https://padlet.com/annasr45/p1uw6wnx3744 en-us 2018-03-08 08:40:23 UTC 2025-11-07 07:37:13 UTC hello@padlet.com annasr45 https://padlet.com/annasr45/p1uw6wnx3744/wish/251788775
Í Byrjendalæsi er lögð áhersla á að nemendur skrifi sjálfir textann sem þeir eru að vinna með. Nemendur sem vinna hægt hafa minni möguleika á að koma efni frá sér en þeir sem hafa góðan skrifhraða. Hægur vinnuhraði þeirra hefur neikvæð áhrif á árangur og afköstin verða minni. Með tilkomu spjaldtölvunnar opnast nýr heimur fyrir þessa nemendur þar sem ritun og miðlun hættir að snúast um skriftarhraða, í stað þess að skrifa með blýanti á blað geta þau teiknað, tekið myndir og myndbönd, talað inn á blaðsíðurnar og sett inn texta á eigin forsendum. Að fá tækifæri til að nýta sköpunarkraftinn, koma skoðunum sínum á framfæri og finna að maður stendur jafnfætis við aðra er mikilvægt og eykur sjálfstraust og vellíðan nemenda.
Að sama skapi gefur verkefnið okkur tækifæri til að koma betur til móts við nemendur sem eru fljótir að vinna og tileinka sér nýja hluti með krefjandi og áhugaverðum verkefnum.  Eftir að hafa skoðað kenningarsmiðina sé ég að margir þeirra eru á þessari línu. En mér fannst Claxton, Dewey og Piaget tengjast mínu verkefni mest. 

Kenningar Guy Claxton um BLP (Building Learning Power)  ganga einmitt út á það að flestir nemendur hafi möguleikann á að verða betri námsmenn og mikilvægt sé að ganga út frá því  að nemendur hafi möguleikann á að verða betri námsmenn. Mikilvægt sé að huga að viðhorfi í garð nemandans. Byggja á sköpun, þrautseigju, seiglu, samkennd og ímyndunarafli. Learning Power snýst um að þroska allar hliðar nemendans. Að hjálpa ungu fólki að verða betur hugsandi og öflugri námsmenn, bæði í skólum og utan þeirra. Skólar þurfa að gera meira en að undirbúa nemendur fyrir próf. Þeir verða líka að undirbúa þá fyrir lífið. Talað er um að BLP innihaldi fjóra þætti í námi nemenda, 4 R, sem hjálpa nemendum að hafa meiri seiglu (e. resilience), vera ráðagóðir (e. resourceful), hugmyndaríkir (e. reflectiveness), hafa hæfileika til að vinna með öðrum (e. reciprocity). Claxton telur að það þurfi að byggja upp sjálfstæða einstaklinga til að takast á við lífið í framtíðinni og því verða kennarar að bjóða nemendum upp á námsleiðir sem eru krefjandi, ögrandi, skapandi og vekja forvitni hjá nemendum og hæfnina til ígrundunar.  Kennarar verða að vinna markvisst að því að efla þessa hæfileika nemenda með styðjandi og hvetjandi leiðum sem eiga að birtast í þessum fjórum stigum kenningarinnar. Kennararnir hvetja til lærdómskrafts nemenda með því að horfa á sín eigin gildi, hvernig þeir tala við nemendur um námið og kennsluna og hvernig þeir sjá sjálfa sig sem fyrirmyndir í náminu.

 Með innleiðingu á spjaldtölvum í kennsluna tel ég einmitt að ég sé að koma með ögrandi kennsluhætti sem geri fleiri nemendum kost á að virkja sköpunargáfu sína og vera virkir þátttakendur í eigin námi.  

Á svipuðum nótum er Dewey (1859-1952) en hugmyndir hans um Progressive education var að miklu leyti byggð á reynslu einstaklingsins, þar sem barnið var í þungamiðju þess ferlis. Það að menntast væri að miklu leyti byggt á virkri reynslu nemandans og samtali hans við jafningja sína. Námsskráin átti að að miðast við þarfir einstaklingsins, þar sem nemandinn væri þátttakandi en ekki þiggjandi í sínu námi.Hann taldi að menntun nemandans þar sem hann væri þátttakandi myndi auka færni hans í samfélaginu, í stað þess að vera aðeins viðtakandi á upplýsingum, sem væru byggðar á staðreyndum og tölum. Að því sögðu lagði hann til að námsskráin ætti að vera sveigjanleg og beina sjónum að því að leysa vandamál viðfangsefna. Dewey taldi að hlutverk kennarans yrði að vera fjölþættara en áður. Kennarinn á að skapa tækifæri til reynslu í formi úrræða og hlutverka, þar sem hlutverk nemenda væri að byggja tengingar á milli tveggja ólíkra reynsluheima. Hann yrði meira leiðbeinandi en agastjórnandi. Hlutverk hans væri að hjálpa nemendum að þróa ólíka hluti. Til að þetta gengi upp taldi Dewey að kennarar þyrftu meira frelsi til að túlka námskrána á sinn hátt. Þetta frelsi væri nauðsynlegt til þess að laða að hentuga einstaklinga til kennslu en einnig til að hjálpa kennaranum að búa til aðstæður sem hentuðu vel til menntunnar. Því í gegnum þekkingu og reynslu þá lærum við að vinna með þá upplifun sem getur bæði nýst okkur í dag og síðar meir á lífsleiðinni (Aubrey og Riley, 2016).   

Spjaldtölvur í Byrjendalæsi byggja á virkni nemenda og því að nemendur byggi upp meiri þekkingu á þessum tækjum í þeim reynsluheimi sem þau búa í. En það er einmitt það sem  hugsmíðahyggjan byggir á. Hugsmíðahyggjan er  m.a. byggð á kenningum Piaget um vitsmunarþroska einstaklings. En hans kenningar voru að börn á aldrinum 7-12 ára (mínir nemendur eru 8 ára að verða  9 ára) hafi getu til að leysa vandamál en þau þurfi að vera raunveruleg. Og það er einmitt það sem spjaldtölvurnar bjóða upp á. Nemendur eru að takast á við nýjar aðstæður, að leysa verkefni á annan hátt. Allt verkefni sem hægt er að leysa en börnin þurfa að hafa getu til að geta dregið rökréttar ályktanir og raunverulegar ástæður til að styðjast við. 

]]> 2018-04-14 12:40:17 UTC https://padlet.com/annasr45/p1uw6wnx3744/wish/251788775 annasr45 https://padlet.com/annasr45/p1uw6wnx3744/wish/252089206 2018-04-16 11:50:21 UTC https://padlet.com/annasr45/p1uw6wnx3744/wish/252089206 annasr45 https://padlet.com/annasr45/p1uw6wnx3744/wish/252089777 2018-04-16 11:52:29 UTC https://padlet.com/annasr45/p1uw6wnx3744/wish/252089777 annasr45 https://padlet.com/annasr45/p1uw6wnx3744/wish/252991336 2018-04-18 13:43:23 UTC https://padlet.com/annasr45/p1uw6wnx3744/wish/252991336