs vorsteut aber glych genau ds gägäteil. Zwar Kamikaze-Houzfährä aber überau Tempo 30, zwar 5stärn Hotel, aber kei teerti Strass, zwar immer äs lächlä, aber öbmäsäch würkläch versteyt? Ds böhndli isch üs da wit vorus: Yara+Spiuplatz=6Fründinnä! Mir hey zwar keis Wort verstangä aber dass d'Mela und ihri gspändli ds Härz am rächtä Fläck hei, isch ougäschinläch gsy!]]> 2023-04-30 18:53:35 UTC https://padlet.com/rogste/p2dh6azufihxyl3o/wish/2573077681 rogste https://padlet.com/rogste/p2dh6azufihxyl3o/wish/2574076253 Hüt isch Strand agseyt gsy! Mir sy richtig Sarande und denn überne chlynä Bärg diräkt zum Strand gfahrä (Lucertola isch äs füächts Nasäwasser gägä di unbefeschtigti und komplett usgwäschni Strass gsy)! U da ischer ou scho gstangä, dr erscht Bunker syt mir in Albaniä sy. (Hurti zur Gschicht: Us paranoider Angscht het dr Diktator Enver Hoxha über 200'000 Bunker überau im Land bout, zum Glück hetmä sä ni fürä eigentlich Zwäck brucht, sondern äbä auternativ aus Grill wi obä!). Di chlyni hei mir fasch nümme usem Wasser bracht, sie isch auso hert im näh u ou dr pappi isch uf d'Rächnig cho (d'Ungerwasserwäut isch zum Abtouchä)! :) Was scho nach 2 Tag dütläch wird, d'Lüt hiä stöh ihrem Ruäf nach härzlächä Gastgäber aber so i gar nütem nah!]]> 2023-05-01 18:25:57 UTC https://padlet.com/rogste/p2dh6azufihxyl3o/wish/2574076253 rogste https://padlet.com/rogste/p2dh6azufihxyl3o/wish/2575598022 Hüt ischs ab is Unesco-Weltkulturerbe gangä, rund 75 Minutä vo Ksamil wäg. Mir sy los düsät dür di schiär unbewohnti Landschaft, hey aber wi hiä üblich viu Schäfer und Chuäbsitzer troffä, wo immer mau einisch d'Strass blockiärt hey. Gjirokaster isch ufä erscht Blick itz ni grad dä Ougäfang aber wemä de mau im Kärn isch, weiss mä de warum d'UNESCO das Städli uszeichnet het. Malerischi Gässli, hiä mau es Minarett, denn wider ä Chilä u mitts drin darf "d'hang over cocktailbar" natürlich ni fählä. Träffender chönntmä dr Balkan-Groove ni beschribä! Dr männläch Teil vo däm Reisetrio het denn beschlossä zur Ali Pasha-Brügg (spannendi Persönlichkeit, lohnt sich mau zum googlä) ds loufä, es isch steil bärguf und sägämirs mau so, geissli wos überau het sy ni di einzigä wo gmeckeret hey!:) Es het sich aber sehr glohnt, meint ämu der Herr im Bunde! Dr Nami het denn öbbis ganz typisch albanisches beinhautet, mir hey üsäs outo lah wäschä und Dir ahnets, mir hey mau gseh, wimä äs outo richtig cha wäschä! Für di umgrechnet CHF 5 isch während 20 Minute puri Hand a üsä landy gleyt worde! Är het gstrahlet winä Rägäbogä u mir sy chly baff drvo gfahrä, leider zu schnäu scho wider i di nächschti glunggä.]]> 2023-05-02 18:11:55 UTC https://padlet.com/rogste/p2dh6azufihxyl3o/wish/2575598022 rogste https://padlet.com/rogste/p2dh6azufihxyl3o/wish/2577228450 Dr Nationalpark und erneut es UNESCO-Weltkulturerbe hey mir scho gseh
, Wo mir vo Südä här nach Ksamil gfahrä sy, denn no hoffnigslos mit Touris überfüut! Hüt absolut easy und d'Touri-Masse völlig okay! Isch ä Bsuäch meh aus wärt, ou wenn ds Böhndli ni jede Tag äs Konzärt im Amphitheater gyt:)

A derä steu chlyni Anekdote: Ds Parkiere in Butrint het üs mau wider öbbis über Klischees glehrt. Roger parkt dr Landy ufemene risige praktisch läärä Fäud neben einen Deutschen Camper, da chunnt ä korpuläntä Herr i Uniform und erklärt am hiä schrybändä mit Häng und Füäss, dass är söu angers ineparkiere! Dr Verfasser chegget gar nüt meh, (LANDY UF LÄÄRS FÄUD, WAS HANI FAUSCH GMACHT?) fougt aber brav dä awisigä, ou wenn dr Herr in Uniform fasch ä Närväzämäbruch het, ob am Roger synä fahrkünscht! Spannend wirds aber ersch aus üsi Nachbarä usem Nordä sich ischautä und ar Jenny erklärä: "dass sei wieder typisch hier, der Mann müsse einfach seine Autorität ausleben!" Jenny het ni mögä zuälosä und dr Herr us DE het de ufä autoritär Mah igredt. Das dä genau het gwüsst waser da macht het sich de 2h später zeigt. PP vou und Landy het sidefiin chönnä usäfahrä! Yg ha däm Herr de wöuä äs chlysäs Trinkgäud gäh, was disä mit auer vehemenz abglehnt het! Soviu zu typisch Autorität in Albaniä!

Dr Nami hey mir amänä witärä Troumstrand und in Sarandë verbracht, wo mir zerscht mau chly hey chönnä shoppä, YES!]]> 2023-05-03 19:25:11 UTC https://padlet.com/rogste/p2dh6azufihxyl3o/wish/2577228450 rogste https://padlet.com/rogste/p2dh6azufihxyl3o/wish/2577230475 Sonä Troumstrand mit Katze-WC-Sand]]> 2023-05-03 19:27:12 UTC https://padlet.com/rogste/p2dh6azufihxyl3o/wish/2577230475 rogste https://padlet.com/rogste/p2dh6azufihxyl3o/wish/2577234647 Hiä no öbbis fürs Geographähärz: Ir Geographie und Soziologie gyts ds Konzept vo so genanntä Angstrüm, auso Rüm wo dür ihri physischi usgstautig vo bestimmte Personägruppä viufach gmidä wärdä! Das öffentlichä WC wär us mirä Sicht es sehr träffänds Bispiu für sonä Angschrum:)]]> 2023-05-03 19:31:29 UTC https://padlet.com/rogste/p2dh6azufihxyl3o/wish/2577234647 rogste https://padlet.com/rogste/p2dh6azufihxyl3o/wish/2577243178 2023-05-03 19:39:54 UTC https://padlet.com/rogste/p2dh6azufihxyl3o/wish/2577243178 rogste https://padlet.com/rogste/p2dh6azufihxyl3o/wish/2578702323 Hüt machämirs churz, Rege u Gwitter drum Planänderig: heisst chillä, shoppä in Sarandë, bädälä und sandälä und Spiuplatz in Ksamil. Krönt wird das Ganzä miteme exzellentä Znacht diräkt am Meer mit Blick ufä Sunnäungergang.]]> 2023-05-04 18:39:06 UTC https://padlet.com/rogste/p2dh6azufihxyl3o/wish/2578702323 rogste https://padlet.com/rogste/p2dh6azufihxyl3o/wish/2579911018 Ändlich het ds Sünnäli ou dr Weg uf Südalbaniä gfungä, mir hey ä prachtstag gha und sy richtig Syri i Kaltër gfahrä, Syri wiänomeh wärdät Dir itz dänkä?!? Aber es handlät sich umänä spektakulärä wi mystische Ort zmitts idä südalbanischä Bärgä. Spektakulär, ja luäget mau ds Biud ah. Mystisch wüumä zwar weiss, dass sichs umänä Karstwasserqueuä handlät (für ni Geographe/Geologinnä: äs extrem porösäs u drum durchlässigs Gstei), wohär das Wasser chunnt weismä aber ni. Internationali Touchteams hei scho probiert abädstouchä aber ohni Erfoug. Zur Mystik het sicher ou dr Herr Hoxha bitreit, wärhend dr ganze Diktatur hey nur Lüt us dr Parteielitä dä Ort dörfä beträtä. Insgsamt isch aber dr ganz Ort ä Ougäweid, zmitts imänä Art Rägäwaud mit aber tusigä vo Schmätterlingä und Libellä, Dir merket, mir sy immer no chly gflasht (u es het nüt mit Raki ds tüä)!]]> 2023-05-05 18:55:20 UTC https://padlet.com/rogste/p2dh6azufihxyl3o/wish/2579911018 rogste https://padlet.com/rogste/p2dh6azufihxyl3o/wish/2579918106 Ä so genanntä Schaf-Stou! Di iheimischä fahrä eifach dürä, dSchwizer fougä us Angscht dä liäbä Tiärli während 15 Minute. Mi hets dä Schäfer buächspäblich usem Gsicht chönnä läsä: "die Spinnen, die Schweizer).]]> 2023-05-05 19:04:04 UTC https://padlet.com/rogste/p2dh6azufihxyl3o/wish/2579918106 rogste https://padlet.com/rogste/p2dh6azufihxyl3o/wish/2580490816 Mir chönntä hüt äs biud vomenä witärä troumstrand zeigä oder vom phänomenalä ässä hiä, vor verzwiflätä Suäch nacheme Bancomat oder äm Campingplatzbsizer (drzuä de no ä Anekdotä). Mir chönntä ou d'Familiä Erjon zeigä, wo üs ä Nacht i ihrem Hus spändiert het (drum sy mir no ds Ksamil). Aber ds Böhndli fasst dä Tag wunderbar zämä, mir sy tiäfäentspannt. Feriä haut!

Anekdote vom Campingplatz näbä dran: Fahrt dr Fribourger Landy zum Feriähus, steyt wider mau mitts uf dr Strass ä Camper (by the way äs hät wunderbar Platz zum icheggä näbä dran). Dr Mah im Fribourger Outo recht entspannt, d'Frou am usrüäfä. Vom Bsitzer vom Camper keine Spur. Chunnt dr Campingbsitzer, entschuudigät sich immer wider u meint: "Es tut mir so leid, wirklich, immer diese Leute aus dem Westen, ich verstehe die einfach nicht." Dr Mah luägt mi ah und meint: "Und Sie sind aus der Schweiz oder?" Beide können ihr Lachen nicht zurückhalten und erfreuen sich an der unschlagbaren Situationskomik.]]> 2023-05-06 18:50:13 UTC https://padlet.com/rogste/p2dh6azufihxyl3o/wish/2580490816 rogste https://padlet.com/rogste/p2dh6azufihxyl3o/wish/2581010805 Hüt hey mir üs doch überraschend schwären Härzäns vo Ksamil verabschidet u sy richtig Nordä gfahrä. Erschts Ziäu isch Borsh gsy mit sym kilometerlängä Sandstrand, praktisch mönschäläär. U de trifft mä zwö us Flamatt wo grad uf sorä Art wäutreis sy, är Albaner sie Italiänärin, yg gloubä di heisech richtig gfröit mau wider chönnä schwizerdütsch ds rede, richtigä nättä Schwatz gsy! Mir sy denn witer gfahrä mitem Ziäu Himarë respektive Jalë. Uf äm wäg isch ei Strand schönär u no mönschäläärer gsy aus dr anger. Porto Palermo isch troumhaft ou wes ä spezieuä touch het aus ehemaligi Basis vo Uboot fürä albanisch Diktator Hoxha. Himarë het üs ufe erscht Blick ni grad umghouä aber mir sy hiä wortwörtlich am Strand gstrandet mitärä Reifepanne, wi lang das geyt, keine Ahnung, Verständigung praktisch nur mit Handzeichä, Änglisch isch hiä so wit weg wi Mandarin. Nachämä usgedehnte Ufenthaut am gstrandete Strand umänä Spaziergang dürä Ort, isch Himarë definitiv kei schlechte Ort zum ds Outo flickä, affaire à suivre;)]]> 2023-05-07 18:37:14 UTC https://padlet.com/rogste/p2dh6azufihxyl3o/wish/2581010805 rogste https://padlet.com/rogste/p2dh6azufihxyl3o/wish/2582506940 Tag 2 im ar Grenze zwüschäm ionischä und adriatische Meer glägnä Himarë. Angers aus planet, chunnt üsä Pneu ersch morn, mir hey natürlich äs Speziaumass (u am Sunnti hey Liferdienschte ou in Albaniä zuä). Aber es schint aus sy Grund ds ha, je lenger mir in Himarë sy, umso  besser gfauts üs! Ds ässä isch phänomenau, dLüt sy härzläch und ds Meer es tröimli in blau, türkis oder grüän! U unger Wasser isch es no schönär, Küstä faut hiä steil ab, chauts Wasser chunnt ufe und entsprechend wimmlets vo Fische etc. Churz gseyt es stimmt abgseh vom Pneu eigentlich aus, mi muässäs nur zuälah (real magic haut, oder so🤪).]]> 2023-05-08 18:20:20 UTC https://padlet.com/rogste/p2dh6azufihxyl3o/wish/2582506940 rogste https://padlet.com/rogste/p2dh6azufihxyl3o/wish/2584229441 Jenny het hüt imänä philosophischä Gspräch gmeint: "yg gloubä, reise in Albaniä isch wi wo üsi Euterä greist sy, irgendwiä überau no chly äs Abentür". Yg gloubä däm isch nüt adsfüägä! Mir hey hüt üsi albanischi Gaschtfamiliä verlah und sy i Richtig Vlorë ufbrochä! Mir hey üs sehr uf Jalë und Dhërmi gfröit, sy aber chly enttüscht gsy. D'Stränd sehr idrücklich aber d'Örtli us üsärä Sicht weniger charmant aus Himarë. Eis vo dä Highlights hüt isch dr Llogara-Pass gsy wo Grenze zwüschä Adria und ionischem Meer biudät. Dä Pass het scho dr Cäsar agäbläch höchscht persönlich bestigä, woner sy Rival dr Pompeius verfougt het. Chly qemütig hey di zwöi Frouä richtig Südä gluägt, ja Südalbaniä isch jederzyt wider ä Bsuäch wärt, äs veritabus Schmuckstück! Obä ufäm Gipfu hey mir ä Bärner troffä wo mitem Velo Europa grad umrundet, Sache gyts! Mir hey de mitem Herr fasch ä haub Stung plöiderlät bis üs ä angärä Herr us Dütschland ungerbrochä het. Us sym ganzä gliir hey dr Velofahrer und yg nur usegnoh, das mä söu machä, ni immer nur wöuä, wie wahr wie wahr! Bim Pass hinger abä richtig Vlorë het üs fasch chly dr Schlag troffä, es isch ni nur neblig gsy, sondern ou landschaftlich ä krassä Kontrast (qo ay au di wiudä Oliväböimli härä?!?). Jenny het ämu grad wider wöuä cherä. Je witer i Richtig Vlorë, desto schönär ischs wordä. Itz sy mir uf Mittu- und Nordalbaniä meh aus gspannt, es wartet bekanntlich ja überau es Abentür.]]> 2023-05-09 18:07:48 UTC https://padlet.com/rogste/p2dh6azufihxyl3o/wish/2584229441 rogste https://padlet.com/rogste/p2dh6azufihxyl3o/wish/2584243432 Dr Usblick vom Hotelzimmer uf d'Adria (ungerwasser dr Hit!!!) und rechts d'Sazan inslä. D'Sowjetunion het if dere Inslä ä U-Boot-Station gha und chemischi Waffä hergsteut. Hüt ischs gmeinsams Militärsperrgebiät vo Italiä und Albaniä zur Bekämpfig vom Drogeschmuggu i beidnä Länder. Im Summer chamä ä chlynä Teil vor Inslä aber ou bsuächä!]]> 2023-05-09 18:19:12 UTC https://padlet.com/rogste/p2dh6azufihxyl3o/wish/2584243432 rogste https://padlet.com/rogste/p2dh6azufihxyl3o/wish/2585946752 Zwar hey di meischte gseyt, dass Vlorë (auso usgsprochä Vlora) kei Stopp wärt isch, däm müässä mir aber vehement widersprächä. Nachdäm mä sich im Verkehrschaos het zrächgfundä, biätät ds Innestedtli aber ou Promenadä am Meer doch Mittumeerfeeling, aber uf albanischi Art!]]> 2023-05-10 18:31:40 UTC https://padlet.com/rogste/p2dh6azufihxyl3o/wish/2585946752 rogste https://padlet.com/rogste/p2dh6azufihxyl3o/wish/2585954745 Villicht ni grad mit Butrint ds verglichä aber d'Umgäbig vo dere Stättä sanft ufeme Hügu glägä isch eifach Top. Ou dass dr Cäsar hiä sy Sohn ar Uni het lah usbiudä isch doch spürbar, Boutä löh jedefaus erahnä weli bedütig Apolonia mau gha het! Mir hey nur schwein gha isch ds Böhndli ni ufnä grossi Schlangä gstangä, nachem erschte Schock (nur dr Pappi), isch sy munter witer gsprungä!]]> 2023-05-10 18:38:40 UTC https://padlet.com/rogste/p2dh6azufihxyl3o/wish/2585954745 rogste https://padlet.com/rogste/p2dh6azufihxyl3o/wish/2585959060 Mir sy müäd aber glückläch ds Berat acho]]> 2023-05-10 18:42:26 UTC https://padlet.com/rogste/p2dh6azufihxyl3o/wish/2585959060 rogste https://padlet.com/rogste/p2dh6azufihxyl3o/wish/2587660241 Nachärä heissä Nacht, ja ds Hotel het bi Ussätemperatur 21 Grad uf rund 25 gheizt gha, sy mir hüt Berat gah aluägä. Wobi mir chömä amigs fasch ni drzuä, ständig quatscht üs öbber ah, mir sy üs das ja gwöhnt vo iheimischä aber ds Albaniä chömä ou Touris uf üs zuä u verzeuä üs de grad ihres Läbä. Geschter es pensionierts Paar us DE, hüt es kosovarisches Paar wo ds AT wohnt. Anyway back to Berat. Ou Berat isch Welt-Kulturerbe. Die Stadt der tausend Fenster sowie ds schneebwdeckte Tomorri-Gebirge hinger dran sy ä Bsuäch wärt aber eigentlich meh wägä dä Lüt, so hiufsbereit u fründlich (Bar 92 oder ds obe gnannte reschti), da schnidä mir üs für däheimä ä ganz grossi Schibä ab! ]]> 2023-05-11 18:51:43 UTC https://padlet.com/rogste/p2dh6azufihxyl3o/wish/2587660241 rogste https://padlet.com/rogste/p2dh6azufihxyl3o/wish/2587665898 2023-05-11 18:55:51 UTC https://padlet.com/rogste/p2dh6azufihxyl3o/wish/2587665898 rogste https://padlet.com/rogste/p2dh6azufihxyl3o/wish/2587681793 Da Berat sägä mir mau aus gouristische Banausen, was mir zwifusfrei sy, amänä Tag besichtiget isch hey mir üs nachämä verrägnätä Ufenthaut ufem lokale Spiupi (nei, mir sy ni di Einzigä gsy) kurzum entschlossä glych a Ohrid-See ds fahrä. D'Strecki isch einisch meh zum Träume gsy. Mir sy zersch dür Ölfäuder (ja mit Ölpumpänä) denn diversene Seenä entlang uf Elbasan und denn übere nach Lin dür Schneebedeckti Bärgä, ä lääääääääängä Canyon (Lumi Shkumbin) u nomau übere Pass, bis mir dä rund 34km läng und 15km breit See erreicht hei. Für Fründä vo WOW-Erläbnis: Dr Ohrid-See isch eine vo dä ältischte See uf däm Planet und dr arterichscht überhoupt! Wo mir übere Pass (mitem Hotel Swiss-Peak) sy gfahrä, gyts de sonä Momänt, dUssicht und D'Landschaft rund umä See sy eifach WOW! Itz sy mir ds Lin und chilles bir nächschtä Gastfamiliä!]]> 2023-05-11 19:10:22 UTC https://padlet.com/rogste/p2dh6azufihxyl3o/wish/2587681793 rogste https://padlet.com/rogste/p2dh6azufihxyl3o/wish/2587683854 2023-05-11 19:12:29 UTC https://padlet.com/rogste/p2dh6azufihxyl3o/wish/2587683854 rogste https://padlet.com/rogste/p2dh6azufihxyl3o/wish/2588237926 2023-05-12 05:38:28 UTC https://padlet.com/rogste/p2dh6azufihxyl3o/wish/2588237926 rogste https://padlet.com/rogste/p2dh6azufihxyl3o/wish/2588240556 2023-05-12 05:40:59 UTC https://padlet.com/rogste/p2dh6azufihxyl3o/wish/2588240556 rogste https://padlet.com/rogste/p2dh6azufihxyl3o/wish/2589027284 Super Usblick, säuber gmachts Zmorgä und äs agnähms Glafer miteme Dütschä Ehepäärli, mou so chamä i Tag startä!]]> 2023-05-12 17:56:52 UTC https://padlet.com/rogste/p2dh6azufihxyl3o/wish/2589027284 rogste https://padlet.com/rogste/p2dh6azufihxyl3o/wish/2589028612 Scho dr Baschi meint: "dasses nur äs bitzli Muät brucht". So hey mir trotz super Ungerkunft in Lin entschlossä uf Nordmazedoniä ds reisä und ds Ohrid ds nächtigä. Und mir söuä belohnt wärdä (ämu bis itz). Ohrid isch sone mischig zwüschä Istanbul und Monaco, zwüschä Orient u am Abendland oder haut eifach Nordmazedoniä! Ds Städtli ladet zum flaniere, shoppe und Kaffi trinke ih, es het sichtbar viu türkischi Kaffis, wo sich nahtlos a d'Lädä mit dr gfäutschtä War ireihä u zmitts drin chunnt de wider ä Luxus-Shop à la Louis Vuitton. Ds erschtmau syt langem hets ou wider Touriste imene gwüssä Mass. Zmitts am malerischä See hets zudäm ä risä grossä, nei, immänsä Spiuplatz, wo vor auem di chlynä Mitreisendä ghörig begeisteret. Di chlynä dörfe dört ou Outofahre (yg lah öies Chopfchino itz lah würkä, mir heysä fasch nüm ab däm Outo bracht!!!). Ohrid isch ou UNESCO Welt- Natur- und Kulturerbe und ja mi gspürts chly usä, es het sich bis itz sehr glohnt dä Abstächer ds mache, ou wenn mir Albaniä scho nachämä Tag äs biräbitzäli vermissä (Ässä!!!). ]]> 2023-05-12 17:57:54 UTC https://padlet.com/rogste/p2dh6azufihxyl3o/wish/2589028612 rogste https://padlet.com/rogste/p2dh6azufihxyl3o/wish/2589050133 2023-05-12 18:20:14 UTC https://padlet.com/rogste/p2dh6azufihxyl3o/wish/2589050133 rogste https://padlet.com/rogste/p2dh6azufihxyl3o/wish/2589672145 Padlet-Pousä, mir sy bim Coiffeur]]> 2023-05-13 18:09:32 UTC https://padlet.com/rogste/p2dh6azufihxyl3o/wish/2589672145 rogste https://padlet.com/rogste/p2dh6azufihxyl3o/wish/2590218447 Müässt mau chly gnauer häräluägä, Böhndly, Jenny u d .i het dä Künstlär ämu entzückt:)]]> 2023-05-14 18:45:13 UTC https://padlet.com/rogste/p2dh6azufihxyl3o/wish/2590218447 rogste https://padlet.com/rogste/p2dh6azufihxyl3o/wish/2590219703 Äs isch haut mängisch so, dass mä ni immer uf angeri Lüt söu losä. Ds beschtä Bispiu isch für mi Tirana. Nachere erneut super schönä Fahrt dürä Ostä vo Albaniä mit extrem viu lüt idä Dörfli (es isch wauhsunnti hiä) sy mir hüt ir Houptstadt acho. Bis itz hei usnahmslos aui, wo mir troffä hei gseyt (das sy bekanntlich ja einigi), dass mir am beschtä ä risä grossä Bogä um Tirana mache, da gäbis nüt ds gseh. Däm möcht yg zmindischt teilwis vehement widersprächä. Klar Paris, Rom oder London hei sicher paar Sache meh zum aluägä aber Tirana het definitiv Flair, überau chlyni Kaffis, überau hingerhöf, wo mä ni cha gloubä, dass mä ihre Grosstadt isch und denn endlich wider ds albanischä ässä, äs het üs sehr gfäuht (Mi het ds Nordmazedoniä chly ds gfüuh gha, dassäs näbä Tiäfgfrührchoscht, Burger und Pasta ni würklich viu gyt, hie ganz angersch!) Näbem Bsuäch vom autä Bazar, het natürlich ou ds böhndli ufä obligat Spiuplatz chönnä. Summa summarum erschte Idruck: Mi müäss mängisch haut Perspektivä wächslä, Tirana isch ä Reis wärt ud d'Familiä grad rächt happy!]]> 2023-05-14 18:47:41 UTC https://padlet.com/rogste/p2dh6azufihxyl3o/wish/2590219703 rogste https://padlet.com/rogste/p2dh6azufihxyl3o/wish/2590228192 Was für ä Kontrast: früächer äs Symbol des Schreckens, hüt Ort des Erinnerns, der Kunst und Spiuplatz für Ching!]]> 2023-05-14 19:03:24 UTC https://padlet.com/rogste/p2dh6azufihxyl3o/wish/2590228192 rogste https://padlet.com/rogste/p2dh6azufihxyl3o/wish/2590230170 Was fürnä Ablick, leider immer no gschlossä wägä Renoviärig!]]> 2023-05-14 19:07:03 UTC https://padlet.com/rogste/p2dh6azufihxyl3o/wish/2590230170 rogste https://padlet.com/rogste/p2dh6azufihxyl3o/wish/2591724221 Mir hey hüt DÄ!!! Spiuplatz gfungä. Bohnä het sich fasch ni chönä trennä!]]> 2023-05-15 18:05:21 UTC https://padlet.com/rogste/p2dh6azufihxyl3o/wish/2591724221 rogste https://padlet.com/rogste/p2dh6azufihxyl3o/wish/2591754330 Tirana Tag 2. Mir hey hüt eigentlich nüt speziells ufem Programm gha, drum sy mir natürläch äs Schutlibli gah suächä:) Dasch relativ eifach, da mä hiä ds Trikot vom Klub (KF Tirana) nur, aber definitiv nur, im Stadium bichunnt, so sägäs ämu di iheimischä! Auso los richtig Stadium, wos sogar mügläch isch gsy gah ds käffälä (auso mitts im Stadion. Ou für di chlynä hets öbbis zum luägä gha, dr Rasä isch grad vertikutiert worde, äs Spektaku, ämu wemä zwöiähaub isch! Rund um ds Stadion hets luter Kafis gha, eis schöner aus ds angere. Tirana isch bekannt für sini Kaffikultur. Witer ischs denn richtig Innästadt gangä (mir sy bi dene 27 Grad hiä mächtig is Schwitzä cho), wo di chlynä unger üs (u Jenny offesichtlich ou) ds erschtmau ä Moschee bsuächt hey! Typisch Albaniä, wo unger äm Diktator Hoxha nur Atheismus toleriert het, het Jenny völlig unverhüllt wi säubschtversändlich inä dörfe, dr Muezzin het nur ni so fröid gha, wo ds Böhndli mit dä Schuäh ufä Teppisch isch (OMG UND JA, Jenny isch tschuud):):):) Mir hey denn no bimänä feinä albanischä wy, albanischi Tapas gnossä und für üs aui no chly gshoppet, im wüssä drum, dass das eigentlich nur hiä geyt. No öbbis zur Armuätsschäri: diä isch in Tirana bsunders krass sichtbar. Bimänä durchschnittlichä Ikommä vo öbbä EUR 350 ischäs schwär vorsteubar, wi sich Lüt chöi Sunnäbrüuänä für EUR 400 leischtä. Aber es isch äuä wi überau, äs gyt haut scho lüt mit gäud, wass di massähaft Porsches, Mercedes u Land Rover hiä ou belegä. Hüt isch mir irä Sitägass sogar ä Maybach entgägächo (u nei dä het ni aut usgseh)???! Itz gniässä mir no grad ä Absacker irä Strassäbeitz währenddäm d'Yara sicher vo ihräm Troum-Spiuplatz tröimt!]]> 2023-05-15 18:28:18 UTC https://padlet.com/rogste/p2dh6azufihxyl3o/wish/2591754330 rogste https://padlet.com/rogste/p2dh6azufihxyl3o/wish/2591757430 Di äutischti Moschee in Tirana und ou vo innä sehr Sehenswärt!]]> 2023-05-15 18:30:59 UTC https://padlet.com/rogste/p2dh6azufihxyl3o/wish/2591757430 rogste https://padlet.com/rogste/p2dh6azufihxyl3o/wish/2591762546 Blick ufä Platz (Sheshi), wo ar Muätär (Nënë) Tereza (Tereza haut) gwidmät isch, in Kosovo geborä und in Shkodra id Schuäu gangä.]]> 2023-05-15 18:35:12 UTC https://padlet.com/rogste/p2dh6azufihxyl3o/wish/2591762546 rogste https://padlet.com/rogste/p2dh6azufihxyl3o/wish/2593577167 Das söu ä asträngändä Reisetag wärdä aber eis nachem angere. Mir hey dr Grossstadtdschungu Tirana erstunlich entspannt verlah. U da chamä grad es witers Klischee hie dr Bach ab schickä, d'Lüt hey extrem Rücksicht uf üs gnoh, eine het sogar di vierspurigi Stadtoutobahn blockiert, das mir chöi usefahrä. Usgangs Tirana hey mir denn dr Füächt-Troum vo jedem Mercedes-Fan gseh, ä Garage wo aui Dimensione sprengt (in Albaniä isch Mercedes ds Nationalouto). Üsäs Ziu isch Kruja gsy, wo üs plötzlich es Redli ohni Ungersatz entgägächunnt. Hinger nachä de dr funkend Lastwage. Einisch meh het sich bewährt: Obacht im Strassenverkehr.

Ganz angers aus Tirana isch ds munzigä Kruja ds reine Vercherschaos gsy. Das ligt ou dran, dass Kruja dä Ort fürä Nationalstouz vo dä Albaner isch. Hiä het dr Skanderbeg zersch erfougrich denn bis zu sim Tod ds Christentum gägä ds osmanischä Rich verteidigt. Kruja isch härzig aber völlig überloffä, mir kenne itz uf jedefau Bedütig vom Doppuadler.

Witer isches denn Richtig Shkoder gangä, wo sich d'Adria gfüuht über üsnä Chöpf entleert het, sehr idrücklich zum zuäluägä, zum fahrä weniger sexy.

Denn isch sie cho, di berühmt berüchtigti Strass vo Vau Dejä nach Koman. Mir sy scho dr ganz Tag chly agspannt gsy u das isch ou guät gsy. Mir hey uf dere wäut ja scho paar Sache gseh, aber das?!? Für di rund 32km hey mir 1.5 Stung gha, sporttlich grechnet. Di erschte 10km sy zwar ni guät gsy aber okay, dr räsch hetmä vor luter chnöitöifä schlaglöcher eigentlich gar nüt meh gseh. Yg bi völlig usglougt gsy u leider het ou di grandiosi ussicht ufä Komansee und Drin nur bedingt ghuufä. Hinger in Koman sy d'Sorgä aber rübisstübis verflogä, sonä schönä Ort, so härzlächi Gastgebär und so feins ässä. Itz göh mir knüttlät gah nächtigä]]> 2023-05-16 19:04:47 UTC https://padlet.com/rogste/p2dh6azufihxyl3o/wish/2593577167 rogste https://padlet.com/rogste/p2dh6azufihxyl3o/wish/2593625001 So het dStrass a dä guätä Ortä usgseh!]]> 2023-05-16 19:52:20 UTC https://padlet.com/rogste/p2dh6azufihxyl3o/wish/2593625001 rogste https://padlet.com/rogste/p2dh6azufihxyl3o/wish/2595176778 Technische Panne heute und eigentlich gibt es nicht viel zu Schreiben, wir sind einfach nur sprachlos, ob der Schönheit hier! Die Komani-Fähre ist definitiv eines der Highlights in Albanien, mein lieber Schwan!!!]]> 2023-05-17 19:13:59 UTC https://padlet.com/rogste/p2dh6azufihxyl3o/wish/2595176778 rogste https://padlet.com/rogste/p2dh6azufihxyl3o/wish/2595184765 Churz gseit: Ahfahrt spitze (vieu besseri Strass aus erwartet), Berge wunderschön und irahmend, es Foto würd dem nid grecht werde, drum stöh mini zwöi Liebschte hüt im Vodergrund! Fröie üs uf d Nacht ir Natur und ä Kosovo (Spoiler)! ]]> 2023-05-17 19:22:20 UTC https://padlet.com/rogste/p2dh6azufihxyl3o/wish/2595184765 rogste https://padlet.com/rogste/p2dh6azufihxyl3o/wish/2596639167 Nachämä husgmachtä Brathändl und ärä töifä Mützä Schlaf i psäm Houzhüsli sy mir am Morgä gägä di 6 Zersch sanft vom Flüssli und am Pfiffkonzärt, später leider vom Betonmischer (Grrrrrr) us dä Fädärä cho. Ds Zmorgä isch enorm gsy, Bergstyle haut u mir sy de no chly ar Valbona gah loufä und Steinäschiässö mit dr Chlynä. Chly trurig sy mir dd los gfahrä, vo däm durch und durch schönä Ort! In Barjam Curri hey mir ä Ess- und Ichoufstopp gmacht bevor mir de über d'Gränzä i Kosovo sy! Ä komplett angeri Wäut wider, es gfaut üs ou sehr. Am erschte haut are Tanksteu hey mir mangels Gäud mit Frankä zaut, dr Bsitzer het Ching i dr Schwiz. D'Iladig ufnäs Kaffi hey mir dankend abglehnt und sy witer richtig Prizren. Dert acho het üs dr Hotelpage mitämä Grüässäch is Hotel glotst, är het vor 25 Jahr ds Küsnacht am Rigi gschaffet. Ds offerierte Raffaello (wo är säuber zaut het u ni öbbä ds Hotel) hey mir dankend agnoh. Hüt am abä nachäm Ässä hey üs zwöi Damä umenes Foto bättä, di zwöi Soudatinnä vor KFOR schaffä und Läbä in Prizren. Dir gseht d'Wäut isch chli und d'Schwiz hiä omnipräsänt. Prizren isch super härzig, het sooo nätti Lüt und isch dr Usflug i Kosovo bis ktz meh aus wärt gsy!]]> 2023-05-18 18:34:59 UTC https://padlet.com/rogste/p2dh6azufihxyl3o/wish/2596639167 rogste https://padlet.com/rogste/p2dh6azufihxyl3o/wish/2596640734 Ds Autstädli un d'Xhamia Sinan Pashës]]> 2023-05-18 18:36:43 UTC https://padlet.com/rogste/p2dh6azufihxyl3o/wish/2596640734 rogste https://padlet.com/rogste/p2dh6azufihxyl3o/wish/2596641451 2023-05-18 18:37:26 UTC https://padlet.com/rogste/p2dh6azufihxyl3o/wish/2596641451 rogste https://padlet.com/rogste/p2dh6azufihxyl3o/wish/2596642880 Ohne Worte]]> 2023-05-18 18:39:00 UTC https://padlet.com/rogste/p2dh6azufihxyl3o/wish/2596642880 rogste https://padlet.com/rogste/p2dh6azufihxyl3o/wish/2597937939 Mir hei wieder dr wäg zrugg ahs Meer gfunge und nachere erstmaus lengere Hotelsuechi si mir de doch fündig worde! Schöne Kilometer lenge Sandstrand aber ohni Bunkerhotel, nöime angers in Europa nid vorsteubar! Dr Weg über d Outobahn isch einisch meh super gange und d Landschaft so schön, völlig unüberboue und uf weni km derart abwechsligsrich! Jederzyt wider!]]> 2023-05-19 19:11:20 UTC https://padlet.com/rogste/p2dh6azufihxyl3o/wish/2597937939 rogste https://padlet.com/rogste/p2dh6azufihxyl3o/wish/2597940817 Gmüetleche Start i Tag im Kosovo! Z Morge im 4 Stern Hotel ernüechternd gege z Berg Hotel kei Verglich! Uf dr Suechi nacheme Ballon und Tshirt isch de wenigschtens d Chlinsti vo üs belohnt worde und so hetsi uf dr 3h Fahrt chönne mit ihrem Häsli schmuse! Dr Mah ungerüs het de müesse z Shirt in Prizren lah, dasi da nid so ganu näh mit dem Öffnigszite!]]> 2023-05-19 19:15:36 UTC https://padlet.com/rogste/p2dh6azufihxyl3o/wish/2597940817 rogste https://padlet.com/rogste/p2dh6azufihxyl3o/wish/2598474101 Nachärä subere 'Balkan-Party-Nacht' vo dä angere Hotelbewohner (Reisegrupöe us Kroatiä, Bosniä, Montenegro, Nordmazedoniä), wo zwar bis i di frühä Morgästundä aber de doch no erstunlich Grüscharm über Bühni isch, hey mir Albaniä hüt verlah. Sehr es komischs Gfüuh gsy, mir hey üs hiä rundum wouh gfüuht, sy mit grosser Härzlichkeit behandlet worde u hei idrücklich vor Ougä gfüährt bicho, was Gastfründlichkeit cha bedütä! Chlysäs Bispiu drzuä no: Einä vo üsnä liäblings Snacks isch Byrek wordä. Mitts ir Pampa het Jenny hüt ä Furrë Buke (Bäckerei) gsuächt, leider het diä zuägha. Ä äutere Herr het Jenny beobachtet und het gfragt wiä häufä (aus mit albanisch und Handzeichä). Irhendwiä het är aber Byrek verstangä, het sä zurä angärä Frou bracht, wo sä het mitgnoh und us dere ihrer Chuchi hets de mit Übersetzigshieuf vomene chline Bueb doch no 3 Byrek gäh. Was mä mit Handzeichä und guätäm Wiuä aus cha erreichä isch eifach so verblüffend. 

Back to our journey: Mir hey de d'Grenze in Muriqan nach Montenegro gnoh und sy richtig Bar gfahrä. D'Beschribig vor Strass u vorauem vom Outofahrstil hiä ersparläch (u irgendöbber het gmeint d'Lüt in Albaniä sy schlächti Outofahrer!!!), nid aber d'Landschaft. Einisch meh es Gedicht us Oliväböim, Zitrusfrücht, prächtigä Häng umänä Meerblau, mi cha nur schwärmä. Bar het üs denn super guät gfauä, dr Vibe het gstummä und sowohl zum badä, als ou zum flaniärä lads ih. Da di chlyni vom Badä komplett usgnockt isch gsy und het wöuä schlafä, sy mir de witer richtig Budva (Miami von Montenegro). Mir heys scho in Bar gmerkt aber dr Kulturschock isch mit Budva de definitiv perfekt gsy. Ei Bunker nachem angere, Strand mit Schirm um Schirm um Schirm und massähaft Turistä (villicht hiuft de ä zwöitä Blick). Wo isch nur das ruhigä, 'authentischä' Albaniä blibä, hey mir aui dänkt. Mir sy dür di Stadt mit dä angäblich schönschtä Stränd vo Montenegro dürä brusät und inä Näbäort gflüchtet. Mit dr Touristeinfrastruktur hei sich de ou Prisä grad gändärät, mir hey zwöimau müässä uf d'Rechnig luägä, wo dr Chäuner plötzlich 42 EUR het wöuä fürs Znacht (yg weiss immer no günschtig) aber mit däm gyts haut chly witer südlich sowohl äs prächtigs Mittag-wi ou Abäässä inklusivä Raki und Baklava. Es isch Zyt zum Umdänkä, das hei mir itz begriffä und fröiä üs uf äs paar Strandtäg im Glasklarä Adria-Troum-Meer!]]> 2023-05-20 18:40:27 UTC https://padlet.com/rogste/p2dh6azufihxyl3o/wish/2598474101 rogste https://padlet.com/rogste/p2dh6azufihxyl3o/wish/2598482165 D'Strandpromenadä vo Bar]]> 2023-05-20 19:03:13 UTC https://padlet.com/rogste/p2dh6azufihxyl3o/wish/2598482165 rogste https://padlet.com/rogste/p2dh6azufihxyl3o/wish/2598482697 Bohnä macht Fortschrittä und mir hey wider dr geliäbt rocky beach!]]> 2023-05-20 19:04:50 UTC https://padlet.com/rogste/p2dh6azufihxyl3o/wish/2598482697 rogste https://padlet.com/rogste/p2dh6azufihxyl3o/wish/2598483211 Jaz het ni viu, aber Charme und Strand, das wo mir grad gsuächt hey fürnä Outopousä!]]> 2023-05-20 19:06:10 UTC https://padlet.com/rogste/p2dh6azufihxyl3o/wish/2598483211 rogste https://padlet.com/rogste/p2dh6azufihxyl3o/wish/2598978599 100% real Strandtag in Jaz. Ganz viu bädälä, spilä und ässä. Dr Spruch uf dä Hosä vor Putzfrou het öbbis: 'everything is a chance'. Jaz hets bewisä:)]]> 2023-05-21 18:37:45 UTC https://padlet.com/rogste/p2dh6azufihxyl3o/wish/2598978599 rogste https://padlet.com/rogste/p2dh6azufihxyl3o/wish/2600497124 Hüt sy mir früäh i Richtig Kotor gfahrä u das us guätäm Grund. Kotor isch beliäbt bi Chrüzfahrtschiff. Di chömä meischtäns am Morgä ah u bis d'Lüt de gässä hey isch öbbä 10, de faht ds Chaos ah. Mir hey aber risä glück gha, hüt isch nur d'Ocean Viking vor Ort gsy. Zwar het üs di schiäri Mönschämassä grad abglöschä aber di Iheimischä hei üs gseyt, dass geschter allei vier grossi Kähn in Kotor sy gsy, mi cha und wetts sichs ehrlich gseyt ni vorsteuä. Kotor isch ä Perlä, sehenswert aber ehrlich gseyt sy mir ihre haub Stung wider dussä gsy, äs isch Munzig (villicht 2 Mau Murtä) und es het eifach ds viu lüt. Mir sy de natürlich ufä obligat Spiuplatz u de gah Outofahrä mit dr chlynä, sie isch mittlerwilä erschreckend guät mit vier redli u Motor ungerwegs! (Müässt kei Angscht ha, mir hey ds Tirana zwar a Land Rover Vogue gseh, aber mir hey eifach kei Platz😄). Mir sy denn ar Küste entlang richtig Perast (sooo schön, aber di gfüuht 50 Car's ufem PP hey kei Stopp interessant gmacht) u denn uf Herceg Novi. Dr Fahrär het dert fasch ö Närväzämäbruch gha (das isch aber ä angeri Gschicht) het sich bimene Schwumm mit dr Chlynä aber wider abküuht. 

Schnurstracks sy mir denn über d'Grenze uf Bosniä und ehrlich gseyt, sy mir gloub beidi froh, dr Funkä Montenegro isch ni würkläch überägsprungä. Ganz angers Bosniä, scho nur d'Strass bis zur Grenze sy Feriä wärt u mi merkt de schnäu warum Winnetou i öbbä dere Landschaft draiht wordä isch. Spannend isch ou, dass üs ar Gränzä zersch mau es Schiud Republika Srpska begrüässt het und ersch när dr bosnisch Zoll isch cho, Dir gseht wär hiä ds sägä het u warum dass Bosniä ä würklich tragischi Gschicht het gha. (Für di Gschicht interessierte, ds Dayton Agreement het Bosniä und Herzegowina i di 2 hütige Verwautigsiheitä teilt, Republika Srpska und Föderation Bosnien und Herzegowina, es lohnt sich das mau ds googlä). 

Mir sy denn dür ä Wyabouregion uf Trebenje, wo mir hüt imänä Blockhus schlafä. Nid nur d'Landschaft und d'Lüt hei sich komplett gänderet ou Prisä, tankä: CHF 1.10, es z'Nacht für 3: 26 EUR, geshhter hey mir für 2 rund EUR 50 zaut. Trebenje säuber isch chly aber ni wägä nüt di agäblich schönschti Stadt ir Republika Srpska.]]> 2023-05-22 18:57:50 UTC https://padlet.com/rogste/p2dh6azufihxyl3o/wish/2600497124 rogste https://padlet.com/rogste/p2dh6azufihxyl3o/wish/2600499982 Ds Strädnli hey mir mit 3 Punks teilt😄]]> 2023-05-22 19:00:44 UTC https://padlet.com/rogste/p2dh6azufihxyl3o/wish/2600499982 rogste https://padlet.com/rogste/p2dh6azufihxyl3o/wish/2600501057 Am Afang hets scho so usgseh, aber ds Stedli isch de regurächt gfluötöt wordä!]]> 2023-05-22 19:01:49 UTC https://padlet.com/rogste/p2dh6azufihxyl3o/wish/2600501057 rogste https://padlet.com/rogste/p2dh6azufihxyl3o/wish/2600502847 Eifach grad schön!]]> 2023-05-22 19:03:38 UTC https://padlet.com/rogste/p2dh6azufihxyl3o/wish/2600502847 rogste https://padlet.com/rogste/p2dh6azufihxyl3o/wish/2600505189 Ds Autsedetli]]> 2023-05-22 19:05:46 UTC https://padlet.com/rogste/p2dh6azufihxyl3o/wish/2600505189 rogste https://padlet.com/rogste/p2dh6azufihxyl3o/wish/2602166325 Hüt hey mir ä Biuderbuächstart i Tag gha, Wuuchälos und das geschter Abä churz gwitteret het, sidäfiini Luft in Trepenje. D'Nacht im Blockhüsli top (so viu liäbi zum Detail het beidruckt, d'Fläschä säuber brönntä Raki hey mir trotz grosser Lust de doch lahsy:) by the way Raki heisst in Bosniä Ouzo, het üs ä Chäuner nätt aber doch bestimmt erklärt;) und Gastgäber (eutärs Ehepaar) kei Wort änglisch aber so öbbis vo härzläch! Mir sy denn richtig Nordä über Čapljina zu dä Kravica-Wasserfäu. D'Fahrt dür Bosniä isch atemberoubend schön, äs het fasch öbbis vo Albaniä!!! Bosniä isch uf jedefau fett uf dr Feriäwunschlischtä fürnäs angers mau. Zum Wasserfau gyts ni viu ds sägä, eifach überwäutigend, ämu itz wo Trebizat viu Wasser füährt. Viu Wasser isch de ou grad ds Stichwort. Aber zersch isch dr Gränzübertritt i Schengenrum agstangä u natürlich hets so müässä cho wis chunnt, dr einzig Zoll wo excusez dr Usdruck, keine Sau gsy isch, mir villicht 10 Sekunde hey gha, u mir sy wider ir EU gsy. Weme bedenkt, dass d'Schengeussegrenze eini vo dä am meischte bewachtä Gränzä isch, fragt mä säch scho chly. :) aber zrügg zum Wasser: ds Navi het üs denn über ds kroatischä Hingerland nach Gradac wöuä füährä. Ds Navi weiss aber ni, dass hiä aus überschwemmt isch. Ds hingerscht im Verbindigstal as Meer ischs de ou miteme Land Rover nümme witer gangä, viu ds viu Wasser, auso aus zrügg, d'Närvä vor wiblächä Mitfahrerin (nei nid dr chlynä) blank, sy mir aus wider zrügg und denn über Ploce gah cherä 🤩🤩🤩. Dr Sprung is Meer isch de meh aus verdiänt gsy! Dr erscht Idruck in Kroatiä: Schöns Meer, schöni Gägänd, abertausende Camper :) uf dr angere sitä: wo isch dr Charme härä? Und leider viu ds viu Hotels, Appartments und Burgerschuppe u viu ds weni läbä, da Touris ohni Camper no fählä.]]> 2023-05-23 19:24:48 UTC https://padlet.com/rogste/p2dh6azufihxyl3o/wish/2602166325 rogste https://padlet.com/rogste/p2dh6azufihxyl3o/wish/2602168410 Gradac by the sea]]> 2023-05-23 19:27:04 UTC https://padlet.com/rogste/p2dh6azufihxyl3o/wish/2602168410 rogste https://padlet.com/rogste/p2dh6azufihxyl3o/wish/2602170580 Obwouh diräkt ar Houptstrass, geniali ungerkunft]]> 2023-05-23 19:29:29 UTC https://padlet.com/rogste/p2dh6azufihxyl3o/wish/2602170580 rogste https://padlet.com/rogste/p2dh6azufihxyl3o/wish/2603737251 Chlyni Vorwarnig für aui Kroatiä-Fans vorweg, dr hütig Bitrag macht ni nur Wärbig für das Land, är isch natürlich subjektiv und wi Dir scho heyt chönnä läsä, hangät aus vor Perspektivä ab. Yg schiudäräs itz grad mau so, wimirs empfindä. Kroatiä isch asträngänd, einersits isch ds Outofahrä hiä definitiv kei Schläck. Ds Albaniä sys houptsächlich d'Strassä gsy, wo Konzentration hei erforderet, hiä sys di zum Teil Rücksichtslosä Mobilistä. Äs wird hiä dränglät, mit Kamikaze-Überholmanöver und d'Handzeichä löh mir mau unkommentiert. Uf üsärä ganze Reis het mä üs hüt zerschtmau ghornät (ä LKW nota bene), wüu mir ufärä ängä Küstästrass anstatt dä vorgschribene 50 nur mit 65!!! dürä sy, das ganze het sich denn abermals uf üsere Routä widerhout. Dr Bebe-Chläber hingerdruf schint da kei Würkig ds zeigä. Asträngänd isches aber ou scho nur es Kaffi oder ä Bäckerei ds fingä. Au di schmuckä härzigä dörfli (u vo denä gyts viu), bestöh eigentlich nur us Hotels und Apartements. Ergo es isch ni Saison und es het aus zuä. Jenny het imene Restaurant, wo grad d'Saisonvorbereitigä loufä schüch gfragt, öb sie üs ächt es Kaffi würdä machä, Dir ahnets, nein machen wir nicht hets gheissä. In Albaniä wär so öbbis undänkbar:). Ernüchteret sy mir ou vor Makarska-Riviera gsy. Gemäss äm Reisefüährär eini vo dä schönschtä Küstästrasse uf dr Wäut und ou vili angeri Reisendi hei gschwärmt. Mir hey ds Fazit in Makarska zogä (ändi vor Strass) u ganz ehrlich, ja es isch schön, ei Strand schöner aus dr anger ABER äs isch längwilig. Es gseht aus glych us (Dörfli mit 1000 Hotels und Appartements und ä Bombästrand vor dran) und us üsärä sicht cha da Côte d'Azur, Cornwall oder ou Norwegä locker mithautä. Mir heys gmüätläch gnoh u sy a dene Stränd gah badä, wo üs grad gfauä hey (Pisak, troumhaft) und Bilo (wo mir ou schlafä). Zwöi Überraschigä hey mir de glych no gfungä, Omiš het Läbä gha und ou chly öbbis vo däm chly schäbigä Charme, wo näb au dene Luxushüser und Lamborghinis hiä definitiv guät duät:). Di zwöiti überraachig isch Primosten gsy, zwar ou ufgstylet aber es het definitiv Charme und dr Usblick uf d'Adria isch eifach Spitze. Itz sy aui kaputt, bädälä schluchet und mir bliböä mau in Bilo. GUÄTNACHT!!!]]> 2023-05-24 19:37:25 UTC https://padlet.com/rogste/p2dh6azufihxyl3o/wish/2603737251 rogste https://padlet.com/rogste/p2dh6azufihxyl3o/wish/2603743874 Ds Böhndli usäm Wasser ds bicho, die Tageschallange]]> 2023-05-24 19:45:53 UTC https://padlet.com/rogste/p2dh6azufihxyl3o/wish/2603743874 rogste https://padlet.com/rogste/p2dh6azufihxyl3o/wish/2603744813 WOW]]> 2023-05-24 19:46:57 UTC https://padlet.com/rogste/p2dh6azufihxyl3o/wish/2603744813 rogste https://padlet.com/rogste/p2dh6azufihxyl3o/wish/2605222223 'Üsä Strand'. Ä Troum für Schwümmafängär, Schnorchler u diä wo eifach chly wei bädälä! U das ganz allei nur für üs, was wottmä meh! Üs gfauts hiä, mir blibä sponti no chly. Für diä wos interessiärt: Ungerwasser ischäs hiä idrückläch, Viu Seestärnä, Fischschwärm, roti und gäubi Gorgoniä, Eisidlerchräbsli und risigi Muschlä- u Seegurkäbänk. U für aus das muässmä nimau touchä! Mir chöis immer no ni gloubä, dass di vo viunä verspottäti Adria so viu ds biätä het!]]> 2023-05-25 18:51:22 UTC https://padlet.com/rogste/p2dh6azufihxyl3o/wish/2605222223 rogste https://padlet.com/rogste/p2dh6azufihxyl3o/wish/2606466083 Wi Dir unschwär erkennät, geyts üs guät :) mir gniässä hiä ds dolce far niente. Aber äs chribbelet glych ä bitz und mir sy ou happy, dass mir morn losdüsä i Richtig Selce. Näbem umächillä sy mir ouno uf Dörfli-Tour aber ds glychä Biud überau, aues zuä, nur Appartments und Ferienanlagen soweit das Auge reicht und abgseh vo Massähaft Gäscht us DE, AT Luxusschlittä gyts ni viu ds gseh!]]> 2023-05-26 18:53:12 UTC https://padlet.com/rogste/p2dh6azufihxyl3o/wish/2606466083 rogste https://padlet.com/rogste/p2dh6azufihxyl3o/wish/2606467367 2023-05-26 18:55:01 UTC https://padlet.com/rogste/p2dh6azufihxyl3o/wish/2606467367 rogste https://padlet.com/rogste/p2dh6azufihxyl3o/wish/2606929304 Hüt hei mir ändlech di vier Rädli wieder chli chönne witer bewege und nach üsem lengere Ufenthaut hei mir üs aui gfröit! Nach laangem si mir de mau wieder ufene ,richtigi' Outbahn, hei gnue vor Küstestrass gha. Aber ou hie fahre die Iheimische nid besser. Ou dür di kroatische Stedli fahre isch immer wieder e Herusfoderig, so isch mi Mah dürene Eibahn, das het z mindst dr entgegekommend Kroat gmeint. D Landschaft isch ou da schön, aber mir vermisse aui Albanie scho jetzt, ou z Böndli redt au Tag vo Baniä und wot wieder gah!:) jetzt si mir guet z Selce ahcho, dr Roger gniesst e Sljivovica und mir si froh, dass mir richtig Italie chöme!  Ahmerkig no vom Mah, dass zmindescht ni nur Gjammer isch, ds Meer isch sidäfiin und mit 16 Grad knackig warm zum bädälä!]]> 2023-05-27 19:31:43 UTC https://padlet.com/rogste/p2dh6azufihxyl3o/wish/2606929304 rogste https://padlet.com/rogste/p2dh6azufihxyl3o/wish/2607293172 Selce, day 2. Vor dr Rückreis hey mirs no einisch entspannt lah agah. Morgä Städli-Bsuäch und risä Fröid bim Ärdbeeri-Fetischist, da grad Jagoda-Fescht oder äbä Ärdbeeri-Fescht in Selce isch gsy. Mir hwy üs entsprechend ideckt!!! Selce säuber isch chly, härzig und het Charme, ou wenns super touristisch isch! Näbscht äm Bädälä und amene erfougrichä Bsuäch vomä Luxus-Reschti (ds Böhndli het das super gmacht und nei, mir hey ni gwüsst, dass sie Sidähändschli alege zum Bediänä) gyts nur über ds Meer ds schwärmä. So suber, so erfrüschend, eifach ä Grund usdswanderä, aber ni uf Kroatiä ;P entsprächänd het dr adächtig Abäschwumm i Richtig Sunnä ni dörfä fählä. Schlafet guät!]]> 2023-05-28 19:04:52 UTC https://padlet.com/rogste/p2dh6azufihxyl3o/wish/2607293172