Сонымен қатар, семинар сұрағы бойынша ЖМП-ның педагогика ғылымдарының арасындағы маңыздылығын мен қарастырылған мақала бойынша ашамын. ЖМП-дан бөлек, мектепке дейінгі педагогика, мектеп педагогикасы, коррекциондық педагогика (видеода айтылғандай, медицинамен байлагысты түрі), арнайы орта білім педагогикасы сынды көптеген педагогикалық салалар бар. Авторлардың ойы бойынша, ЖМП өз маңыздылығында, ЖОО жағдайындағы оқу процесінің заңдылықтарын, жоғары білім алудың нақты мәселелерін зерттеуімен ерекшеленеді. Өз пікіріммен толықтырар болсам, педагогиканың қай саласы болмасын өзіндік рөлін атқару арқылы адамзат баласын тәрбиелеп отырған үлкен ғылым саласын толықтырады. Бұл тұста да, ЖМП адамзат баласының ендігі ересек жасқа келгендегі тәрбиесімен айналысады, бұл адам баласы ақыл ойы толысса да білімді қашан да қажет ететіндігінің бір көрсеткіші.

Дереккөз: Медведко К.В., Медведко Н.И "ПЕДАГОГИКА В СИСТЕМЕ ГУМАНИТАРНЫХ НАУК"

ЖМП педагогикалық білім берудің жоғары деңгейі ретіндегі басты нысаны - кәсіби мамандарды тәрбиелеу. Дәлірек айтқанда, ЖМП ғылыми потенциал факторымен түсіндіріледі, ал қарапайым тілмен айтқанда, болашақ мамандарды жоғары біліктілігі бар мамандар ретінде даярлайды.

ЖМП пәні - жоғары мектептегі педагогикалық процесс. Міндеттері:

• Жоғары білімнің қазіргі жағдайын саралау, дамуын болжау;

• Жоғары білімнің даму тарихын зерттеу;

• Жоғары кәсіби білімнің теориялық-методологиялық негізін жасау;

• Жоғары білімнің мазмұнын анықтау;

• Ғылыми-зерттеу нәтижелерін практикаға енгізу;

• Білім беру стандарттарын, оқытудың жаңа әдістері мен формаларын жасау.

  ЖМП-ның қызметтері: теориялық және технологиялық. Теориялық қызметтері:

• Жаңашыл тәжірибелерді зерттеу;

• Педагогикалық құбылыстардың жағдайын анықтау;

• Тәжірибелік зерттеуді жүргізу.

  Технологиялық қызметтер:

• Оқу іс-әрекетінің нормативті жоспарын айқындайтын әдістемелік материалдарды жасау (жоспарлар, стандарттар, бағдарламалар)

• Ғылыми жетістігін тәжірибеген енгізу;

• Ғылыми зерттеу нәтижелерін саралау.

  Дереккөз: Шалғынбаева Қ.Қ., Албытова Н.П., Сламбекова Т.С "Жоғары мектеп педаогикасы"

Құзіреттілік тұғыр:

• тұлға игеруге тиісті таным, тәжірибе, әрекет тәсілдерінен басқа құзыреттіліктерді қалыптастыруға бағытталады;

• білім беру үдерісін ұйымдастыру; субъектінің іс-әрекеті арқылы (оқу, таным, ойын және. т.б) өзін-өзі жүзеге асыру

Жүйелілік тұғыр:

• Жүйе - жеке бөліктерден құрылған біртұтастық. Зерттелетін педагогикалық құбылысты, олардың арасындағы байланыстың көптеген элементтерін анықтауға бағытталады;

• объектіні жүйе ретінде оның құрылымын тұтастыққа қарастыруға мүмкіндік береді.