Eftir nám við latínuskólann og háskóla í Frakklandi, Belgíu og Hollandi fór Nonni að starfa sem kennari. Hann starfaði við kaþólskan menntaskóla í Ordrup í Danmörku. Hann dvaldi fjögur ár í Englandi við guðfræðinám og tók einnig prestvígslu þar. Eftir það fluttist hann aftur til Danmerkur og kenndi í sama skóla og áður fyrr.

Árið 1912 hætti hann kennslu og flutti frá Danmörku. Næstu ár bjó hann meðal annars í Hollandi, Austurríki og Þýskalandi og starfaði við að skrifa bækur. Fyrsta af tólf Nonnabókum sem hann gaf út kom út árið 1913. Nonni skrifaði bækurnar sínar á þýsku en þó hafa þær verið þýddar yfir á yfir þrjátíu tungumál. Fyrir utan Nonnabækurnar er vitað um að minnsta kosti eina landkynningarbók um Ísland sem hann skrifaði á þýsku.

Nonni heimsótti Ísland einungis tvisvar eftir að hann kvaddi landið árið 1870. Árið 1930 er seinna skiptið sem hann kom og var það vegna þess að Ríkisstjórn Ísland bauð honum að koma á Alþingishátíðina. Þá var hann einnig gerður að heiðursborgara Akureyrar. Nonni féll frá þann sextánda október árið 1944. Hann var staðsettur í loftvarnarbyrgi undir St. Franziskus-spítalanum í Köln. Hann var grafinn í Köln í Melatenkirkjugarðinum.

https://is.wikipedia.org/wiki/J%C3%B3n_Sveinsson

Elín Guðrún Gunnarsen var saumakona og flutti í húsið árið 1865 og bjó þar í einungis eitt ár. Hún var einstæð með þrjú börn vegna þess að maðurinn hennar flúði landið.

Þann sjöunda júní sama ár flutti fjölskylda inn. Það voru þau Sveinn Þórarinsson og konan hans Sigríður Jónsdóttir ásamt börnunum sínum fjórum og vinnufólki. Jón Stefán eða Nonni eins og hann var kallaður var einn af börnunum og var einungis sjö ára. Sveinn leigði húsið af Páli en gat ekki keypt það af honum vegna þess að fjölskyldan var of fátæk. Eftir að Sveinn lést og Sigríður lét frá sér börnin sín og flutti út úr húsinu fór Nonni að skrifa bækur. Nonni varð heimsfrægur barnabókahöfundur og þess vegna fékk æskuheimili hans nafnið Nonnahús. Tveir af sjö heiðursborgurum Akureyrar hafa búið í Nonnahúsi og einn af þeim er Nonni. Fjölmargar fjölskyldur bjuggu í Nonnahúsi eftir að fjölskylda Nonna hvarf. Síðasta fjölskyldan til að flytja út er talin hafa gert það árið 1944.

http://www.nonni.is/?m=page&f=viewPage&id=15

Safnið sem um hann var gert er verðskuldað og er hann maður sem ætti að minnast um ókomna tíð. Ekki yrði svo galin hugmynd að taka það upp í grunnskólum Akureyrar að lesa eina bók eða svo eftir Nonna. Það gæti haft góð áhrif á viðhorf ungra krakka gagnvart menningu Akureyrar. Framtak Zontaklúbbsins gangvart minningu Nonna er eitthvað sem er mjög aðdáunarvert og hefur klúbburinn unnið mjög gott starf og á hann skilið gott hrós fyrir.